موسيقى القافلة

**غازي الضبع** · #6 04/11/2007, 05h33

اقتباس:

المشاركة الأصلية كتبت بواسطة سمعجى

و الله ضحكتنى يا عم غازى
انت حكيت الواقعة بمعايشة كاملة و تفاصيل دقيقة و لا أجدع أديب
و حسيت كأنى قاعد جنبك فى السيات الكحيانة ..
ضحك مختلط بفزع مع خلفية ( القافلة ) !!
و آهى (الحِتة المنمنمة ) دى بالذات ، هى المفجر الأكبر للقهقهة ،
هذا التناقض بين سيارة مقذوفة كحجـَر فى مهب الريح ، و بين
هدهدة تختروان الجـِمال و تهادي القافلة كما تستدعيها المقطوعة فى الخيال ..
المشكلة التى سأعانى منها مستقبلا ، أننى حين أسمع القافلة ، سأتذكر السيات ..... منك لله

أولا .. ما كانش ينفع تقعد جنبي لإن الكرسي اللي جنبي كان مخلوع

ثانيا .. أنا نسيت أقول لكم أنا اتخلصت منها إزاي ..
أولا هي قعدت معايا بالظبط 6 أيام .. وعند الميكانيكي 16 يوم .. وبعد أن احتار في أمرها .. قاللي بيعها ..
حاولت بيعها بأكثر من طريقة .. وأنا طول عمري شاطر جدا في المبيعات
الحقيقة انا كنت شاريها بـ 6500 جنيه
وبعتها بـ 4700 جنيه وكيس فينو