طلبات نوتة أ / عادل صموئيل الجزء الثانى

**nessreen** · #1 12/02/2013, 12h55

اقتباس:

المشاركة الأصلية كتبت بواسطة nessreen

استاذى الجميل / عادل صموئيل
اشكرك على مجهودك وتعبك معانا بس ارجوك عاوزة نوتة مصر شالت فوق طاقتها لامال ماهر محتاجاها ضرورى فى ظروف البلد دى لانى مطلوب منى حفلة ومش قادرة اقدم الاغانى العادية **مش حاساها** علشان كده عاوزة النوتة دى ضرورى ولك جزيل الشكر

بلييييييييييز يا جماعة محتاجة نوتة آمال ماهر ضرورى ((مصر شالت فوق طاقتها)) ارجو من استاذعادل تدوينها لى

**عادل صموئيل** · #2 12/02/2013, 15h04

اقتباس:

المشاركة الأصلية كتبت بواسطة nessreen

بلييييييييييز يا جماعة محتاجة نوتة آمال ماهر ضرورى ((مصر شالت فوق طاقتها)) ارجو من استاذعادل تدوينها لى

انا تحت امرك يانسرين وتحياتى لشعب بورسعيد البطل
بس محتاج الملف الصوتى وتحت امرك
مع اطيب تحياتى عادل صموئيل

**عمرو الهنداوي** · #3 12/02/2013, 17h03

اقتباس:

المشاركة الأصلية كتبت بواسطة عادل صموئيل

انا تحت امرك يانسرين وتحياتى لشعب بورسعيد البطل
بس محتاج الملف الصوتى وتحت امرك
مع اطيب تحياتى عادل صموئيل

يامصريين امال ماهر

**عادل صموئيل** · #4 12/02/2013, 21h03

احبائى
فى اشد ايام مصر سواداً من 7000 سنة اقدم لكم
مصر شالت فوق طاقتها

للفنانة امال ماهر
انا بحب جدا امال ماهر لأنها بالذات اللى لو كان الزمن الجميل فضل زى ماهو كانت حاتبقى امتداد فنانى الزمن الجميل
يعنى زى ما فايزة ووردة ونجاة وكلهم كانوا امتداد اللى قبلهم لكن مع الاسف الهاوية اللى حصلت خلت اى حد ماشى ف الشارع وطلع فى دماغه يغنى يروح مغنى ويبقى نجم .. واكتر حاجة بتجننى ان اى حمار ينهق تلاقى المتفرجين الشباب يصرخوا من الاعجاب مش فاهم ... يعنى ما مشيوش فى شوارع وشافوا عربيات كارو وشافوا الحمير بتنهق ويسموعها ويستمتعوا بصوتها ببلاش كده ويوفروا ال 500 جنيه تمن التذكرة ,,, ده كمان لو عجبو نهيق حمار معين ممكن بالموبايل بتاعو يسجل له شوية نهيق على ماقسم كده ويتمتع بيهم مع نفسه فى البيت
النشيد ده اكتر حاجة عجبتنى فيه هى ضخامة التوزيع يعنى زى اناشيد زمان اللى تسمعها تحس بالمدافع والدبابات يعنى ايام الحروب كانت الاناشيد دى بتولع الجيش والشعب وبالذات ايام بورسعيد المجيدة الخالدة كان الراديو بيبث الاناشيد دى وكأنك ولعت نار فى الشعب وكانوا بنزلوا على الاعداء والستات بالذات بأيد الهون وبغطيان الحلل وادوات المطبخ خلوا الانجليز والفرنسيين يجروا زى الارانب وقالوا احنا نقدر على الجيوش والبنادق لكن ايد الهون وغطيان الحلل ( النحاس بتاعة زمان ) مش الالومنيوم بتاع دلوقتى كان العسكرى الانجليزى ياخدلو غطا حلة نحاس من دول يتقلب عسكرى شطرنج بس المشكلة ان العسكرى احمر والشطرنج ابيض واسود يعنى كمان مش حاينفع عسكرى شطرنج ... بس انا واحد صاحبى قال لى ( بس ده سر ماتقولوش لحد ) ان العساكر اللى اخدوا غطيان الحلل دول بعد كده كانوا بيوقفوهم فى صالات البولنج والناس تضرب عليهم بالكورة اللى زى البطيخة
وده السبب فى انتشار صالات البولنج فى حوارى وشوارع انجلترا وفرنسا والسبب ايه : ستات بورسعيد ربنا يجعل كلامنا خفيف عليهم ضحكنا
نتكلم فى الشغل شوية الاخت العزيزة نسرين والاخواة الاحباء مدرسين الموسيقى اللى يحبوا ينفذوا النشيد ده
علامة تافى فى الاناشيد الحماسية مش بتبقى متصلة لجاتو يعنى كروش بوانتيه ودوبل ولكن عشان تبقى عسكرية بيبقى فيها فاصل اما اعتبرها انها كروش دوبل بوانتيه نقطتتين يعنى وتريبل كروش او كروش بوانتيه وسكتة دوبل كروش وكروش
والسبب ان علامة التافى فى الاناشيد الحماسية لو اتعملت لجاتو بيبقى الغنا مايع مش حماسى
طيب حد لمض يسألنى طيب انت ماكتبتهاش ليه كده وخلصتنا ووفرت الشرح اقول له : انا اهم حاجة عندى السهولة فى الكتابة وهى كده سهلة مستوى ابتدائى لو كتبت التافى زى ما بقول حاتبقى شكلها صعب وغلس ( مع انها هى هى )
مع اطيب تحياتى وادعوا لمصر لحسن مصر بتضيع ...........................

