اقتباس:
المشاركة الأصلية كتبت بواسطة ثروت رضوان
شيئ غريب
===========
لما ادوَّر جوَّه قلبى
كنت دايماً بالتقيك
واما افضفض ويّا روحى
ألتقيها دايبة فيك
حتى صوتى لما يهمس
كان فى همسُه بيناجيك
يفتكر لك كلمه حلوه
لما كان الشوق ماليك
شيئ غريب بيَّعنى عمر
فرحت إنى بعتُه ليك
شيئ لاطعمُه يحسه قلبك
أو تطول لمسُه بإيديك
كان بيحصل
رغم إن الغدر طبعك
شيئ غريب
لما فجأه تغيب علىَّ
كنت اموت م الخوف عليك
وازرع الصبر ف ضلوعى
وادعى ع اللى بيعاديك
كنت الملم شوك جروحى
واجرى أتخبّى ف عينيك
تطفى نار الشوق فى قلبى
ونار فى روحى قايده بيك
شيئ غريب بيَّعنى عمر
فرحت إنِّى بعتُه ليك
شيئ لاطعمُه يحسه قلبك
أو تطول لمسُه بإيديك
كان بيحصل
رغم إن الغدر طبعك
شيئ غريب
قلت اعلم روحى تأسى
وقلبى ينسى
وليه يراعيك
ألقى نفسى لسه برضه
جوَّه قلبى بالتقيك
واما افضفض ويّا روحى
ألتقيها دايبة فيك
حتى صوتى يروح خاينِّى
ف همسُه تانى ويناجيك
شيئ غريب بيَّعنى عمر
فرحت إنِّى بعتُه ليك
شيئ لاطعمُه يحسه قلبك
أو تطول لمسُه بإيديك
ليه بيحصل
رغم إن الغدر طبعك
شيئ غريب |
استاذى وشاعرنا الجليل
***(((الاستاذ ثروت رضوان)))***
لا تتصور قدر سعادتى لعودتك
لتلك الصفحه الادبيه الجميله
ونتمنى الا تطيل الغيبه علينا
ونتمنى ان نزداد من نور وجمال
كتاباتك الجميله
***اهلا ومرحبا بعودتك ***
التى انارت تلك الصفحه منذ زمن بعيد
ويسعدنى ويشرفنى ان اكون بين هذه
الكوكبه الرائعه من شعراء
هذا المنتدى الشامخ والرائع
بمن فيه
واسمح لى برد او مداخله بسيطه 
منى على شعرك الجميل
الذى انفعلت به وانا اقرؤه
وللعلم استاذى الكريم
ليست هذه اول مره اقرأ فيها
اشعارك
ولكن لم تسنح لنا الفرصه لتكملة
هذا الشعر الرائع
الذى ننتظره منك ومن ابداعاتك
ردا على
شىء غريب
لما كل لحظة تقولى
انتى جوايا وانا ليك
ليه دايمافى حبى ظالمنى
وتجرح قلبى اللى شاريك
غبت عنك ايو غبت
يوم اتنين سنه سنتين
لكن عن بالى ابدا
ما غبـــــــــــت
شىء غريب
يمكن بعادنا امر محتوم
اهجر حنينك وشوقك يوم
لكن عمرى ابدا ما يوم
نسيت هواك وقلبى مظلوم
شىء غريب
بعت عمرك ليه عشانى
عشان قلبى عشان تهوانى
وانا اللى عمرى
هديته ليـــــــــك
شىء غريب
افتكرت ان بعت عمرك
بص كده تانى فى قلبك
اكيد هيحس شوقى ليك
اكيد هيقولك دوبت فيك
ولحنانك كل ليله بيناجيك
يبقى مين باع عمره
للتـــــــانى
شوف حنانك وشوف
حنــــــانى
لا عمرى خونتك
ولا كان فى قلبى
حد تـــــــانى
طبعا اللى كتبته دى مش شعر دى مجرد خاطره حبيت ارد بيها على انفعالى بجمال وروعة كلماتك
واتمنى ان تعجبك وتعجب الجميع
ارق تحياتى
وننتظر الجديد دائما
اختك عفاف
رد: من أعمال الشاعر ثروت رضوان
العرض الشجري