شــاديــة- 8 فبراير 1931 - 28 نوفمبر 2017

**موجي** · #1 30/11/2023, 13h48

بقدم لكم دلوقت تسجيل جديد ارجو انه يكون جديد على اسماعكم لتحفة الموسيقار الراحل محمود الشرف وكلمات الشاعر محسن الخياط مسيرك هتعرف ...وأنا قبل رفعه بحثت في الارشيف ولم اجده... ولم اجد ايضآ أي تسجيل تاني للأغنيه من حفل آخر سوى الحفل الشهير اللي اقيم عام 1975 في نادي القاهره ساعة حدوث حادث انقطاع التيار الكهربائي أثناء وقوف شاديه على المسرح وغنائها فهقوم برفعه دلوقت وأرجو إنه يكون جديد على اسماعكم ...
وأرجو من الاستاذ الاعلامي الغواص في التراث أ. ابراهيم حفني انه يبحث لنا عن تاريخ الحفل ده ويذيعهولنا لان أستاذ ابراهيم كان اذاعه زمان في حلقه من الحلقات اللي كانت بتقدمها نبيله مكاوي والاغنيه اتقدمت لوحدها من الحفل ده...الاغنيه مدتها 23 دقيقه ونصف

اسيبكم دلوقت تستمتعوا بغناء رقيق وإحساس عالي من شاديه وهذا التسجيل الجميل لاغنية مسيرك هتعرف.
محسن الخياط...محمود الشريف.

**موجي** · #2 01/12/2023, 13h17

ده تسجيل كامل ومختلف لأغنية الفنانه شاديه رحلة العمر.
أعتقد انه من حفل كان في مسرح البالون ولكن ماعنديش تفاصيله للأسف

الملاجظ فالتسجيل استبعاد الآلات الغربيه اللي صاحبت تقديم الاغنيه في الحفلات التانيه يعني بيغلب عالتوزيع الموسيقي الطابع الشرقي.

الأغنيه من كلمات علي الباز وهو آخر ماغنت شاديه من الحان الموسيقار كمال الطويل .

**موجي** · #3 04/12/2023, 08h48

اقتباس:

المشاركة الأصلية كتبت بواسطة موجي

بقدم لكم دلوقت تسجيل جديد ارجو انه يكون جديد على اسماعكم لتحفة الموسيقار الراحل محمود الشرف وكلمات الشاعر محسن الخياط مسيرك هتعرف ...وأنا قبل رفعه بحثت في الارشيف ولم اجده... ولم اجد ايضآ أي تسجيل تاني للأغنيه من حفل آخر سوى الحفل الشهير اللي اقيم عام 1975 في نادي القاهره ساعة حدوث حادث انقطاع التيار الكهربائي أثناء وقوف شاديه على المسرح وغنائها فهقوم برفعه دلوقت وأرجو إنه يكون جديد على اسماعكم ...
وأرجو من الاستاذ الاعلامي الغواص في التراث أ. ابراهيم حفني انه يبحث لنا عن تاريخ الحفل ده ويذيعهولنا لان أستاذ ابراهيم كان اذاعه زمان في حلقه من الحلقات اللي كانت بتقدمها نبيله مكاوي والاغنيه اتقدمت لوحدها من الحفل ده...الاغنيه مدتها 23 دقيقه ونصف

اسيبكم دلوقت تستمتعوا بغناء رقيق وإحساس عالي من شاديه وهذا التسجيل الجميل لاغنية مسيرك هتعرف.
محسن الخياط...محمود الشريف.

بالمناسبه استاذنا الحبيب ا.ابراهيم حفني
التسجيل ده كنت حضرتك اللي أذعته ضمن احدى الحلقات اللي كانت بتقدمها مدام امال المكاوي في الحفل الخارجي زمان قوي ...وحضرتك يوما ما بشرتني بانك حصلت على تسجيل كامل لحفل لشاديه ونادر بتغني فيه مسيرك هتعرف واجمل سلام ...ومش عارف ياترى هل هو الحفل اللي منه التسجيل ده واللي بنجهل تاريخه ومكانه ومناسبة اقامته ولا حفل اخر ...

