شــاديــة- 8 فبراير 1931 - 28 نوفمبر 2017

[موجي]

بقدم لكم دلوقت تسجيل جديد ارجو انه يكون جديد على اسماعكم لتحفة الموسيقار الراحل محمود الشرف وكلمات الشاعر محسن الخياط مسيرك هتعرف ...وأنا قبل رفعه بحثت في الارشيف ولم اجده... ولم اجد ايضآ أي تسجيل تاني للأغنيه من حفل آخر سوى الحفل الشهير اللي اقيم عام 1975 في نادي القاهره ساعة حدوث حادث انقطاع التيار الكهربائي أثناء وقوف شاديه على المسرح وغنائها فهقوم برفعه دلوقت وأرجو إنه يكون جديد على اسماعكم ...
وأرجو من الاستاذ الاعلامي الغواص في التراث أ. ابراهيم حفني انه يبحث لنا عن تاريخ الحفل ده ويذيعهولنا لان أستاذ ابراهيم كان اذاعه زمان في حلقه من الحلقات اللي كانت بتقدمها نبيله مكاوي والاغنيه اتقدمت لوحدها من الحفل ده...الاغنيه مدتها 23 دقيقه ونصف

اسيبكم دلوقت تستمتعوا بغناء رقيق وإحساس عالي من شاديه وهذا التسجيل الجميل لاغنية مسيرك هتعرف.
محسن الخياط...محمود الشريف.

[موجي]

ده تسجيل كامل ومختلف لأغنية الفنانه شاديه رحلة العمر.
أعتقد انه من حفل كان في مسرح البالون ولكن ماعنديش تفاصيله للأسف

الملاجظ فالتسجيل استبعاد الآلات الغربيه اللي صاحبت تقديم الاغنيه في الحفلات التانيه يعني بيغلب عالتوزيع الموسيقي الطابع الشرقي.

الأغنيه من كلمات علي الباز وهو آخر ماغنت شاديه من الحان الموسيقار كمال الطويل .

[Ibrahim Hefny]

المشاركة الأصلية كتبت بواسطة موجي

للأسف بقالنا زمن بندور وبنبحث عن تسجيل واضح وجيد للاغنيه النادره دي بتمنى جهود صديقنا الاعلامي المخلص ا. ابراهيم حفني يلاقيها ويذيعهالنا في برامجه ...هتكون هديه جميله منه ...لانها قطعا موجوده في الاذاعه او اي صديق من المتابعين للمحطات العربيه اللي بتذيع نوادر الاعمال تذيعها ...بس ياريت نلاقي تسجيلها الاصلي

السلام عليكم يا أستاذ مجدى
إن كان هناك أمل فى العثور عليها؛ يبقى عند أقارب أطراف صناع هذه الأغنية
هذا جانب من موضوع أغنية "كفاية أحبك أنا"
كلمات أحمد شفيق كامل
فى 20 - 12 - 1957 سجلت شادية الأغنية بلحن بليغ حمدى
ثم تحدد يوم 30 -12 - 1957 ولم تتم الإعادة فى ذلك اليوم
تمت الإعادة فى 3 - 9 - 1958
…………..
وتحياتى للأستاذ طارق مكاوى لأننى أدين له باعتذار من زمن .

[موجي]

المشاركة الأصلية كتبت بواسطة Ibrahim Hefny

السلام عليكم يا أستاذ مجدى
إن كان هناك أمل فى العثور عليها؛ يبقى عند أقارب أطراف صناع هذه الأغنية
هذا جانب من موضوع أغنية "كفاية أحبك أنا"
كلمات أحمد شفيق كامل
فى 20 - 12 - 1957 سجلت شادية الأغنية بلحن بليغ حمدى
ثم تحدد يوم 30 -12 - 1957 ولم تتم الإعادة فى ذلك اليوم
تمت الإعادة فى 3 - 9 - 1958
…………..
وتحياتى للأستاذ طارق مكاوى لأننى أدين له باعتذار من زمن .

تحياتي استاذ ابراهيم الغالي
وعليكم السلام ورحمة الله وبركاته

شكرا على ذوقك وردك وإحنا كلنا مدينين ليك بجميل مئات التسجيلات النادره الرائعه اللي اسعدتنا ولازلت تسعدنا بها وللابد ان شاء الله...

بس ياترى ازاي نوصل لاقارب اطراف صناع الاغنيه دي وياريت لو فيه وسيله للوصول لهم ثم استضافتهم في الاذاعه وتقديم الغنوه ومالديهم من كنوز التسجيلات اللي لازلنا في اشتياق لسماعها أو علااقل الحصول منهم على نسخه نقية كما عودتنا من تسجيلاتك الرائعه.

