هى دى بلدنا ولا بلد تانيه

**عفاف سليمان** · #1 05/02/2011, 10h54

احنا فى بلدنا
ولا بلد تانيه
رعب وفزع وخوف
فى كل ثانيه
لما بنتى تشوف
عسكر بقوا
حراميه
وكمان سنج
وشوم
وشوية بلطجيه
وانا من الخوف
قفلت الباب
عليها
وعليه
وجمبى كمان
سكينه احمى بيها
اعز ما ليه
هى دى بلدنا
ولا بلد ناس تانيه
هما دول ولادنا
ولا جم من حته تانيه
يا مصر انتِ امى
ومصر ام الدنيا
قال ربنا فى القرآن
(ادخلوها آمنين)
عملوا فيكى ايه
خلوكِ ترعبين
ولادك وبناتك
وشبابك المخلصين
يا مصر يا طرحتى وشالى
يا كل عزى ورأس مالى
يا بنتى وابنى واخويا وعمى
الخوف فى قلبى ملانى
خايفه اخرج من باب بيتى
الاقى بلطجى يسرق بيتى
وخايفه افضل جواه
اتسرق واقول الاه
يا مصر فين حكامك
فين ضباطك واحرارك
شبابك طالبوا بحريه
وعدل وشغل ومساويه
مش عرفين يشوفوا الشمس
ولا حتى عاشوا الامس
ولا عارفين بكره فيه ايه
ان كان بكره زى امس
ولا بكره هتيجى الشمس
تدفى قلوبنا من سهرة أمس
والنيل هيجرى زى زمان
بميته تروى العطشان
يا مصر يا أم الدنيا
ولادك بدمهم
روا ترابك
وع الاسفلت دهست
عربيات
احبابك
قالوا عربيات مسروقه
ومن السفاره المحروقه
وشرطه واسعاف
بقينا منهم بنخاف
ياترى راح يجى آمنك
ونشوف يوم نهارك وشمسك
ولا خلاص اقفل بابى
وآلم جمبى كل احبابى
خوفى عليهم وعلى شبابى
يروح هدر ونقول معلش
هما اللى غلطوا فى
حق كبيرنا
ومكنش يصح يبقى
دا مصيرنا
علشان طلبنا يوم املنا
لقمة عيش وعمل لعيالنا
يا مصر انتِ املنا

**عفاف سليمان** · #2 05/02/2011, 19h36

اقتباس:

المشاركة الأصلية كتبت بواسطة الباشاقمرزمان

تسلمي وصح لسانك عبرتي بما يجيش به صدر الشعب ببساطة

اشكرك اخى الكريم
(((أ مصطفى)))
على الرد
ولست ادرى
ااشكر الظروف التى نحن بصددها
التى تكشفت بسببها بعض الناس
عما يكنون لنا من حب ٍ او موده
او كره
وأتمنى من الله العلى القدير
ان ينصرنا وينصر شعبنا
إن شاء الله
حتى تخرج مصر فى ابهى صورها
كما تعودنا وللافضل
إن شاء الله
فعلا كما قالوا
الشده بتبين
العدو من الصديق
دمت لى بخير اخى الكريم
ودامت لنا مصر بخير
وشبابها
وبناتها
واولادها
اطفالها
رجالها
امهاتها
ابائها
اللهم آمين
عاشت مصر ابيه
وليسقط كل ظالم طاغى
اللهم آمين

#3 05/02/2011, 21h04

اقتباس:

المشاركة الأصلية كتبت بواسطة عفاف سليمان

اشكرك اخى الكريم

(((أ مصطفى)))
على الرد
ولست ادرى
ااشكر الظروف التى نحن بصددها
التى تكشفت بسببها بعض الناس
عما يكنون لنا من حب ٍ او موده
او كره
وأتمنى من الله العلى القدير
ان ينصرنا وينصر شعبنا
إن شاء الله
حتى تخرج مصر فى ابهى صورها
كما تعودنا وللافضل
إن شاء الله
فعلا كما قالوا
الشده بتبين
العدو من الصديق
دمت لى بخير اخى الكريم
ودامت لنا مصر بخير
وشبابها
وبناتها
واولادها
اطفالها
رجالها
امهاتها
ابائها
اللهم آمين
عاشت مصر ابيه
وليسقط كل ظالم طاغى

