ليه؟

[Tarek Elemary]

حياتى كلها عَدِّتْ

بتتهادى

صحيح أيامها تشبه بعض

ليل و نهار

كما العادة

ما يِفْرِقْ فيها

غير الضلمة ولَّا النور

و سُكَّرها قليل لكن

كُؤوس المُرّْ بزيادة

و لا قلبى خفق مرة

ولا داق م الهوى ذرة

و بياع الغرام عدى

ما يوم نادى

و كنت مْصَالِح الأيام

و هىَّ كاتْ مخاصمانى

و لا عدَّيت ساعاتها يوم

و لا إستنيت تِعود تانى

و كان بينَّا إتِّفاق ضمنى

و كان باين رضوخى فيه

و إذعانى

ما يوم أطلب من الدنيا

و أرضى بحظى لو جانى

و قابلتك

و يا ريتنى ما قابلتك

كرهت الدنيا و الأيام

و عرفتينى بالأحلام

و حب و شوق

و عشق بيجرى جوة عروق

و آه يا سلام

على لمسة إيدين بحنين

و نظرة تكحل العينين

و طيف زاير ليالينا

يطير يحكى بما فينا

و وقت يمر يكوينا

يبكينا على بعادنا

يحسرنا على معادنا