رد: طلبات نوتة أ / عادل صموئيل الجزء الثانى
استاذنا الفاضل الف لا بأس عليك و على صحتك وبعدين شيخوخة ايه يا راجل دانت اصبي من اصبي صبي ربنا يديك الصحة و العافية
اما بالنسبة للسيدة الفاضلة الاميرة رنا حفيدة حضرتك فهى من حقها تعمل اللى هى عايزاه و احنا نصلح 
اما بالنسبة لموضوع نظامين تشغيل و الكلام ده خطأ نوعا ما و فيه طرق كتيررر اوى علشان تحمي السيستم بتاعك ..
لو حضرتك تفضلت مشكور و شرحتلى ايه المشكلة اللى حصلت ممكن ان شاء الله افيديك
ولو ممكن تقولى طرق للتواصل معاك لانى نزلت برنامج الانكور و كنت عايز اعرف ايه المطلوب فيه بالظبط يعنى ندردش و نشوف ايه المتاح و ايه اللى ممكن يتعمل
و الف سلامة على صحتك
اخى العزيز اشكرك
اما بالنسبة للسيدة الفاضلة رنا هى عندها 14 سنة وفى تانية اعدادى ودلوقتى على قانون تعديل الزواج الجديد اللى عايزه مجلس الشعب بتعديل سن الزواج الى 9 سنوات يعنى البنت فى رابعة ابتدائى .. على ذلك البنات فى اعدادى حايبقوا عوانس كده والمفروض يسموهم حزب العوانس الجدد
اما بالنسبة لموضوع الكمبيوتر
لفت نظرى انك قلت ان فيه كذا طريقة لحماية السيستم يعنى اتوسل اليك قولى علايه وبالطبعكل اعضاء المنتدى حايترقبوا الرد انا اعرف طريقة برنامج ديب فريز لكن مش باحبه لن بيمسح كل اللى بتنزله او لازم تحول كل الشغل على درايف تانى والخطورة ممكن يحصل سهو لنى انا بعمل على الجهاز شغل مش العاب زى 90% من مستخدمى الكمبيوتر فى مصر
الموضوع بتاع انى عامل نسختين ويندوز النظام ده انا ماشى عليه اكتر من عشر سنين بستفيد منو انى بشتغل على النسخة اللى ع الدى ولو ضربت ومارضتش تفتح بدخل من النسخة اللى ع السى وآخد اللى عايزه من النسخة التانية وامسخحها وانزل غيرها وبالطبع انقذت كل شغلى وبالذات النوت اللى بتعب فيها ل فيه نوت كتير بتبقى خالصة لكن مش بنزلها على طول احيانا بتكون محتاجة تشطيب ومن اخطر اخطر الاسباب اللى بعمل نسختين :
انا اهم شىء على جهازة برنامج انكور اللى بكتب بيه نوتة والبرنامج دهحساس لكذا حاجة يعنى اى عفريت فى الميدى مثلا مايظهرش غير فى البرنامج ده لكن اخطر العيوب اطلاقا لو عفريت ( يعنى برنامج بيتعارض ) مع التكست ده بيعطل كتابة التكست اللى بيمثل 50% من الكتابة على انكور
انا عندى شغل متعدد على جهازى يعنى مثلا عندى برنامج اسمو اومنى بيج ocr والكلمة دى معناها برنامج بيحول اى مستند نصى بتاخده على السكانر بيحوله من صورة الى تكست زى اللورد اوفيس ( بس ناجح لغات اجنبية فقط ) يعنى اى ورقة مكتوبة بصورها بالسكانر طبعا بتطلع صورة ولما آخدها على البرنامج ده بتتحول الى ملف وورد اوفيس ممكن تلعب فيه او تعدل او تدخله على برنامج الترجمة بالصفحة المهم ان البرنامج ده عشان فيه تكست بيتعارض مع الانكور يعنى يخلى الانكور مايكتبش تكست لذلك انا بحط البرنامج ده ( لما اكون عايز استعمله ) على نسخة السى بعدي عن الانكور اللى فى نسخة الدى وصلت المعلومة ؟
الخطورة حصلت لما رنا دخلت مش عارف على ايه الظاهر انها نزلت حاجة وانا ماعرفش ايه هى او فين فيها نفس الخاصية عطلت برنامج الانكور
للعلم انا ساعات لما اكون ماوراييش حاجة وبقعد استكشف ساعات بنزل برنامج يعمل المصيبة دى لكن لما بمسحه العيب بيروح واحيانا برضو بيكون برنامج لزقة حتى لو مسحته بيفضل العيب موجود ولازم تشيل النسخة , انا الحمد لله نزلت نسخة حلوة والجهاز زى الفل بس طبعا عايز تأمين للمستقبل
اعتقد انك فهمت العيب والمهم انت طبعا اكيد عندك حلول وبالذات الكذا طريقة اللى قلت عليهم لحماية السيستم موقتا وبعدين نكمل كلام ع انكور
مع اطيب تحياتى عادل صموئيل
التعديل الأخير تم بواسطة : عادل صموئيل بتاريخ 19/01/2013 الساعة 22h19
|
العرض الشجري