اللهم آمين

في الحقيقة يا أبلة عفاف
كل ما حدث في مصر برغم ما حدث فيها فقد أفادها كثيرا أولاً الانجازات التي حققها الشباب في أيامهم الثلاث وليس فيها تراجع لا شكلا ولا موضوعاً وأي تراجع فيها لن يخرج الشباب فقط بل ستخرج كل مصر لأن المارد انطلق من القمقم وطعم الحرية الذي ذاقه في هذه الأيام على كافة المستويات وتضامن أفراد الشعب ووحدته زادته قوة وما تلى ذلك من أحداث بين لنا قوة مكانة مصر في العالم ورفع من معنويتنا كثيرا وكشف لنا أعدائنا بشكل واضح وسقطت عنهم الأقنعة وهذا الأمر برغم كل ما حدث كان ثمناً لهذه الانجازات ويجب أن ندفعه رغماً عنا نتيجة تقاعسنا عن حقوقنا طيلة السنوات الطويلة الماضية فليس هناك تغيير بلا نسبة من الخسائر
تحياتي

**عادل الصامت** · #4 06/02/2011, 00h39

نقلا عن الأخت عفاف

احنا فى بلدنا
ولا بلد تانيه

ارفعي رأسك أختي الكريمة مصر أنجبت أبطالا كثر وما حدث هي ثورة مباركة في سبيل العزّة والكرامة والحرّية التي لا تُهدى بل تستوجب النضال والدفاع عنها والشهادة من أجلها والشعب المصري لايرضى بغير ذلك مهما كلّفه الثمن تحية اكبار وتقدير والنصر آت آت آآآآآآآآآت

**عفاف سليمان** · #5 06/02/2011, 00h57

لما قالوا لى دا ولد
انشد ضهرى وانسد
فضلت كل يوم ارعيه
واستنى يكبر وافرح بيه
واشوفه عريس
والم احبابى حواليه
كبر ولقيته يا حبة عينى
مش لاقى حد يداويه
علمته بدم قلبى
وصبرت اتهنى بيه
ويجى يوم ويقولى يامه
دا مرتبى خدى اصرفيه
وحلمت يعمل جمعيه
واجيب له الشبكه
ونفرح بيه
لكن يا حرام الحلم
دا صعب
وع الاهاوى قاعد
للصبح
وكل يوم يدور
مافى شغل
يوم ورا يوم انقطم الضهر
خرج مع اصحابه اخر الشهر
وقالوا نعمل مظاهرة شهر
يمكن يتعدل حال الدهر
ونلاقى شقق ونجيب المهر
لكن حبيبى يا عينى عليه
بقاله ايام
على رجليه
يستنى كلمه تفك الاسر
او حريه حلوه لمصر
وادى اخوانه منهم ماتوا
تحت الظلم ورصاص طائش
قالوا دى شومه من بلطجيه
وشويه عصابة وحراميه
وبدال ما يا يجيب الحريه
جانى مرمى ع الضهر
وادينا بنستنى يا دهر
ينور من تانى قمر الشهر
ويرجع لنا شبابنا
بحريه تعيش ابد الدهر

**عفاف سليمان** · #6 06/02/2011, 01h04

اقتباس:

المشاركة الأصلية كتبت بواسطة الباشاقمرزمان

في الحقيقة يا أبلة عفاف
كل ما حدث في مصر برغم ما حدث فيها فقد أفادها كثيرا أولاً الانجازات التي حققها الشباب في أيامهم الثلاث وليس فيها تراجع لا شكلا ولا موضوعاً وأي تراجع فيها لن يخرج الشباب فقط بل ستخرج كل مصر لأن المارد انطلق من القمقم وطعم الحرية الذي ذاقه في هذه الأيام على كافة المستويات وتضامن أفراد الشعب ووحدته زادته قوة وما تلى ذلك من أحداث بين لنا قوة مكانة مصر في العالم ورفع من معنويتنا كثيرا وكشف لنا أعدائنا بشكل واضح وسقطت عنهم الأقنعة وهذا الأمر برغم كل ما حدث كان ثمناً لهذه الانجازات ويجب أن ندفعه رغماً عنا نتيجة تقاعسنا عن حقوقنا طيلة السنوات الطويلة الماضية فليس هناك تغيير بلا نسبة من الخسائر
تحياتي