كمان بخصوص التسجيل اللي نزلته من ايام لاغنية رحلة العمر ...التسجيل ده انا جبته من اذاعة البحرين بس لقيت اذاعة الاغاني بتذيعه بشكل منفرد من منتصف المقدمه الموسيقيه وبدون اي تنويه عن تاريخ ومكان اقامة هذا الحفل كما نجهل زيه زي تسجيل مسيرك هتعرف اللي اتكلمنا عليه من شويه بعدد الاغنيات اللي قدمتها شاديه في نفس الحفلات...فياريت لو عند جضرتك معلومات كافيه عنهم ...او ياسلام لو التسجيلات للحفلات دي موجوده وحضرتك تتكرم وتذيعهالنا هيكون من دواعي سرورنا وسعادتنا اللي ليها معاك حكايه طويله وجميله.

تاعبينك معانا دايما ولك جزيل الشكر والود.

**mohammadattia38** · #4 04/12/2023, 18h01

اغنية مسيرك حتعرفمن حفل اللجنة النقابية للعاملين بشركة صوت القاهرة والذي أقيم بنادي القاهرة الرياضي
يوم السبت 30–8–1975
اما رحلة العمر تسجيل حفل مسرح البالون20 9 1981

**موجي** · #5 04/12/2023, 18h41

اقتباس:

المشاركة الأصلية كتبت بواسطة mohammadattia38

اغنية مسيرك حتعرفمن حفل اللجنة النقابية للعاملين بشركة صوت القاهرة والذي أقيم بنادي القاهرة الرياضي
يوم السبت 30–8–1975
اما رحلة العمر تسجيل حفل مسرح البالون20 9 1981

تحياتي استاذ محمد

....وشكرا على ردك ...بخصوص تسجيل رحلة العمر المشار اليه فانا بعتقد برضه انه من مسرح البالون ولكن مش متاكد من التاريخ ده لان شاديه ما أحيتش حفلات سنة 1981 في مسرح البالون ابدا والتسجيل ده بيذاع في الاذاعه من قبل سنة 1981 بسنتين مثلا ...يعني بعد حفلة نادي القاهره بشويه واللي غنت فيها اقوى من الزمن ورحلة العمر التسجيل المتداول والاشهر ... يعني بدانا نسمعها بالاصح في بدايات عام 1979 او اواخر عام 1978 انما سنة 1981 شاديه غنت بس في حفلة النادي الاسماعيلي (الشهيره والمصوره) ...واحيت كمان في 1981 حفل النادي الاهلي بالاشتراك مع الفنانه ورده والفنان محمود شكوكو وغنت فيها ياحبيبتي يامصر وياحسن ياخولي الجنينه ورحلة العمر وغنت في حفله الهيئه المصريه العامه للبترول في سينما رمسيس اللي غنت فيها ياحبيبتي يامصر ومالكش في الطيب نصيب...

اما بخصوص مسيرك هتعرف فده انا متاكد ان مش ده التسجيل اللي حضرتك تقصده لان تسجيل حفلة يوم 30/8/1975 ده هو اللي مطبوع على البومات مع اغنية اجمل سلام من نفس الحفل وكان معاهم اغنية مكسوفه في نص الوصله والكهرباء قطعت يومها ...بس لا مش ده التسجيل اللي انا رفعته مؤخرا وانا اعتقد التسجيل ده من حفل نادي الاتحاد السكندري وللاسف ماعنديش تاريخه بس حفل نادي القاهره يوم 30-8-1975 ده مشهور قوي واستاذ ابراهيم حفني اذاع لنا مشكور مكسوفه مع مسيرك هتعرف... وفي مره تانيه اذاع لنا الفتره اللي اتقطع فيها التيار الكهربائي ......فاشكرك لاجتهادك وإهتمامك ولكن حبيت اصحح المعلومه

