هى دى بلدنا ولا بلد تانيه

**عفاف سليمان** · #1 06/02/2011, 14h03

اقتباس:

المشاركة الأصلية كتبت بواسطة Tarek Elemary

فترة و تفوت يا ست عفاف

و كله علشان مصر يهون
بس الأمور تهدأ و ترجع تانى لطبيعتها

و كل الدنيا تبقى أحسن من الأول

اخى الكريم
والشاعر الثائر
أـ طارق
اولا الحمد لله ع السلامه
ثانيا
الورد فتح ونوره بان
وظهر العبير ع الاغصان
شبابنا نوروا الميدان
وقالوا لا للطغيان
ثوره جت بنور الايمان
الورد فتح ع الاغصان
وقال محبش ابقى جبان
هنثر عبيرى فى كل مكان
مش فطينه كلها عفان
شبابنا ثار والثوره نار
هتقضى ان شاء الله
على الطغيان
وكلها ايام
وفجر بكره بامله يبان
دمتم لى بخير
اختكم عفاف

**رشيد القـندرجي** · #2 06/02/2011, 14h46

إِنْ يَنْصُرْكُمُ اللَّهُ فَلا غَالِبَ لَكُمْ

ارفعي رأسك يا ست بهية
فانت مصرية
ونحن معكم بقلوبنا
والله معكم
وكل شعوب العالم الحر معك
يابهية

يسبق كلامنا سلامنا يطوف ع السامعين معنى
عصفور محندق يزقزق كلام موزون وله معنى
عن ارض سمره وقمره وضفة ونهر ومراكب
ورفاق مسيرة عسيرة وصورة حشد ومواكب
فى عيون صبية بهية عليها الكلمة والمعنى
مصر يامه يا بهية
ياام طرحة وجلابية
الزمن شاب وانتى شابة
هو رايح وانتى جاية
جاية فوق الصعب ماشية
فات عليكى ليل ومية
واحتمالك هو هو
وابتسامتك هى هى
تضحكى للصبح يصبح
بعد ليلة ومغربية
تطلع الشمس تلاقيكى معجبانية وصبية
يابهية
الليل جزاير جزاير يمد البحر يفنيها
والفجر شعلة هتعلى وعمرالموج ما يطويها
والشط باين مداين عليها الشمس طوافة
ايدك فى ايدنا ساعدنا دى مهما الموجة تتعافى
بالعزم ساعة جماعة وبالاصرار نخطيها
مصر يامه يا سفينة
مهما كان البحر عاتى
فلاحينك ملاحينك
يزعقوا للريح يواتى
اللى ع الدفة صنايعى
واللى ع المجداف زناتى
واللى فوق الصارى كاشف كل ماضى وكل اتى
عقدتين والتالتة تالتة
تركبى الموجة العفية
توصلى بر السلامة معجبانية وصبية
يا بهية
ويعود كلامنا بسلامنا يطوف ع الصحبة حلوانى
عصفور محنى يغنى على الافراح ومن تانى
يرمى الغناوى تقاوى تبوس الارض تتحنى
تفرح وتتطرح وتسرح وترجع تانى تتغنى
اللى بنا مصر كان فى الاصل حلوانى

الشاعر المصري احمد فؤاد نجم

YouTube - ‫ط¨ظ‡ظٹط©‬&lrm;

**عفاف سليمان** · #3 06/02/2011, 14h57

الليل جزاير جزاير يمد البحر يفنيها
والفجر شعلة هتعلى وعمرالموج ما يطويها
والشط باين مداين عليها الشمس طوافة
ايدك فى ايدنا ساعدنا دى مهما الموجة تتعافى
بالعزم ساعة جماعة وبالاصرار نخطيها
الله الله الله
جميل اخى الكريم
أ محمد الساكنى
سلمت يداك وسلم اختيارك
ومصر مهما حاولوا
يشيلوا طرحتها
من على جبينها
ابدا ما هيقدرو
وان باتت يوم تعبانه
تصحى الصبح تلاقيها
عفيه قويه
والشمس اكيد جايه
بحريه ثوريه شبابيه
دمت بخير اخى الكريم
سلمت وسلم كل
عربى اصيل
اختك عفاف