المحالات
( المستحيلات كما يراها عبود الكرخي )
يصير اتزوج انا ببنيه ..... يصير بالجنه الي حوريه
يصير تصعد للسمه ابسلم درج ... يصير من مصلوب تطلبلك فرج
يصير تدري النغل ياهو اللي بزره ... يصير تدري البحر منهواللي حفره
يصير اموات احتيوه من مكبره ... يصير نمله وتدفع الملويه
يصير ابو الجنيب مايمشي صفح ... يصير مايبقى النجم لو صار الصبح
يصير فار وكط الفوا للصلح ... يصير عشره جلاب والواويه
يصير شايب منحني ويرجع ولد ... يصير بالمرمر يدكون وتد
يصير شفت الواحد الفرد الصمد ... يصير بطنج يجتمع والحيه
يصيركوهيني يسمي ابنه علي ... يصير بالبدوان اسم مرزه قلي
يصيربعرور انزرع يطلع غنم ... يصيرواحد خالي من هم والم
يصير ممكن رجل من موت انهزم ... يصير زارت كربلا يهوديه
يصير بالمنخل تسد عين الشمس ... يصير لحم الكلب طاهر مو نكس
يصير عالم من غبي ياخذ درس ... يصير تعرف داخل الركيه
يصير بالكطنه يذبحون البعير ... يصير هالجاموس اله جناح ويطير
يصير تكدر تربط البكه بحبل ... يصير توضع جبل بقوطيه
يصير انا اكدر اطارد عالصراط ... يصيرستره وبنطلون ابلا خياط
يصير اعلم من اديسون اصلبي ... يصير ماركوني الايطالي غبي
يصير اعمى و ملص اخذ بالطاولي ... يصير تجرش شلب امريكيه
يصير امي ويفتهم شعر القريض ... يصير بالدنيه سمعت ديج ويبيض
يصير اتعلم انا بشعري مدح ... يصير ان اترك مرائي من القدح
يصير موطني استملك دار ... يصير خالص عربي ويملك العار
يصير فختي وزاغ يفترس النسور ... يصير انا بالآخره ألمس الحور
يصير ترجع للعرب اسبانيه ... يصير تشرب مي حلو بحبانية
يصير انا اقبل بقسمه فلسطين ... يصير احب مله الصهوينيه
يصير ممكن غاندي ان يستذل ... يصير مااشتم الكذاب النذل
يصير اقره واكتب ابلا منظره ... يصير فحمه تفوقها للجوهره
يصير ما يرقى العلم بالقاهرة ... يصيركرخي يبدل الجنسيه
يصير انا يمكن واطلع نايب ... يصير ما يطلع العندة حبايب
يصير خيط الكطن اقوى من الوتر ... يصير ما اعشق انا الحريه
يصير عين بمجلس الاعيان اصير ... يصير هذا مو محال وياوزير
يصير اديب بهالزمن مو منسي ... يصير خضعوا للعدو الكرخيه
يصير شعر المتنبي ينشطب ... يصير ماندحر الصهيونيه
يصير بالجنه الي شاهق قصر ... يصير بجهنم انا ماانحشر
رد: أشعار الملا عبود الکرخي
العرض الشجري