اكيد اخى الكريم
أ مصطفى
لازم يكون فيه نسبه من الخسائر
علشان فجر بكره يجى منور
نور غير النور اللى فات
نور مفيهوش اى سكات
نور ينور قلوبنا
قبل ما ينور بيوتنا
دمت لى وللجميع بخير
اختك عفاف

**عفاف سليمان** · #7 06/02/2011, 01h09

اقتباس:

المشاركة الأصلية كتبت بواسطة عادل الصامت

نقلا عن الأخت عفاف

احنا فى بلدنا
ولا بلد تانيه

ارفعي رأسك أختي الكريمة مصر أنجبت أبطالا كثر وما حدث هي ثورة مباركة في سبيل العزّة والكرامة والحرّية التي لا تُهدى بل تستوجب النضال والدفاع عنها والشهادة من أجلها والشعب المصري لايرضى بغير ذلك مهما كلّفه الثمن تحية اكبار وتقدير والنصر آت آت آآآآآآآآآت

الحمد لله رب العالمين
اخى الكريم
أ عادل الصامت
انا سعيده انى فى هذا العصر
وهذا الزمن
وسعيده ان ابنائى من هؤلاء
الشباب وفى سنهم يمكن اقل شويه
لكن يكفى انهم بيشاركوا فى هذه المسيره
او ع الاقل شاركوا معهم بعض الايام
اكيد لازم اكون سعيده
بس اللى خلانى حزينه
هو حزن كل ام راح ابنها
وهو فى عز شبابه
ورده لسه بتتفتح
بحس بقهرها وحرقتها عليه
يارب صبرهم واجعل الصبر فى قلوبهم
اللهم آمين
الفجر ات قريب
عاجلا ام اجلا
إن شاء الله
دمت لى بخير اخى الكريم
واسعدك الله فى اسرتك
اختك عفاف

**عفاف سليمان** · #8 06/02/2011, 01h32

طار العصفور بجناحه الاخضر
على اغصان و شجر ورقه اخضر
يجيب العطر من ورد لونه اخضر
ويا مصر انتى الامل فى بكره
وانتى الورد الاخضر
مستحيل اعيش فى رياء
لازم يكون لى كبرياء
...ومتعودش ع الانحناء
امام طغاه وجبناء
وان مكنش لى رجاء
اموت شهيد وده الدواء
لو غلطان من جوايا
بقول أسف ...
بس بلاش عبوات القذف
الناسف

**حماد مزيد** · #9 06/02/2011, 01h40

يا بنت مصرما كانش يوم
في قلوبنا شك ولا افعنينا

من ان مصر في يوم تقوم
وتصـدق الحس اللي فينا

اللي انتو فيه حسّينو دوم
ما هنتو يــوم والله علينا

**عفاف سليمان** · #10 06/02/2011, 01h44

اقتباس:

المشاركة الأصلية كتبت بواسطة حماد مزيد

يا بنت مصرما كانش يوم

في قلوبنا شك ولا افعنينا

من ان مصر في يوم تقوم
وتصـدق الحس اللي فينا

اللي انتو فيه حسّينو دوم

ما هنتو يــوم والله علينا

اخى فى العروبه
وكل عربى اصيل
بتمنى يوم تيجوا
تشوفوا النيل
وشمس مصر
وقمرها الجميل
وفسحه حلوه على
ضفافك يا نيل
اخى الكريم
حماد مزيد
سلمت وسلم قلمك
وقلبك
وزوقك
ودمت لى وللجميع بكل خير
اختك عفاف