موسيقى الشعر - دروس في علم العَروض

[abuzahda]

المشاركة الأصلية كتبت بواسطة سمعجى

شاعرنا الكبير أبو زهدة

يا مراحب بشاعر ربابة العصر
و الله يا عمي ( العامود ) بقى مَرمَر بـِطـَلـِّـة حضرتك ،،
مع إنه مهجور مِن ييجي 6 شهور

أصلي ( كلام في سِرَّك ) لقيت العملية ناشفة و التلامذة أهاليهم لا مؤاخذة يعني على قد الحال ،، يعني م الآخر كدا ، شغلانة مِش جايبة هَمِّها

جيت ( لا مؤاخذة ) خالع المَدَاس و حَطـُّه تحت باطي و ( يا فـَكيك ) ،، و قلت ف عقل بالي : اللي يحصَّلني يكسَّرني

و آديني يا محترم ، شغـَّال في الدروس الخصوصية لتلامذة وِشـّها أحمَر بـِيّبٌكّ الدَّم من أثر النِعمة و العيشة الأريَحيّة ،،

و آهو بينوبني م الحُب جانب ، إيشي سيمون فيميه و باتيه و مادرِك إيه ،، و ستيك مشوي ع الجريل ، و بيتزا بالمودزاريل ،،،،، و بنات من على المشنقة تحِل ،، و باغني معاهم jingle bell

مش تقوللي ( كلامُنا لفظ ٌ مفيدٌ فاستـَقِم ) ، طاب و رحمة الشيخ يوسف المنيلاوي مانا ( مُستـَقِم ) ،، بــِكفاية جْراية الازهر و خرطة المِش بتاعة ابن ابو مندور ،، إتهَريت يا ناس

و كله كوم ،، و رائد المصري كوم ،، كان بيستعماني يا مولانا ،،

يرُوح يصرف دوا الكـُحة المجاني م التأمين الصحي ، و يحطه في الصَّحن العُهدة بتاع الأزهر ، و يقوللي غَمِّس عسل اسوِد يا عم الشيخ ،، دا صعيدي أصلي من سرياقوس ،،
بس ( بيني و بينك ) كان دوا الكحة بيعمل دماغ و لا أجدعها سَطل بوظة

و اللي زاد و غـَطـّى ،، الطالب عصفور طاير ،،
حافِض كل الدروس عن ظهرِ قلب ، و مع ذلك ما بيفـَوِّتش حِصة و لابـِد في آخر الفصل جنب الشباك ، و السيجارة ف ضهر السيجارة ،، أتاريه بيلاغي ف بنات المدرسة الثانوي اللي جنبنا ..

و جاتني فيه شكاوي كتير ،، دي حتى الأبلـَة بتاعة الألعاب اشتكت مِنـُّه

عموماً إنتَ تأمُر يا سيد الكل ،، و حضرتك تشرف و تآنِس ( تبع المجَّاني ) ،، دانتَ ابن ناس أكابر ،، و ربنا يديم المعروف

طاب تصدَّق بالله ،، لولا ضيق الوقت المتاح لي للدخول في عالم سماعي المُبهِر ،، كان زماني وصلت لشواطيء بحر المقتضب ،،
لكن أعمل إيه في يومي ( الضيّق )

عموماً ،، السيمِستر القادم يبدأ إثرَ إطفاء أنوار العام المُنصَرم ،،
يعني مع أول يناير 2009 ،،

و كريسماس سعيد ع الكُلّ كليلة

طاب و الله نوَّرت المطرح يا شاعر العصر ،،
في بَر كندا و مَصر

يادي النور يا ولاد

ربنا ما يحرمنا من علمك و ظُرفك و كرم أخلاقك ياسيدنا
و الله (بجد) يا عمي كمال ، إنت جمعت من صفات المشايخ:
ذكاء الروح و سخاء النـَّفس ، وربنا يديمهم لنا فيك


و الناس كلها مستنية استئنافك الدرس
كمان علشان "فضيلتك" عارف الحياه هنا اليومين دول كلها "مشاوير"
وخصوصاً للي عنده عيال في المدارس . مقضيينها غنا و حفلات مدارس و طراطير وحاجات من دي

فلما تنقضي أجازة الكريسماس ، أعادها الله على الجميع بالفرح و السلام. هتلاقيني معلق "الجربندية" في رقبتي و "اللوح" تحت باطي . وجايلك ياسيدنا أبرد قلب فضيلتك "الكبير" من مش ابو مندور .
وفضيلتك عارف اخوانك الكنديين ، كل واحد ماشي ماسك"بزازة" القهوة في إيد وفي الإيد التانية "حاجة حلوة" تستاهل "بوءَك" لما تدوب فيه يامولانا زي غزل البنات.

