أعمال من تنفيذ الفنان محمد الآلاتي

**الألآتى** · #1 01/04/2009, 02h55

إلهى ماأعظمك

كلمات : حسين السيد

ألحان : رياض السنباطى

تنفيذ وأداء : العبد لله

شكر خاص للأستاذ عادل صموئيل لتفضله بعزف صولو الكمان

**محمودسعد** · #2 01/04/2009, 03h12

لااله الا الله محمدرسول الله
والنبي انت راجل كل الصفات الجميله فيك
الاتي مااجملك
الاتي مااروعك
الاتي مااحسنك
ربنا يذيدك من نعيمه ويديك ماتتمني واشوفك ماسك المايك وبتغني يوم فرح حسام واخواته
انت فنان محترم وطول مافي بلدنا زيك يبقي الدنيا بخير
والفن بخير
وكل اغنيه عظيمه وانت بخير
ياوش الخير

**مروان شلبي** · #3 01/04/2009, 07h31

اخي الآلاتي
اختيار رائع لقصيدة رائعة
وعزف وتنفيذ وتسجيل جميل جدا
وفقك الله .

**ahmed noor** · #4 01/04/2009, 12h36

اســــــتاذى

عندما كنت تايه فى ملكوت الله وبدور على طريق يعلمنى اصول الموسيقى

لقيت روحى على ارض سمـــــــــاعى وبنول وسام عضوية المنتدى

واول شئ شافته عنيا هو دروسك فى الموسيقى ومن وقتها لقيت نفسى هايم ومغرم بكل حرف بتقوله

اما بالنسبه لموضوع صوت حضرتك فتأكد انك لو اتكلمت بـــــــس كلام بدون نغم

والله برضه هيكون فن بكل اصوله

انا شخصيا بعتز بحضرتك جدا وبدعى ربنا يحين المعاد لشرف مقابلتك

**ابو عبدو سفور** · #5 01/04/2009, 13h53

الله الله الله -عليك ياأستاذ- أبو حسام- ماشاء الله لاقوه إلا بالله- حفظك الله ورعاك=ياأخي أنا كنت متابع تحليلاتك الرائعه ستجعلني أنتظرأصواتك السماويه أداء صادق والله=شئ جميل جميل جدا حقيقه بلا مبالغه\وكل الشكر أيضا للأستاذ عادل وبالتوفيق لكم إن شاء الله- في هذا الزمان الذي أحوج مانكون فيه إلى صدق الأداء

**عادل صموئيل** · #6 01/04/2009, 17h43

عزيزى المايسترو محمد الآلاتى
الله عليك والله وانت عارف ان كلامى محسوب عليا ومش ممكن انا فق حد او اجامل على حساب الفن
عمل اكثر من رائع يعنى احلى من ما كنت اتخيل وانا تشرفت انى عزفت فيه صولو الكمنجة
والشىء الجميل هنا ان لما سمعنا اللحن الأصلى مع نجاة كان له مذاق خاص ولما سمعناه هنا كان فعلاً له مذا خاص تانى وتميز تانى وصوتك جميل جدا ومعبر جدا يعنى يكفى مفيش حد من المحسوبين علينا مطربين بالإكراه بتوع اليومين دول واللى ماليين السوق شريط واسطونات فيه واحد على 100 من امكانياتك الصوتية وانا بحس لما بسمعهم بحس انى بسمع صوت فتلة او عود جرجير خارج لوحدة مش عارف ليه من حزمة الجرجير , صوتك من الناحية الفنية فيه كل مواصفات الصوت المطرب يعنى عبارة عن حزمة فيها خامات كتير فيها الباص والتريبل واللى بينهم ناهيك ( حلوة ناهيك دى ؟) ناهيك عن امكانياتك الصوتية فى الإنتقال من القرار والجواب من غير ماتفلت منك نغمة , يعنى مرة مطرب مشهور اوى اليومين دول فى فيلم بيمثله غنى الدنيا ريشة فى هوا ولو انت حللت مذهب الأغنية دى تلاقيه سهل يعنى صعوبته فى الأداء تحت المتوسط والمطرب اياه صوته ما اسعفوش وقعد يبتدى الجملة من القرار ويكملها من الجواب ويتزنق يرجع القرار تانى مع ان اللحن زى ماقلت سهل جدا مافيهوش اى نوع من الإحتياج للفزلكة او التحايل بسبب الصعوبة والمصيبة السودة ان المخرج اذاع فى الفيلم الأغنية بصوت سعد عبد الوهاب مش فاهم ليه يعنى ماعندوش تذوق يفهم اللحن ده اتقال فى فيلمه ازاى ؟
المهم الشغل اكثر من رائع وننتظر جديدك

