جوز المرتين

[عفاف سليمان]

المشاركة الأصلية كتبت بواسطة ام مدحت

نفسى ياروحى اوصفلك حبىّ

اصل الشيله تقيله عليّه

ما انت هوايا وكل منايا

وانت هنايا وضىّ عنيّه

,,,,

لمّا باشوفك جنبى ياغالى

بافضل عايشه بهمىّ ليالى

وصورتك ماليه عليّه خيالى

فى عز الضلمه تعذب فيّه

,,,,

طول مانا شاربه المرّ معاك

نفسى اتدحلب مرّه وراك

ولمّا اتمكـّن يوم فى قفاك

أوصف حبى بكف ايديّا

,,,,

واشفى غليلى وافرّح قلبى

واعبّر لك عن شوقى وحبىّ

وامّا هاتعمل تقرير طبىّ

اسبق وارفع احلى قضيّه

,,,,

واجرى بشوقى اليك هيمانه

لمّا ازورك فى الزنزانه

والمساجين يتغدّوا معانا

وواحده قريبتى هناك محاميّه

,,,,

ويوم الحكم ارقع بالصوت

اقول ياحبيبى بحبك موت

صبرك دى الايام ها تفوت

وترجع تملى الدنيا عليّه

انا جيت اهدى النفوس
بس مش زى اختى الغاليه
ليلى
عايزه اى مساعده
شومه.. حله.. سكينه ..مخده
اختك رايا
قصدى عفاف
مستعده لتوصيل الطلبات
الى المنازل
سكاكين موجود
اكياس بلاستك تلاقى
والكميه متوفره للجميع
ههههههههههههههههه
لا طبعا انا بهزر
بس كلامكم عجبـــنى
وشوقكم للصلح غلبنى
ومن فرحتى بيـــكم
قلت يانا يا غلبى
الخناق اخره عذاب
لكن الصلح حلو
للاحبـــــــــــاب
ومتوصلش للمحاكمــه
ولا محاميه ولا مناكفـه
الطيب احسن للكل يا زينه
تتهنوا مع بعض الليلــه
وتعيدوا ايام جميلــــه
كانت فى الفرح متهنيــه
ليه المحكمه وليه الاذيـه
العشره متهونش ابدا
يا وليـــــــــــه
دانتى ست الكل ومتربيه
والاصيله مهما يحصل لها
ع العشره راضيه ومرضيه
خلونا ننسى الخناق
وتعالوا نعمل اتفاق
تتصالحوا ويبقى فيه رواق
والاولاد يباتوا فى حضنكم
وان كان ع العزومه
اجيب لكم
احلى اكلات وحلويات
واجيب كمان لكم شربات
وكأنكم لسه داخلين
الليله ومتجوزين
وانسوا ايام الاسيه
وافرحى يادى البنيه
زوجك غالى وانتى
غاليه عليه
وعيشوا عيشه مرضيه
والعيال هيبقوا ميه ميه
لما يلاقوا الفرح على
دارهم معشش
والحمام بيرفرف بجنحاته
والعصافير بتغرد
على باباكم
يبقى ايه ناقص تانى
قدامكم
واجيب لكم
فايزه احمد تغنى لكم
بيت العز يا بيتنا
على باباك جنينتنا
وادى عادت فرتنا
والصلح نور حياتنا
وبيتنا
ارق تحياتى لكم جميعا
اختكم عفاف