الله يجازى اللى فكرتى بالأحباب - عبد الفتاح مصطفى - أحمد صدقى - سيد اسماعيل

**MOHAMED ALY** · #1 19/10/2010, 22h13

فى هذا الاسبوع خرج علينا أسد الاسماعلية الاستاذ / حسن كشك بموضوع عن رومانسية محمد فوزى الشجية ... تمللى فى قلبى يا حبيبى .. و تلاه اخونا الاستاذ / رضا رشيد بموضوع ضم اكثر من أغنية شجية .. العيش و الملح و عشرتنا ..و سلامات يا حبايب .. و الطير المسافر ... و كأنما اراد أهل الاسماعيلية أن يجعلوا انفسنا و مهجنا تسترجع ذكريات الحنين و أنات الفراق التى لاقيناها فى رحلة الأيام و الأعوام .
و لأيام خلت ... و للحبيبين رضا رشيد و حسن كشك ... اقول ما ابدعه الدويتو الذى قدم أنفس كنوز اغناء العربى .. عبد الفتاح مصطفى و أحمد صدقى .. و تغنى به عمدة الزملكاوية الراحل سيد اسماعيل :

يا جاى من مصر

الله يجازى اللى

فكرنى بالأحباب

يا جاى من مصر

هات لى من ترابها حجاب

هات لى ترابها اشمه

و امرغ الخد فيه

و احمى علمها و اضمه

و بمهجتى افديه

و اسقينى ميتها

تجرى فى عروقى شباب

يا جاى من مصر

هات لى من ترابها حجاب

الله يجازى اللى

كحل ضياها عينيا

اول ما شفت النور

و فى ارضها السندسية

شبكنى عشق الحور

اشتقت يا خضرة

و الله و الهوى غلاب

يا جاى من مصر

هات لى من ترابها حجاب

الله يجازى اللى

يا جاى من مصر

هات لى من ترابها حجاب

الله يجازى اللى

فكرنى بالأحباب

يا جاى من مصر

هات لى من ترابها حجاب

<A href="http://www.sama3y.net/forum/showpost.php?p=214898&postcount=128" target=_blank>http://www.sama3y.net/forum/showpost...&postcount=128

**حسن كشك** · #2 20/10/2010, 02h00

شكرا ياعم محمد على باشا
وشكرا على وجع القلب المستمر
وقبل ما نسترسل ونحضر المناديل
هو قال
الله يجازى اللى
ولا انا سمعتها غلط
الله يجازى الليل ... فكرنى بالاحباب
انا بميل لليل

**MOHAMED ALY** · #3 20/10/2010, 12h32

و الله يا ابو على ان كنت بأسمعها ( الليل ) بعد كده كان من فترة موجدود على شبكة الانترنت موقعا لشركة راندافون التى كان يملكها سيد اسماعيل ( بالطبع راح هذا الموقع فى زمن العولمة كما ذهبت منابر ثقافية وتنويرية كثيرة ) كانت هذه الاغنية موجود فى الموقع بأسم ( الله يجازى اللى ) .. و عموما فليدلى كل بدلوه فى هذه النقطة .... ( مع انع بينه و بينك انا قصت بـ ... اللى .. حضرتك و عمنا رضا رشيد ... اللى وجعوا قلوبنا و هى مش ناقصة ) .

**MOHAMED ALY** · #4 20/10/2010, 12h39

و الى أن يهبط علينا الاستاذ / محمد الألاتى من صومعته اعيد كتابة نبذة عن اصحاب هذه الأيقونة الشجية ... و كلها سبق أن اقتبست اجزاء كبيرة منها و كتبتها فى موضوعات اخرى سابقة .. و للأسف لا امل حاليا الوقت الذى يمكننى من الاعداد لموضوع و البحث عن اضافات جديدة .