**ريما** · #7 01/04/2009, 19h27

تحفه بجد جميلة وفرحانة طبعا لانى كنت

موجودة ساعة ولادة صولو الكمان

**الألآتى** · #8 02/04/2009, 02h19

اقتباس:

المشاركة الأصلية كتبت بواسطة عادل صموئيل

عزيزى المايسترو محمد الآلاتى
الله عليك والله وانت عارف ان كلامى محسوب عليا ومش ممكن انا فق حد او اجامل على حساب الفن
عمل اكثر من رائع يعنى احلى من ما كنت اتخيل وانا تشرفت انى عزفت فيه صولو الكمنجة

حبيب قلبى وعمى وأستاذى عادل صموئيل ..

أشكر لك رأيك الفنى فى أدائى المتواضع .. كما أشكرك مرة أخرى لتفضلك بمشاركتى فى عزف الصولو لهذا العمل ..فهذا بالتأكيد شرف لى .. وأضاف على القصيدة مصداقية موسيقية ..

أما بخصوص الراجل ده .. إللى ماعرفش يغنى ريشه فى هوا .. فهذا مايرميه هذا الزمن علينا من مخلفات ونفايات ..

**الألآتى** · #9 02/04/2009, 02h14

اقتباس:

المشاركة الأصلية كتبت بواسطة ابو عبدو سفور

الله الله الله -عليك ياأستاذ- أبو حسام- ماشاء الله لاقوه إلا بالله- حفظك الله ورعاك=ياأخي أنا كنت متابع تحليلاتك الرائعه ستجعلني أنتظرأصواتك السماويه أداء صادق والله=شئ جميل جميل جدا حقيقه بلا مبالغه\وكل الشكر أيضا للأستاذ عادل وبالتوفيق لكم إن شاء الله- في هذا الزمان الذي أحوج مانكون فيه إلى صدق الأداء

أخى أبو عبدو .. كلماتك أثلجت صدرى .. ودعائك الكريم .. أشكرك عليه .. أشكرك..

**الألآتى** · #10 02/04/2009, 02h12

اقتباس:

المشاركة الأصلية كتبت بواسطة ahmed noor

اســــــتاذى

عندما كنت تايه فى ملكوت الله وبدور على طريق يعلمنى اصول الموسيقى

لقيت روحى على ارض سمـــــــــاعى وبنول وسام عضوية المنتدى

واول شئ شافته عنيا هو دروسك فى الموسيقى ومن وقتها لقيت نفسى هايم ومغرم بكل حرف بتقوله

اما بالنسبه لموضوع صوت حضرتك فتأكد انك لو اتكلمت بـــــــس كلام بدون نغم

والله برضه هيكون فن بكل اصوله

انا شخصيا بعتز بحضرتك جدا وبدعى ربنا يحين المعاد لشرف مقابلتك

العزيز أحمد نور ..

أشكرك حبيبى على شعورك الطيب وكلماتك الرقيقة فى حق منتدانا العزيز سماعى ..

وإن شاء الله نلتقى قريباً على خير ..