والاغنيه فعلا سجلت بصوت شاديه اولا ثم أعيد تلحينها وغناءها بصوت الراحله الفنانه شريفه فاضل ...ولا ندري مالسبب في حجب لحن الموسيقار بليغ حمدي.

عموما سيظل الامل موجود والبركه فيك وفي جهودك اللي لاتقدر بثمن

تقبل مودتي وفائق إحترامي أخي الحبيب

[موجي]

المشاركة الأصلية كتبت بواسطة موجي

بقدم لكم دلوقت تسجيل جديد ارجو انه يكون جديد على اسماعكم لتحفة الموسيقار الراحل محمود الشرف وكلمات الشاعر محسن الخياط مسيرك هتعرف ...وأنا قبل رفعه بحثت في الارشيف ولم اجده... ولم اجد ايضآ أي تسجيل تاني للأغنيه من حفل آخر سوى الحفل الشهير اللي اقيم عام 1975 في نادي القاهره ساعة حدوث حادث انقطاع التيار الكهربائي أثناء وقوف شاديه على المسرح وغنائها فهقوم برفعه دلوقت وأرجو إنه يكون جديد على اسماعكم ...
وأرجو من الاستاذ الاعلامي الغواص في التراث أ. ابراهيم حفني انه يبحث لنا عن تاريخ الحفل ده ويذيعهولنا لان أستاذ ابراهيم كان اذاعه زمان في حلقه من الحلقات اللي كانت بتقدمها نبيله مكاوي والاغنيه اتقدمت لوحدها من الحفل ده...الاغنيه مدتها 23 دقيقه ونصف

اسيبكم دلوقت تستمتعوا بغناء رقيق وإحساس عالي من شاديه وهذا التسجيل الجميل لاغنية مسيرك هتعرف.
محسن الخياط...محمود الشريف.

بالمناسبه استاذنا الحبيب ا.ابراهيم حفني
التسجيل ده كنت حضرتك اللي أذعته ضمن احدى الحلقات اللي كانت بتقدمها مدام امال المكاوي في الحفل الخارجي زمان قوي ...وحضرتك يوما ما بشرتني بانك حصلت على تسجيل كامل لحفل لشاديه ونادر بتغني فيه مسيرك هتعرف واجمل سلام ...ومش عارف ياترى هل هو الحفل اللي منه التسجيل ده واللي بنجهل تاريخه ومكانه ومناسبة اقامته ولا حفل اخر ...

كمان بخصوص التسجيل اللي نزلته من ايام لاغنية رحلة العمر ...التسجيل ده انا جبته من اذاعة البحرين بس لقيت اذاعة الاغاني بتذيعه بشكل منفرد من منتصف المقدمه الموسيقيه وبدون اي تنويه عن تاريخ ومكان اقامة هذا الحفل كما نجهل زيه زي تسجيل مسيرك هتعرف اللي اتكلمنا عليه من شويه بعدد الاغنيات اللي قدمتها شاديه في نفس الحفلات...فياريت لو عند جضرتك معلومات كافيه عنهم ...او ياسلام لو التسجيلات للحفلات دي موجوده وحضرتك تتكرم وتذيعهالنا هيكون من دواعي سرورنا وسعادتنا اللي ليها معاك حكايه طويله وجميله.

تاعبينك معانا دايما ولك جزيل الشكر والود.

[موجي]

المشاركة الأصلية كتبت بواسطة samirazek

تلات شهور ويومين اتنين - ألحان رياض السنباطي

ما تقولشي بكره

حمادة حماده... ياسكر زيادة
سوق على مهلك سوقألحان منير مراد

غاب القمر يابن عمى ياللا روحنى
فات اللى فاتأو
أول لقانا كان هنا
ألحان منير مراد

مسافر ؟..... والله غلبنا من السفر يا شاديه : حفلة
مسيرك حاتعرف انا قد ايه قلبى يحبك : حفــــــــلة
ألحان محمود الشريف

خذني معاك

سيد الحبايب

ــــــــــــــــــــــــــــ

الإشراف : تم وضع نسخة نقية من أغنية (خذني معاك + غاب القمر - استوديو) والشكر للأخ محمد الصباح - كما تم وضع نسخة جودة أعلى لأغنية سيد الحبايب والشكر للأخ مصطفى أبو آية - عدد المشاهدات السابقة - 923 - تم وضع نسخة نقية من أغنية - مسيرك ح تعرف - والشكر للأخ طارق مكاوي - المشاهدات - 1054
أبو حمزة