**نور الصباح** · #5 12/02/2013, 21h16

[QUOTE=عادل صموئيل;621525]احبائى
فى اشد ايام مصر سواداً من 7000 سنة اقدم لكم
مصر شالت فوق طاقتها
للفنانة امال ماهر
YYYYYYYYYYYYYYYYYYYYYYYYYYYY

ولســــــــــــــــة شــــــــــــــــــايلة ويـــــــــــــا ما حا تشــــــــــــــــــــــــــــيل كمان وكمان
علشـــــــــــــــــــــان هى دى مصــــــــــــــــــــــــــــــــــــــــــــــــ ــــــــــــر
وإللى بـــــــــــــــــــــــــــــــــــــــــــــــــ ــــنى مصـــــــــــر
كان فى الأصـــــــــــــــــــــــــــــــــل
حــــــــــــــــــلوانى
وشكررررا
أخوكم
نور الصباح

**عادل صموئيل** · #6 14/02/2013, 04h23

احبائى

اقدم لكم الدويتو الشهير لعبد الحليم حافظ وشادية

تعالى اقول لك

مع اطيب تحياتى

**زينة الغريبي** · #7 18/02/2013, 16h18

اقتباس:

المشاركة الأصلية كتبت بواسطة عادل صموئيل

احبائى

اقدم لكم الدويتو الشهير لعبد الحليم حافظ وشادية

تعالى اقول لك

مع اطيب تحياتى

شكرا أستاذ عادل أتحفتنا و أمتعتنا بهذه النوتة الحلوة و الجميلة
و أظم صوتي إلى الأخت عاشقة العود و الأخت إيمان لتدوين أغنية خليك هنا خليك بلاش تفرق و هي أعظم أغنية غنتها وردة و الكل يحبها
زينة

**nessreen** · #8 12/02/2013, 21h52

[COLOR="Red"][/اشكرك استاذى العزيز حتى يبلغ الشكر منتهاه حضرتك اسعدتنى جدا بالنوتة وشكرا على التوضيح
اما بالنسبة لستات بورسعيد فاحب اطمنك احنا زى مااحنا الستات عندنا رجاله يعنى ((عموما مش قوى يعنى))

COLOR]