حكاياتى مع الأهلى

[ليلى ابو مدين]

بسم الله الرحمن الرحيم
الشاعر الكبير
الأستاذ /طارق العمري
أحييك يا شاعرنا على قصيدتك عن (الأهلي) كلمات جميله معبره
وتدل على حب كبير لفريق كبير(نادي القرن) صاحب البطولات العظيمه,
وهذا شيئ لا يستطيع إنسان ما أن ينكره
أكتب هذا وأعترفلك أني لست من هواة الكره وليس لي إنتماء لأي نادي ولا أشاهد المباريات إلا لو كانت مباراه للمنتخب المصري
مع منتخب أي دوله تانيه ,في الحاله دي بكون متعصبه جداً لمصر
لكن الغريب أني مش بقدر أشاهد المباراه وخصوصاً إذا كانت
نهاية بطوله وأحبس نفسي في غرفتي واغير القناه وأعلي الصوت
علشان مسمعش صوت التلفزيون اللي الاولاد بيشاهدوا فيه المباراه
وأطلب منهم يخبروني بالنتيجه لو كانت مصر غالبه
وببقى على أعصابي طوال المباراه وأحاول أشغل نفسي بأي شئ
وافضل قلقانه وكأن مصر بتحارب مع دوله تانيه وأنا مستنيه
إعلان بيان النصر.
أعتقد حضرتك هاتضحك الآن عليه بس مش هازعل لاني أولادي
سبقوا حضرتك وضحكوا وتندروا عليه بما فيه الكفايه
لكن هي دي الحقيقه وهذا ما يحدث معي في مباريات المنتخب المصري المهمه,
والحقيقه أيضاً إني بشاهد المباراه في الإعاده يعني وأنا مطمنه
على النتيجه وعارفه إن مصر فازت.
خالص تحياتي واحتراماتي
ليلى ابو مدين