غاب القمر هنا بجودة افضل

ده تسجيل (كامل ومختلف) عن التسجيل الموجود بالمنتدى قام بعمله الصديق العزيز الفنان من سوريا أحمد ناصر وهو ايضآ من قام بتصليح التقطيع في تسجيل اقوله ولا لا وعدة أغنيات أخرى لشاديه ساقوم برفعها تباعا فله كل الشكر وهنحتفظ بالتسجيلات الاصليه اللي رفعها اصدقائنا للمقارنه...التسجيل ده للأغنيه كامله بدون تقطيعات وايضآ صوت ال(بيز) فيه اعلى من الصوت الاصلي ويحتوي على الطرق ال3 اللي قدمت بيهم شاديه الاغنيه بموسيقى حزينه ضمن احداث فيلم المراه المجهوله

منير مراد وفتحي قوره وشاديه سيد الحبايب

[موجي]

المشاركة الأصلية كتبت بواسطة غواص النغم

فوت ياحبيبي

الشاعر
مصطفى عبدالرحمن

الموسيقار
منير مراد

و

شادية

بجودة عالية
والمقدمة الموسيقية كاملة

صباح الخير اصدقائي

يسمح لي صديقي غواص النغم برفع نسخه تانيه جميله من الاغنيه الرائعه فوت ياحبيبي صوت ستيريو جميل من إعداد صديقي الفنان السوري ا. احمد ناصر ايضآ...
مع الاحتفاظ بالنسخه الاصليه المرفوعه مسبقآ ولكم جميعآ جزيل الشكر

شاديه...مصطفى عبد الرحمن...منير مراد...فوت ياحبيبي

[موجي]

المشاركة الأصلية كتبت بواسطة راضى

لعيون حبيبى عم الشباب والرياضه

سى مختار حيدر بناء على طلبه

الحنه يا الحنه ياقطر الندى

ــــــــــــــــــــــــــــ

الإشراف : تم وضع نسخة أفضل من الملف والشكر للأخ محمد الصباح .

يسمحولي الاخوه ا. راضي واستاذ محمد الصباح برفع نسخه جديده من اغنية الحنه ياحنه بصوت ستيريو مع الاحتفاظ بالنسختين الموجودين مسبقآ بالمنتدى


شاديه...مرسي جميل عزيز...بليغ حمدي
مع تحياتي لكم جميعآ

[موجي]

المشاركة الأصلية كتبت بواسطة حازم فودة

خد بإيدي

شادية - علية الجعار - عبد المنعم البارودي - عبد العظيم حليم

من تسجيلات الإذاعة في 23-11-1986

الزمن 9.47 دقيقة

من برنامج منتهى الطرب الحلقة 140

بجودة MP3-Pro
تحياتي

_____________________
ت (70) تحسين الجودة .

كان جميل من ا. ابراهيم حفني انه يسعدنا بالتسجيل الكامل لاغنية خد بايدي تسجيل الستوديو (الكامل) في إحدى حلقات برنامجه الجميل منتهى الطرب ...اللي التفينا عليه جميعا في اجمل الاوقات...بعد ماكانت بتذيعه اذاعة الاغاني بدون بداية المقدمه الموسيقيه الاولى

التسجيل المتاح على المنتدى مدته 9.45 دقيقه ...ويسمحولي الاصدقاء اني ارفع لكم دلوقت نسخه تانيه من الاغنيه ولكن مدته 12 دقيقه وثانيتين والملاحظ هنا ان ريتم الاغنيه اقرب مايمكن لريتم تسجيل الحفله ومش سريع زي تسجيل الستوديو المتاح لدينا

شاديه...عبد المنعم البارودي وعليه الجعار ...خد بإيدي

[موجي]

المشاركة الأصلية كتبت بواسطة طارق مكاوي

اجمل سلام
شاديه
عبد الفتاح مصطفي
أحمد صدقي
حفل مختلف

تحياتي استاذ طارق مكاوي والجميع

إسمحلي ارفع تسجيل تاني لأغنية أجمل سلام من نفس الحفل اللي اقيم يوم 16 يوليو عام 1976 بنادي الصيد بمدينة بغداد الحبيبه....بهندسه صوتيه أعتقد افضل شويه من المرفوع سابقآ وأترك التسجيل الاصلي للمقارنه

وياسلام على شاديه وهي بتقول (تنهيده وبس وقول على الدنيا السلام) بدل ماقالت بعد كده في حفلات القاهره والاردن (بالعين وبس وماعلى العاشق ملام)

الاغنيه كانت قد تغنت النجمه سعاد محمد بنفس الكلمات ولكن بموسيقى مختلفه من الحان ملحن سوري ولكن شاديه غنتها من الحان الموسيقار الاصيل أحمد صدقي وكان آخر تعاون فني بينهم

شاديه...عبد الفتاح مصطفى وأحمد صدقي ...وأغنية أجمل سلام
من نادي الصيد بالعراق الحبيب