طلبات نوتة أ / عادل صموئيل الجزء الثانى

[Dr.Fouad]

المشاركة الأصلية كتبت بواسطة Dr.Fouad

اخى العزيز اشكرك
اما بالنسبة للسيدة الفاضلة رنا هى عندها 14 سنة وفى تانية اعدادى ودلوقتى على قانون تعديل الزواج الجديد اللى عايزه مجلس الشعب بتعديل سن الزواج الى 9 سنوات يعنى البنت فى رابعة ابتدائى .. على ذلك البنات فى اعدادى حايبقوا عوانس كده والمفروض يسموهم حزب العوانس الجدد

لا شكر على واجب يا سيدي الفاضل انت فى مقام اخويا الكبير قصدى اخويا الصغير يعنى ربنا يديك الصحة و طولة العمر
اما بالنسبة للانسة رنا ربنا يحفظهالك و تشوف احفاد احفادها فا والله انا مشفق جدا جدا على جيلها و الاجيال اللى حتيجي من بعد منهم ربنا معاهم بجد بس فعلا احنا كا شباب النهاردة مفيش فى ايدينا حاجة نعملها اكتر من اللى بنعمله ةمنقدرش نقول غير سمحونا على اللى احنا عملناه فيكم شيلنا زيد جبنا عبيد ولا زيد نافع ولا عبيد شافع ..
بجوار اضحوكات مجلس الشعب و الطلبات الاكثر من عظيمة من اعضاء المجلس الموقرين المبجلين والتى لا تصلح لاثراء برنامج تاك شو كوميدي سخيف فمصر على على شبه حفرة ولو نزلنا فيها (وده مؤكد بنسبة 80 فى المية) فكلمة عانس مش حتذكر فى قاموسنا لاختفاء كلمة زواج اساسا ..
مش حخوض اكتر من كده علشان بركانى لما بينفجر محدش بيهديه و السياسة مش محور منتدانا العظيم ..

المشاركة الأصلية كتبت بواسطة Dr.Fouad

اما بالنسبة لموضوع الكمبيوتر
لفت نظرى انك قلت ان فيه كذا طريقة لحماية السيستم يعنى اتوسل اليك قولى علايه وبالطبعكل اعضاء المنتدى حايترقبوا الرد انا اعرف طريقة برنامج ديب فريز لكن مش باحبه لن بيمسح كل اللى بتنزله او لازم تحول كل الشغل على درايف تانى والخطورة ممكن يحصل سهو لنى انا بعمل على الجهاز شغل مش العاب زى 90% من مستخدمى الكمبيوتر فى مصر

لالالا ديب فريز ايه بس ده برنامج مصيبة منصحش حد انه يشتغل بيه لانه فى احيان كتير بيأدى لتلف الهارد ديسك و انا بقول فى احيان كتير علشان محدش يقولى انا شغال بيه زى الفل و محصلش حاجة
و على فكرة مشكلة الداتا عموما لو مأرقة حضرتك علشان شغلك فتأكد انها مأرقة شركات العالم كله و طبعا انا بيتكلم على داتا بمليارات الدولارات و لاى شخص بيشتغل شغل تقيل على الجهاز مبرمج مثلا مصمم او اى شئ محتاج مساحات كبيرة للعمل يعنى مش ينفع معاه الــ dropbox و كده فأكيد فيه مليون حل و اةعدك انى حعمل موضوع شامل بمجرد من انتهائى من الرد على حضرتك فيه شرح لاول طريقة لعمل Backup او نسخة احتياطية للنظام و عمل Restore فى حال ان النظام تلف ..