تقبل تحياتي

**Ibrahim Hefny** · #6 17/12/2023, 16h08

اقتباس:

المشاركة الأصلية كتبت بواسطة موجي

بالمناسبه استاذنا الحبيب ا.ابراهيم حفني
التسجيل ده كنت حضرتك اللي أذعته ضمن احدى الحلقات اللي كانت بتقدمها مدام امال المكاوي في الحفل الخارجي زمان قوي ...وحضرتك يوما ما بشرتني بانك حصلت على تسجيل كامل لحفل لشاديه ونادر بتغني فيه مسيرك هتعرف واجمل سلام ...ومش عارف ياترى هل هو الحفل اللي منه التسجيل ده واللي بنجهل تاريخه ومكانه ومناسبة اقامته ولا حفل اخر ...

كمان بخصوص التسجيل اللي نزلته من ايام لاغنية رحلة العمر ...التسجيل ده انا جبته من اذاعة البحرين بس لقيت اذاعة الاغاني بتذيعه بشكل منفرد من منتصف المقدمه الموسيقيه وبدون اي تنويه عن تاريخ ومكان اقامة هذا الحفل كما نجهل زيه زي تسجيل مسيرك هتعرف اللي اتكلمنا عليه من شويه بعدد الاغنيات اللي قدمتها شاديه في نفس الحفلات...فياريت لو عند جضرتك معلومات كافيه عنهم ...او ياسلام لو التسجيلات للحفلات دي موجوده وحضرتك تتكرم وتذيعهالنا هيكون من دواعي سرورنا وسعادتنا اللي ليها معاك حكايه طويله وجميله.

تاعبينك معانا دايما ولك جزيل الشكر والود.

ما استطعت التعرف عليه من حفلات أغنية
"مسيرك ح تعرف"
حفل الزمالك 17 - 6 - 1975
حفل صوت القاهرة 28 - 7 - 1975
حفل الترسانة الأحد 17 - 8 - 1975
حفل صوت القاهرة 30 - 8 - 1975
(تم عمل مونتاج لأغلبها)
تحياتى.

**موجي** · #7 04/01/2024, 16h43

اقتباس:

المشاركة الأصلية كتبت بواسطة Ibrahim Hefny

ما استطعت التعرف عليه من حفلات أغنية
"مسيرك ح تعرف"
حفل الزمالك 17 - 6 - 1975
حفل صوت القاهرة 28 - 7 - 1975
حفل الترسانة الأحد 17 - 8 - 1975
حفل صوت القاهرة 30 - 8 - 1975
(تم عمل مونتاج لأغلبها)
تحياتى.

تحياتي استاذ ابراهيم وكل سنه وانت طيب وعام سعيد عليك وعالجميع

طبعا تسجيل حفل صوت القاهره اللي كان في نادي القاهره يوم 30 8-1975 ده التسجيل الاشهر اللي حصل فيه قطع التيار الكهربائي...نفسنا نسمع تسجيل من غير مونتاج من تقديم شاديه على المسرح واغنية اجمل سلام (بدون مونتاج) زي تسجيل مسيرك هتعرف اللي حضرتك تكرمت واذعته لنا هو وتسجيل مكسوفه وفترة انقطاع التيار.

بخصوص حفل نادي الزمالك اللي غنت فيه انا ياروحي انا واجمل سلام ومسيرك هتعرف هو موجود عندي لكن بنطمع في اذاعته بجودة صوت عاليه وبدون مونتاج ايضآ

اما حفل صوت القاهرة 28 - 7 - 1975
وحفل نادي الترسانه يوم 17-8-1975
فدول للأسف مانعرفش محتوياتهم وياريت برضه نقدر نسمع تسجيلاتهم المتاحه

شكرا لتعبك ومجهودك وسعيك الدائم لاسعادنا .