فضلك علىّ كتير

**ام مدحت** · #1 13/09/2011, 20h03

.

سبحان الله
دجاجة تربت فى بيتنا
ولم نكتشف الا اليوم انها ذات اربعة ارجل
(فضلك عليّ كتير)
نعمك مانيش قدّها وانا ع الدّوام مديون
ماقدرش على عدّها عمرى يارب الكون
طامع انا ف رحمتك مانا بين عبادك شئ
وكل شئ تصنعه بتقول له كن فيكون
,,,,,,
راعتنى نطفه وجنين مخلوق فى بطن أمىّ
ساكن قرارى المكين ماشالتش يوم همىّ
بالقدرة حرّكتنى والقلب بيّا سعيد
وخلقت جنب الوريد شريان يصون دمىّ
,,,,,,
على ريش جناح الملك يامصبّر الواضعه
عريان وباكى الزمن وطموحى متواضعه
بحبل سرّى بيربطنى بحنان قلبها
واجرى على صدرها ملهوف على الرّضعه
,,,,,,,
صنف الجهاز اللىّ ميّز للكلام ودنى
ماركة لسانى اللى يشقينى ويسعدنى
والمخ لامس و كاشف صنعتك ليّه
وحركة ايديّا اللىّ قبل الامر تهاودنى
,,,,,,
من خرم ابره تبان الدنيا لعيونى
والقلب شايل محبّه للى نسيونى
والعقل بيدلنى ان انت بتحبّنى
بالودّ بتمدّنى والخلق باعونى
,,,,,,,,
كل التراب والحصى سبّح بحمد الله
وكلّ يوم ينتهى بيجرّ ليله وراه
تفرق لغات البشر فى اللىّ انكتب ع الورق
لكن الجميع اتفق لو قال فى مرّه الآه
,,,,,,,
راجع بذنب عظيم طمعان فى غفرانك
أملى فى نظرة رضا من بعد احسانك
فضلك عليىّ كبير وأنا سيئاتى كتير
خدنى لطريق الخير وامنحنى رضوانك
,,,,,,,

**بلقيس الجنابي** · #2 19/09/2011, 05h01

تهجدات رحمانية حانية
ما شاء الله تبارك

أبدعتي أختي الحبيبة أُم مدحت
تحياتي لك ولشاعرنا الكبير الأستاذ سعد الشرقاوي

**NAHID 76** · #3 25/09/2011, 18h35

بسم الله الرحمن الرحيم
والله يا ست أم مدحت وحشتينى كتير
وشوقتينى أنى حشوفك ومحصلش ليه
والأن وبعد قرأتى لموضوعك زادت الرغبه والشوق فى أنى أشوفك وأقعد معاك وتكلم أمتى يا ست الكل
نعمات وفضل ربنا علينا كتير بس ربنا يقدرنا على أننا نعى ونشكر
لكى ولعم سعد تحياتى

**عفاف سليمان** · #4 02/10/2011, 05h40

غاليتى الحبيبه
اصيلة عمده كفر الشراقوه
(((((الست ام مدحت)))))
ما اجمل هذه الكلمات
التى تخرج من القلب لتدخل
الى القلوب
الطيبه مباشرتا
كلنا تأتى له هذه اللحظات
ويطلب فيها الرحمه والمغفره
من الله سبحانه وتعالى
هو الغفار التواب
الرحيم عالم بذنوب عباده
وهو ايضا الرؤوف بنا
الكريم المسامح لنا
لا يقلل ولا يزيد
ان نتوب او لا
فهو لا يحتاج لنا
بل نحن دائما من فى حاجة له
مهما هربنا منه ومهما
حاولنا ننساه
الحياه تبقى صعبه
والنفس يبقى ضيق
لكن مجرد ذكره
((((الله))))
تلاقى نفسك طابت
والروح هامت فى
ملكوت الله
وتحس انك اتولدت من جديد
وان الحياه بعيد عنه
ما تبقى ابدا حياه
سبحانه ربنا اتمنى
ان نكون دائما من الطائعين
الحافظين على ذكره ليل نهار
اللهم اعنا على
ذكرك وشكرك وحسن عبادتك
اللهم لا تجعلنا من الغافلين
الباحثين عن الدنيا
واجعلنا من الطائعين
الباحثين
عن الاخره
اللهم آمين
تسلمى لى يارب
ويارب دائما
جميعا
من الذاكرين الشاكرين
اللهم آمين
اختك عفاف

**ام مدحت** · #5 02/10/2011, 13h59

اقتباس:

المشاركة الأصلية كتبت بواسطة بلقيس الجنابي

تهجدات رحمانية حانية
ما شاء الله تبارك

أبدعتي أختي الحبيبة أُم مدحت
تحياتي لك ولشاعرنا الكبير الأستاذ سعد الشرقاوي

شاعرة العروبة
واميرة الشعراء
الاخت الاستاذة
بلقيس الجنابى
شرف عظيم ان انال توقيعكم
فى متصفحى
ليزين الصفحات
ويكمل المنقوص
ويسعد القلب
لكم كل آيات الشكر والتقدير
كل عام وانتم بخير

**Hisham Khala** · #6 02/10/2011, 14h56

ما شاء الله جميلة جدا
و كل مقطع أجمل من أخوه
المعاني و الصور و الصياغة روائع
خالص تقديري