المشاركة الأصلية كتبت بواسطة Dr.Fouad

انا اهم شىء على جهازة برنامج انكور اللى بكتب بيه نوتة والبرنامج دهحساس لكذا حاجة يعنى اى عفريت فى الميدى مثلا مايظهرش غير فى البرنامج ده لكن اخطر العيوب اطلاقا لو عفريت ( يعنى برنامج بيتعارض ) مع التكست ده بيعطل كتابة التكست اللى بيمثل 50% من الكتابة على انكور
انا عندى شغل متعدد على جهازى يعنى مثلا عندى برنامج اسمو اومنى بيج ocr والكلمة دى معناها برنامج بيحول اى مستند نصى بتاخده على السكانر بيحوله من صورة الى تكست زى اللورد اوفيس ( بس ناجح لغات اجنبية فقط ) يعنى اى ورقة مكتوبة بصورها بالسكانر طبعا بتطلع صورة ولما آخدها على البرنامج ده بتتحول الى ملف وورد اوفيس ممكن تلعب فيه او تعدل او تدخله على برنامج الترجمة بالصفحة المهم ان البرنامج ده عشان فيه تكست بيتعارض مع الانكور يعنى يخلى الانكور مايكتبش تكست لذلك انا بحط البرنامج ده ( لما اكون عايز استعمله ) على نسخة السى بعدي عن الانكور اللى فى نسخة الدى وصلت المعلومة ؟

وصلت المعلومة
انا معرفش اومنى بيج لكن طبعا عارف تكنولوجيا الــ Ocr او Optical character recognition او تميز الاحرف البصرية اللى هى يعنى مش مكتوبة فى ملف مفتوح ديه بتبقى فى صورة او مستند و عندى حاجة كد كانت نازلة مع تعريف الاسكانر بس عموما الدقة مش عالية
على فكرة انا كنت عامل موقع قبل كده بيعمل نفس الموضوع اون لاين يعنى مش حتحتاج انك تنزل برامج ولا حاجة انت ترفع بس الصورة و يحولها و يديلك ملف تكست انا ممكن احط اسم الموقع لو مش مخالف لقواعد المنتدى
اما بالنسبة لمشكلة الاحرف الموسيقية و برنامج الانكور ففيه برنامج اسمه GhostScript بس انا مش عارف ده متوافق مع الانكور او لا الصراحة

المشاركة الأصلية كتبت بواسطة Dr.Fouad

الخطورة حصلت لما رنا دخلت مش عارف على ايه الظاهر انها نزلت حاجة وانا ماعرفش ايه هى او فين فيها نفس الخاصية عطلت برنامج الانكور
للعلم انا ساعات لما اكون ماوراييش حاجة وبقعد استكشف ساعات بنزل برنامج يعمل المصيبة دى لكن لما بمسحه العيب بيروح واحيانا برضو بيكون برنامج لزقة حتى لو مسحته بيفضل العيب موجود ولازم تشيل النسخة , انا الحمد لله نزلت نسخة حلوة والجهاز زى الفل بس طبعا عايز تأمين للمستقبل
اعتقد انك فهمت العيب والمهم انت طبعا اكيد عندك حلول وبالذات الكذا طريقة اللى قلت عليهم لحماية السيستم موقتا وبعدين نكمل كلام ع انكور

مدام فيس بوك يبفى اكيد Spyware عموما المشكلة مش بتبقى فى المواقع الكبيرة زي الفيس و الياهو و الجوجل و الكلام ده المشكلة بتبقى فى المواقع المعلن عنها ديه بيبقى فيها بلاوى المفروض يبقى عندك برنامج Spyware Removal زى مثلا Spyware Doctor ده حيظبط الكلام نوعا ما
عموما انا حالا دلوقتى حنشوف برنامج سهل و خفيف كده نتعامل بيه علشان نحمى السيستم حتى فى حال انه تلف لا قدر الله و حعمل شرح ليه
تقبل مرورى و شكرا
اخى العزيز
اشكرك على الرد
لفت نظرى الموقع اللى انت قلت عليه وممكن يحول صورة الملف الى تكست بدون برامج وممكن عادى تنزل اسم الموقع
اما بالنسبة لبرنامج او طريقة ما تحمى او تصلح السيستم طبعا الكل يتمنى حاجة زى كده هنا فيه قسم اسمه برامج مفيدة ممكن تنزل فيه الموضوع والبرامج وكل اللى انت عايزه
اما بالنسبة لبرنامج انكور انت كالما نزلته شوف برنامج الجوست ده الولا ممكن يدخل جوا قاعدة بياناته او لأ
موقتا ولللم الموضوع اللى بنتكلم فيه يهم جميع رواد المنتدى لن كلهم عندهم حاجات غالية على اجهزتهم ويخافوا عليها
مع اطيب تحياتى عادل صموئيل