رد: غلاف و مقدمة كتاب جدي الشيخ : علام سلامة (( معراج البيان ))
أكروبات العُمر
حَبْ يـِكتِب عن حياته من سكات
جَتْ حياتـُه من تـَمَنْ كَـلِمَات
!
إتوَلـَدْ ، و دي كلمة أولى
و ابتدى الحياه المَلوُلة
كلمة تانية : الطفولة
إتحرَم من طفلها ،
م البراءة و لِعبها
و الأكروبات !
الفتى: و دي كلمة تالتة ،
فيها ثابتة له البطولة
و البطولة:
كلمة رابعة ، أو مهولة
لما تيجي بوقتها
من غير فوات
كلمة خامسة: لِنتظار ،
يعني معصور المرار
لما يبقى بْدَربُه ماشي ،
دَربُه يغوَى لِّسْتِدار
و التراجع مش رجولة ،
غِير لقـَانِعْ بالفـُتات
و الرجولة كلمة سَاتـَّة
واكلة من وجدانـُه حِتـّة
و اللي قالوا : التالتة تابتة
ليه ما وقفوش عند ستة ؟!
ستة سِت العمر كله :
الرجولة ،
كان واصِلها و هُوَّ لِسة بفصل أولى ،
يوم ما غادر وقتها ،
و الطفل ، فات
كلمة سابعة : الكهولة
يعني تخمير الفحولة ،
و انتظار سن المعاش
حَـسْ إنه ، بيُوم ، ما عاش
صار كفِيل ، بعد الكـَفـُولة !
دنيا قاسية بنت غـُولة
زي شَعْـنـُنة البنات
و الحلاوة ، فيها ، مُرّة
توهمك بجحيمها جنة
حب يكتب عنها مَرَّة .....
كلمة فاضلة من سكات ،
كلمة ضامنة ، كلمة حُرّة !
لم نطق ، و التامنة : مات
السيد abuzahda
رغم أني نصير التنظير القائل إن الشعر وليد خيال لا تأمـّل ، و لذا فإن اللزوميات وما جرى مجراها تـَخـْفـُت ُ اللغة الشعرية فيها، و أرى النص المقتبس آنفا ً يدخل تحت اللزوميات ، ولكني لم أستطع إلا الإعجاب به . ثمـّة َ تملـّك من ناصية الصناعة ، و القول تحت قلمك ليـّن مطواع .زخم الأفكار و سياقها التسلسلي أغنى عن الإنزياحات اللغوية . أبهرتنا يا رعاك الله
|
العرض الشجري