و مطرب هذه الاغنية هو الراحل سيد اسماعيل الذى ولد فى عشرينيات القرن الماضى فى محافظة الشرقية .
تخرج سيد اسماعيل من معهد الموسيقى سنة 1951 فى نفس دفعة على اسماعيل و عبد العظيم محمد و فايدة كامل و عبد الحليم حافظ .
غنى اول اغنباته للاذاعة بعنوان غنوا سوا من كلمات امام الصفطاوى و الحان أحمد صدقى .
شارك فى الغناء فى العديد من الافلام و منها امير الأنتقام و الصقر .
ايضل شارك سيد اسماعيل فى بطولة المسرحية الغنائية حمدان و بهانة .
لحن الكثير من الاغنيات للعديد من المطربين أمثال بليغ حمدى و محرم فؤاد و عايدة الشاعر و شريفة فاضل .
تزوج من المطرية الراحلة / عايدة الشاعر و له منها بنتا واحدة .
كان صاحب شركة للصوتيات اسمها ( راندافون ) لا زالت موجودة فى ممر الكونتننتال بالقاهرة .
قام بتلحين العديد من الصور الغنائية التى شارك فيها عدد من كبار المطربين كما شلرك بالغناء فيها ايضا .
توفى عام 2006 .

**رضا رشيد** · #5 20/10/2010, 13h02

اقتباس:

المشاركة الأصلية كتبت بواسطة MOHAMED ALY

اقتباس:

المشاركة الأصلية كتبت بواسطة MOHAMED ALY

و الله يا ابو على ان كنت بأسمعها ( الليل ) بعد كده كان من فترة موجدود على شبكة الانترنت موقعا لشركة راندافون التى كان يملكها سيد اسماعيل ( بالطبع راح هذا الموقع فى زمن العولمة كما ذهبت منابر ثقافية وتنويرية كثيرة ) كانت هذه الاغنية موجود فى الموقع بأسم ( الله يجازى اللى ) .. و عموما فليدلى كل بدلوه فى هذه النقطة .... ( مع انع بينه و بينك انا قصت بـ ... اللى .. حضرتك و عمنا رضا رشيد ... اللى وجعوا قلوبنا و هى مش ناقصة ) .

ماعاش اللى يوجع قلبك ياأبو القناديل
أحنا بس بنقلب المواجع شوية
وعلى فكرة هى ( الله يجازى الليل ) زى حسن ماقال
وأنا سمعتها للتأكد
وهى مرفوعة بأسم الأستاذ .. رؤف المسيرى ( الباشا )
فى صفحة 1 مشاركة 9

**abuzahda** · #6 20/10/2010, 22h14

يعني و بعدين معاك يا باشمهندس ؟!

مش عارف ليه ، حاسس إنك عامل على قلبي رُبَّاطِيّة .... مع العرين لسمعلاوي
(بفرعيه: مصر و النمسا)

،

بُص يا باشمهندس محمد علي ، يا قناديلي انتَ ......

هقول لحضرتك جُملة قصيره ، علشان مش فاضي ! ......

(بسمع الله يجازي الليل من "أبو رندا" الله يرحمه)

: الله يجازيك يا باشمهندس

مين يقول دي أغنية وطنيّة اتعملت في عهد محمد عبد الوهاب ؟!
لما كانت الأغاني الوطنيّة: مارشات عسكريّة

**MOHAMED ALY** · #7 21/10/2010, 06h41

اقتباس:

المشاركة الأصلية كتبت بواسطة رضا رشيد

[CENTER]

ماعاش اللى يوجع قلبك ياأبو القناديل

أحنا بس بنقلب المواجع شوية
وعلى فكرة هى ( الله يجازى الليل ) زى حسن ماقال
وأنا سمعتها للتأكد
وهى مرفوعة بأسم الأستاذ .. رؤف المسيرى ( الباشا )
فى صفحة 1 مشاركة 9

و الله يا عم رضا الواحد بيعيش حالة حالات متصلة و متوالية من الوحشة و تباريح الفراق .. باشكال و حالات متباينة و متفرقة .. و هكذا كان المصريون دائما .. هل أنت لا تستوحش لقاء زهرة البستان الأخير ؟ .
ربنا يهون علينا

**MOHAMED ALY** · #8 21/10/2010, 06h53

اقتباس:

المشاركة الأصلية كتبت بواسطة abuzahda

يعني و بعدين معاك يا باشمهندس ؟!