حكايتك عن "عسل الأستاذ رائد" فكرتني بأبي العلاء المعري ، ومن بعده طه حسين (!)
ربنا يمتعنا بنظرك ياعمي كمال ، يا صاحب النظر

[ريما]

استاذ كمال انا جايبه معايا طبق عاشوره ينفع انضم تانى

والمره دى هفهم صح وبعدين راعى ان الحروف عندى اساسا

مش متظبطه فانا من راى تظبط معايا الحروف الاول وبعدين

حضرتك تكمل الدرس دا طبق عاشوره يا استاذ كمال مش اى كلام

وعليه قرفة كمان ومكسرات ها 00000انضم ولا لا

[سمعجى]

عاشورة !

مِن إيد ما نِعدَمها يا سِت الكُل
آهو الواحِد يحَللي بيها بعد ( العُزومة المَتينة )

أصل عَمِّك الشيخ على لحم بَطنـُه مِن صباحِيّة رَبنا ،،،

ما تطلبي لنا كيلو كباب و كفته من عند أبو رامي بتاع السيدة زينب
و لاّ ابو عادل اللي في المهندسين !

و ما تشغليش بالِك بموضوع ( الحروف ) بَتااااتاً
دي حتى ال ( ق ) لما تتنطق ( ك ) بتطلع ، ( رَئيئة ) ، و تؤهلِك للعمل كمذيعة ألمعيّة

و ال ( ظ ) حرف غليظ ،، و بيوجَع ( اللِوَز ) ..
إنطقيه ( ز )

و سِيبـِك من ال ( ذ ) ،،
لسة حانطـَلـَّع طرطوفة اللسان من بين الأسنان اللولي !
خليها ( ز) برضو

و اذا كان على ال ( ث ) ، فما تشغليش بالِك خااالِس ،،
إنطقيها ( س ) زىّ كل المصريين ،،
تعرفي تقولي :

ثريا ترثي عثمان في يثرب و ثوبُها رثٌ أشعث

و إيّاكِ و تعطيش ال ( ج ) ، فمصر هِبة النيل ، و لا يجدُرُ بحروفِها التعطيش ،،

و لا تـُفـَـخمي ال ( خ ) حتى لا يصيبها الغرور
أما ال ( ض ) فاجعليها ( د ) ،، فتقولين مثلاً :

لغتنا لغة الداد

و لن أوصيكي بال ( ص ) التي تتحولُ إلى ( س ) في فـَمِ الحلوين

بَقِيَت ال ( ط ) اللي دَمّها تئيل ،،
أكيد بتنطقيها ( ت ) بدون توصية من عَمِّك الشيخ ،،
يا عاشقة التـَرب العربي الأسيل

و يا حبذا لو جعلتِ ال ( ر ) : ( غَه ) كما تنطقها الأخت ميمي شكيب ،، فلها فِتنة ( فرنسية ) الإيقاع

ولتذهب الحروف جميعها إلى الجحيم ، فهى لا تسمن و لا تغني من جوع ،،
أما الكباب و الكفتة ، فهو يُسمِن ، و يُغني مِن جوع

إتوَكِلي على الله و اتصلي بالحاتي يا ريما ،،
و انا عَليا السلاطات ،،

قصدي السَّـلاتات

[محمود]

المشاركة الأصلية كتبت بواسطة محمود

أول كلامي سلام ..

سَيِّدنا راجع بإذن الله .. حد يا جماعة يوصل لحد بيت ام خَـلـَف ينده للواد خلف العريف علشان يلـِم الفراخ والوز اللي الست والدته استولت على الكتاب وبتربيهم فيه وينضف المطرح ويرش شوية مَـيـَّة.

تحياتي

محمود

أول كلامي سلام ..

يا سيدنا غيابك طال وأهل البلد حالفين ولادهم ما يحفضوا الألفية إلا على إيد فضيلتك. ثم إن ام خلف دبحت الفراخ والأنارب والبط اللي كانت مربياهم في الآعَة والواد خلف كنس المطرح وهوَّاه وخلاه يشر ِح القلب العليل ، ومعادش فاضل غير ان فضيلتك تنور الدكة من تاني وصوتك يجلجل. يعني يرضيك بعد ما لفيت على البيوت ونبهت على ولاد البلد وكلهم جهزوا الزُواده تقوم فضيلتك تخلا بيهم كداهُه؟!

