رجَّع الشريط

[محمود]

المشاركة الأصلية كتبت بواسطة unicorn

يا سلاااااااام ؟؟؟؟؟!!!!!!!!!!!!!
على كدة بقى يا دكتور محمود انا اروح اضرب نفسى بالنار , و اتعلم عربى من اول وجديد
دة انا زبون اساسى عندك هنا
و يا سيدى خلينى احاول مرة اساعد حد هنا بعد الكل ما ساعدنى ,
برغم ان غنوة فيروز دى ما اعرفهاش
بس ممكن افتى كدة بالحداقة و الفهلوة و بخبرتى فى لهجة اهل الشام الجميلة ان كلمة مشلوحة تعنى منعزلة أو ملقاة
و هذا تفسير مؤقت للكلمة الى ان يتقدم أحد إخواننا الشوام الكرام بالبت النهائى فى المعنى و فى فتواى
هذا و الله اعلم

أول كلامي سلام ..

طيب خلاص يا عم .. نار إيه بس وبتاع إيه عاوز تجيب لنا سين وجيم؟؟!! .. إركن انت على جنب، لكن باقي الأعضاء مبيسألوش ليه؟ ولا حد بيسأل ولا حد بيجاوب والحالة ضنك والعيشة غليت وبقت نار .. يكونوش خايفين يسألوا احسن نزود عليهم رسوم العبور (زي قناة السويس) أو رسوم السؤال.

شكرا للإجابة يا زعيم .. واضح انك خبير في كل ما هو شامي .. اللهجة والعيش والحلويات والتبولة، إنما أغاني فيروز لأ!! يا عمنا من عزالنوم بتسرئني (بتسرأني بالمصري) أغنية جميلة وأعتقد انها موجودة في مثبت فيروز. عموما لو غير موجودة أنا مستعد لرفعها في أي وقت.

تحياتي

محمود