مش عارف ليه ، حاسس إنك عامل على قلبي رُبَّاطِيّة .... مع العرين لسمعلاوي
(بفرعيه: مصر و النمسا)

،

بُص يا باشمهندس محمد علي ، يا قناديلي انتَ ......

هقول لحضرتك جُملة قصيره ، علشان مش فاضي ! ......

(بسمع الله يجازي الليل من "أبو رندا" الله يرحمه)

: الله يجازيك يا باشمهندس

مين يقول دي أغنية وطنيّة اتعملت في عهد محمد عبد الوهاب ؟!

لما كانت الأغاني الوطنيّة: مارشات عسكريّة

و الله يا عم سيد كنت حاسس ان كلمات عمنا عبد الفتاح مصطفى و غناء عمدة الزملكاوية ستصيب منك القلب .. و كلماتك الوجيزة فى مشاركتك زادتنى وحشة و وجدا ... سبحان الله الواحد اما أن يعانى من وحشة البعد ( المكانى ) عن من يحبهم ... أو وحشة البعد ( الزمانى ) عن الراحلين الذين احبهم ... او الاثنين معا .

**MOHAMED ALY** · #9 21/10/2010, 12h10

اسمع يا عم سيد .. بعد أن كتبت مشاركتى السابقة حوالى الساعة الثامنة صباحا .. نزلت من المنزل متوجها الى المكتب الاستشارى الذى اعمل فيه لبعض الوقت .. اتصل بى زميل و اخبرنى أن سيارته معطلة .. فمررت عليه بالسيارة المخصصة لى .. يسكن هذا الزميل فى ميدان الجامع بمصر الجديدة .. جوار منزل العائلة و مسقط رأسى و مرتعى فى الطفولة و الشباب الأول ... تحركنا بضعة امتار بالسيارة .. هف على نفسى أن افطر فطير بالسكر .. وقفت امام محل فطير بميدان الجامع .. هذا المحل قديم قدم الزمن ... عقبال ما الفطير يطلع من الفرن القت اتمشى شوية فى السوق المقابل لمحل الفطير .. ايضا سوقا عتيق لم ادخله منذ اكثر من ربع قرن .. و ايضا هفتنى نفسى أن اتنسم عبير الماضى فيه .. و انا ماشى داخل السوق الذى كان خاليا تماما ... استوقفنى شخص قائلا : ممكن سؤال ؟ ... وقفت و تأمتلته صامت لثوانى ... ثم نطقت : أمين على حسن ؟ .. قال لى : ايوه أمين على حسن .. صديق قديم من ايام الطفولة .. لم اقابله مننذ اكثر من اربعين عاما .. تعانقنا عناق حارا .. و كأننى اعانق كل ايام الماضى التى اتوق اليها .. كأننى اعانق روح امى و أبى .. و كل من فارقنى ... يا لنعم الله وعطاياه التى لاتنقطع .. تماسكت و حبست دمعات كنت على وشك الهرب منى .. و لمحت فى عين صاحب دمعات شبيهة .
تركت صاحبى و أخت الفطير و ركبت السيارة .. و تركت لدموعى العنان ..... لقد اصابتنى نفحة من نفحات ابو زهدة .

**حسن كشك** · #10 21/10/2010, 16h35

والله ماحد عرف اللى انا عرفته منك يامعلم سيد
والظاهر كده كلنا ناويين نخلص عليك
كل الضرب فى مقتل
استحمل يامعلم
شده وهاتزول
ايه رأيك مش الاغانى الهابطه احسن
على الاقل بتتعب الوسط مش القلب

وآل ايه الباشمهندس محمد
جايبلك اغنيه
الله يجازيى الليل فكرنى بالاحباب
انا سامع صوت صواتك يامعلم