اعمال مروان شلبي

[مروان شلبي]

المشاركة الأصلية كتبت بواسطة عادل صموئيل

اخى الاعزيز مروان
وحشتنا جدا وربنا يمن عليك يالشفاء العاجل
الإبنة العزيزة وفاء
اشكرك على هذا الأداء الجميل وانا كنت من اول الناس اللى اتحمسوا ليكى من يوم ماسمعتك فى ياحلو صبح لكن النهاردة انا اكتشفت فيكى موهبة جديدة وانا بتكلم من كل خبرتى وبدون مجاملة لأنى عمرى ما اجامل فى الفن
الغنا النهاردة بين فيكى كل موهبتك لأن اللحن يتهيأ للمستمع العادى انه سهل لكن هو صعب جدا ومحتاج تمكن كبير فى الأداء وعملية انك غنيتيه بالكفاءة دى من غير مصاحبة موسيقية انا اعبره اعجاز
واكتشفت ان الزمن بتاعك جميل جدا يعنى اللزم الصغيرة اللى فى وسط الغنا انتى سكتتى فيها بزمن محسوب بدقة ممكن محترفين يغلطوا فيها
فيه ملحوظة مهمة جدا تحسب ليكى ان طول ما بتغنى اللحن مش ممكن حد يحس انك سورية ودى قمة التمكن ان الفنان لما يغنى اغنية بلهجة تانية غير لهجته الأصلية ان مايظهرش اى حرف يبين ان اللهجة فيها شىء لأن ده بيشتت انتباه المستمع , يعنى عندنا ف مصر بييجى مشاهير من دول عربية وبيغنوا عبد الوهاب لكن بتفلت منهم حروف فى مشكلة اللهجة بتقلل طبعاً من قيمة عملهم
اطيب تحياتى واتمنى ان بابا لما يتماثل للشفاء انك تسجليها تانى معاه لأن انتى اجدتى بنسبة 100% ولو غنيتيها على عزف بابا بتوزيعه الجميل واللى بيبرز حلاوة اللحن الأصلى اكيد حاتبقى حكاية تانية
مع اطيب تحياتى

استاذي القدير عادل صاموئيل
لقد قرأت كلماتك الجميله مرات عده والذي اشعرني بالسعاده ان هذه الكلمات تصدر عن استاذ كبير عايش الفنانين الكبار وعمل معهم , وهذا الكلام اعطاني دافعا لأن احاول ان اكون في كل مره افضل مما قبلها .
والوالد يحضر لي الآن الأغنية التي اقترحتها حضرتك منذ فترة وهي اغنية نسم علينا الهوى وسوف ننتهي منها قريبا انشاء الله .
اشكرك استاذ عادل .
وفاء