تحياتي

محمود

[unicorn]

سيدنا قدامه يومين او تلاتة بالكتير , و نازل الكتَّاب يا دكتور محمود
انا قلت اسجِّل وعده دة هنا , عشان ما يقدرش يُمْلص منه.
بس المشكلة ان الراجل دخل بيوت ناس أكابر , و داق البيتزا و السومون فيوميه
يعنى المِش اللى باجيبه معايا من البيت ما بقاش ينفع ,
حتى الفرخة العتقية بتاعت اول كل شهر اللى بتجيبهاله مش هاتدخل مزاجه ,
يعنى المعلوم لازم نضاعفهوله عشان يقنع و يرضى و يحفضنا بما يرضى الله .
ربنا يكفيك شر السومون فيوميه و اللى بيعمله فى نفوس الناس يا اخويا ,
دة ياما خرب بيوت و ياما دخّل ناس اللومان .

[محمود]

المشاركة الأصلية كتبت بواسطة unicorn

سيدنا قدامه يومين او تلاتة بالكتير , و نازل الكتَّاب يا دكتور محمود
انا قلت اسجِّل وعده دة هنا , عشان ما يقدرش يُمْلص منه.
بس المشكلة ان الراجل دخل بيوت ناس أكابر , و داق البيتزا و السومون فيوميه
يعنى المِش اللى باجيبه معايا من البيت ما بقاش ينفع ,
حتى الفرخة العتقية بتاعت اول كل شهر اللى بتجيبهاله مش هاتدخل مزاجه ,
يعنى المعلوم لازم نضاعفهوله عشان يقنع و يرضى و يحفضنا بما يرضى الله .
ربنا يكفيك شر السومون فيوميه و اللى بيعمله فى نفوس الناس يا اخويا ,
دة ياما خرب بيوت و ياما دخّل ناس اللومان .

أول كلامي سلام ..

إيوة ايوة قولتلي .. أنا عارفه الفوميه ده. عمدة بلدنا كان مركب لوحين منه في المندرة البحرية. إنما هو سيدنا من إمتى بقى من دول ، وبياكل جزاز؟؟!! وتجوللي كـُتّاب وعريف ومش بدوده. ده كدا حياكل زلابيا كل يوم ومحدش حيعرف يكلمه. وعليه العوض ومنه العوض في العلام واللي بيتعلموه بجه.

تحياتي

محمود

[سمعجى]

المشاركة الأصلية كتبت بواسطة محمود

أول كلامي سلام ..

يا سيدنا غيابك طال وأهل البلد حالفين ولادهم ما يحفضوا الألفية إلا على إيد فضيلتك. ثم إن ام خلف دبحت الفراخ والأنارب والبط اللي كانت مربياهم في الآعَة والواد خلف كنس المطرح وهوَّاه وخلاه يشر ِح القلب العليل ، ومعادش فاضل غير ان فضيلتك تنور الدكة من تاني وصوتك يجلجل. يعني يرضيك بعد ما لفيت على البيوت ونبهت على ولاد البلد وكلهم جهزوا الزُواده تقوم فضيلتك تخلا بيهم كداهُه؟!

تحياتي

محمود

نـوَّرت الآعة يا دَكتورنا الغالي ،،

و راس سيدي المَخنجي ،، أنا كل ما ارُوح حَلـَقة السَمَك ، أستـَقضَى شوية قِشر بياض
و لاّ طريحة بوري من ابو وِدن صَفرا ،،
يقوم طيف معاليك ناطط على بالي كِدا من غير استئذان ،،

و اقول في عقل بالي ،،
هوَّ مش برضو يا واد يا سمعجي ( دَكتووور ) في الثروة السَمَكية !
اللي عُمرُه ما افتكرك بجوز حِنشان و لا كيلو بطارخ و لا حتى بكابورياية دَكر ،،

يكونشي دَكتووور في ( الثورة السمكية ) !

ماهو أصل الثروة و الثورة على نفس الحروف و الوزن ،،
أكيد و حتمَن لـَزمَن ،، يكون دكتور في الثورة ،،
آل ثروة آل !
و هو لو فيه ثروة ،، كان كيلو البربوني وَصَل 45 لحلوح !

طاب و رحمة شرَف سيدي المَكـْفي ،، ما تخبَّي عليـّا حاجة

إذا كان كارَك في الثورة السمكية ،،
ضمني للقراميط الأحرار ،،

و محسوبك مستعد لكافة أنواع الإنقلابات الثورية القادمة
( من تحت الماء )

ما هو لا مؤاخذة مخلوقات ( اليابسة ) لا عارفة تغيّر و لا تصَيّر ،،
فالحِين في ( السِّياح ) و الجعجعة في المظاهرات ،
لغاية أول خرزانة ف إيد عسكري أمن مركزي ،،
و تلاقي المُولِد انفـَض ، و كل حَى خَد ديله في سنانه و فلسَع ،،

ما فيش غيرها الثورة السمكية اللي هاتقلب نظام الحكم ،،
و تِقلِب ريحته كمان ،،
و يبقى شِعار المرحلة :

إقلِبها ظفارة ،، دي العيشة مرارة

عموماً يا سيدنا الدَكتور ،،
أنا حابعَت الواد خلف العريف ، يلِف ع البَلد دار دار ،،
و يبلغهم يبعتوا العيال بكرة من صباحية ربنا ،،

أما السِت ام خلف اللي استولت على الثروة الطيورية أثناء غيابي في البندر ،،
فانا حاقرا عليها عِدّية ياسين ،، يـِمكن تنسَخَط ( بطة ) ،،
و آهو الواحِد يـِرُم عَضمُه بيها ،،



واد يا خلـَف ،،، قوم قامِت قيامتك ،،
إبعَت امك تيجي تاخد ( الآعة ) وِش نضافة ،،
و رُوح انتَ لِف ع الكَفر و بلغهُم بيت بيت ،، إن عمك الشيخ سَمَعجي فتـَح الكُتـَّـاب ،،
و جاهز لكافِة شييء ،،

أحجبة لمنع الحسد ،، تطليع العفاريت من جتِة الملبوسين ،،
رقية شرعية ،، فك السِحر ،، إزالة المَس الشيطاني ،،
تفسير الأحلام ،، العلاج بالأعشاب ،،

و آخر حاجة تقولها يا خلـَف : دروس عِلم العَروض

خـُد راحتك يا وَله في اللف ،،
بس ابعت امك الأول تيجي تنضف المكان ،،
عاجبَك الكمكمة اللي احنا فيها دي ؟!

مَالـَك بتزغـُـر في خِلقتي كِدا يا بن الفرطوس ؟!

[سمعجى]

المشاركة الأصلية كتبت بواسطة unicorn

سيدنا قدامه يومين او تلاتة بالكتير , و نازل الكتَّاب يا دكتور محمود

انا قلت اسجِّل وعده دة هنا , عشان ما يقدرش يُمْلص منه.
بس المشكلة ان الراجل دخل بيوت ناس أكابر , و داق البيتزا و السومون فيوميه
يعنى المِش اللى باجيبه معايا من البيت ما بقاش ينفع ,
حتى الفرخة العتقية بتاعت اول كل شهر اللى بتجيبهاله مش هاتدخل مزاجه ,
يعنى المعلوم لازم نضاعفهوله عشان يقنع و يرضى و يحفضنا بما يرضى الله .
ربنا يكفيك شر السومون فيوميه و اللى بيعمله فى نفوس الناس يا اخويا ,
دة ياما خرب بيوت و ياما دخّل ناس اللومان .

يا دي النور يا دي النور ،،
و الله و شرَّفت يا بو مندور ،،
بيتك و مطرحَك ،،
و اقعُد في الحِتـّة اللي تريَّحَك ،،
وَ نِعم الشباب ،،
و زينة الأحباب
ثورَجي مِن يومَك ،،
و محبِّتـَك سابقة لومَك

شوف بقى يا سِيد الكـُلّ ،،
إحنا عاملين تنظيم صُغيّر على قـَد الحال ،،
إسمه تنظيم القراميط الأحرار ،،
و القائد بتاعنا حضرة جناب الدَّكتور محمود ،،

و هدفنا المنشود هو القيام بثورة سَمكية ،،
و باعتبارك من إسكندرية عروس البحر الأبيض ،،

فالمطلوب من جنابك ،، تجنيد كافة أنواع السمك اللي بيلـَعبَط
في بحركم أبو موجة ساتان ،،


و انا متشكر قوي قوي عَ التليفون اللي شدتهولي مِ البندر ،،
و عشان خاطِر وِشك السِّمِح دِه ،،
آني حارجع أقعد في الكفر وِسط أهلي و ناسي ،،
و ربنا يقدرني على نسيان السيمون فيميه

و بالمناسبة السعيدة دي ،،
خـُد شوية الجناس التام دُول :

لو عايز تعرف أبو مَن ؟! دُور
و امشي ف سِكة مالهاش سور
و امـَّا تلاقي ف وِشك نــــــور
تعرف إنه ،، أبو منـــــــــدور
و تبلـَّغنا عشان مَـــن ،،، دُور

[عادل محمد]

فى الحقيقة أنا ح ادخل فى الموضوع دوغرى
بدون تحيات وسلامات على الناس الحلوين
إللى فى المطرح ده

فيه علوم أشوف ان مالهاش عوزة منها وعلى رأسها علم العروض والنحو ( سيبويه والفراهيدى والخليل ابن احمد ، إلخ إلخ ...
ومنها علوم المقامات الموسيقية وما يتبعها ، ومش لاقى أى عوزه إنى أعرف اللحن ده بياتى ولا عجم !!
وفروع النقد الأدبى
كلها علوم مبنية على أصول موجودة من قبل ثم تبدأ انت فى إسترجاعها أو تفكيكها .
تحياتى لكل الأخوة والأخوات
أنا بالصدفة لاقيتكم بتتكلموا ، قلت أمسى عليكم .

[unicorn]

المشاركة الأصلية كتبت بواسطة عادل محمد

فى الحقيقة أنا ح ادخل فى الموضوع دوغرى
بدون تحيات وسلامات على الناس الحلوين
إللى فى المطرح ده

فيه علوم أشوف ان مالهاش عوزة منها وعلى رأسها علم العروض والنحو ( سيبويه والفراهيدى والخليل ابن احمد ، إلخ إلخ ...
ومنها علوم المقامات الموسيقية وما يتبعها ، ومش لاقى أى عوزه إنى أعرف اللحن ده بياتى ولا عجم !!
وفروع النقد الأدبى
كلها علوم مبنية على أصول موجودة من قبل ثم تبدأ انت فى إسترجاعها أو تفكيكها .
تحياتى لكل الأخوة والأخوات
أنا بالصدفة لاقيتكم بتتكلموا ، قلت أمسى عليكم .

عالعين و الراس وجهة نظرك دى يا عادل باشا , و دى ليها ناس مقتنعين بيها فعلا و لهم منطقهم فى ذلك ,
و وجهة النظر الاخرى تقول ان " التفكيك " للأصول و القواعد النظرية للعلم و التعرف عليها لتعلمها , يزيد من قدرتك على فهم العلم و تذوقه و متانة استخدام المتعلم لهذه الأصول فيما بعد.
بمعنى انك بالفعل ممكن بأذنك الموسيقية الحساسة تتذوق جمال اللحن ككتلة واحدة , و لكن مع معرفتك بالمقامات و أنواعها و تحويلاتها , لا شك الامر سيختلف و ذائقتك ستزداد حساسية و استمتاعك بجماليات اللحن سيأخذ شكلا آخر لتميز اسباب سؤ اللحن أو اسباب جماله فى كل جزئياته و ليس ككل.
و كذلك الامر فى علم العروض
فقد يهتم به فقط من أراد ان يقرض الشعر
و لكن لأتذوق ما يقرضه الشعراء جيدا أحاول تعلم اصول الصنعة لاميز الصانع الجيد و لتزداد حاسة استقبال شعره , و لأميز البيت الموزون من البيت المكسور , و هذا لا شك لن استطيعه دون فهم علم العروض.
بالمناسبة علم النحو لم يكن له اصول فى الجاهلية
و لان العرب كانوا أهلا للغة فكانوا يرفعون الفاعل و ينصبون المفعول دون قاعدة نحوية لذلك , اللهم الا السمع و التعوّد
و لكن لدخول امم جديدة فى اللغة أصبح من الضرورى الرجوع الى قواعد تحكم الجميع , و ليرجع اليها من هو ضعيف فى اللغة ليتعلم اساسياتها ,

و الا ضاعت اللغة و ضاعت قواعدها و اصولها ( الا من كتاب الله ) و ذابت مع اللغات الأخرى.
أسعد الله كل أوقاتك يا استاذ عادل