تحليلات سيادة الرئيس ـ أبو على

المشاركة الأصلية كتبت بواسطة صالح الحرباوي

يا أستاذ قمر زمان باشا ....

المشاركة الأصلية كتبت بواسطة صالح الحرباوي

تفضل الى هذه الدعوة الجريئة هــــنــــــا و ستضيف لغة لرصيدك من اللغات الأجنبية
وستتعرف على أنماط موسيقية مختلفة ...

.
(تنويه: هذه كانت تجارب استثنائية فقط، فلا داعي لطرح أعمالا من بنغلاداش أو طاجكستان أو بوتسوانا ... )

الأستاذ الغالي العزيز صاحب الباب العالي الخديوي/ صالح الحرباوي أفندينا

كل الألقاب دي وأكثر عشان الدعوة الحلوة دي والجميلة والتى عادت بي إلى أكثر من 43 عاماً ..... حينما شاهدت هذا الفيلم الرائع الجميل في دار سينما ميامي الصيفي لأكثر من خمس ساعات ( حفلتين مع الاستراحة ) وكان مكافأة حصولي على الابتدائة بمجموع كبير ..... وحالس في البلكون قال كان بلكون يعني هو دور أعلى من الصالة بكام سلمة وهذا الفيلم هو الذي أدخل السينما الهندية إلى مصر بعد فيلم الأم وأغاني هذا الفيلم بحثت عنها واشتريتها مرتين من أكثر من18 سنة ومن شهرين كمان جبتها من المواقع الأجنبية فيديو كمان وأقدر أجيب لك الترجمة ونص الكلمات كمان ............ وعلى فكرة اللغة الهندية من اللغات اللى عندي بيها شوية معرفة بسبب الجو الذي أعيش فيه هنا فعندي من كل بقاع الدنيا عايز فارسي ممكن عايز أردو مفيش مانع فلبيني ليه لأ غصب عني والله مش بخطري ( مجبر أخاك لا بطل ) والموضوع فيه كلام كبير جداً مش حاقدر أرد عليه هنا بعدين الرقابة شغالة كويس .... لكن الشئ المهم إن أخونا غازي الضبع كان بيحط الموضوع وهو خايف ومتردد ولذلك اختار أغنية تتمتع بموسيقى حلوة عشان يجذب المشاركين ونجح في ذلك على رأي أخونا الآلاتي(الزمن غير الزمن) إنما أغنية الفيلم الرئيسية وهي أغنية دوستا دوستا نارها هي الأحلى مع الايقاعات الجميلة والأسهل في التحليل وماكانش عمنا الآلاتي زوغ من أخونا الضبع بس هو عنده حق ليهم موسيقا عجيبة والحان جميلة وتلاقي المطرب والا المغني بيبكي ويعيط والدموع نازلة تسح والموسيقى فيها الوان فرحية برضه بس تحس انك حزين وتعجبك كمان ....... الحظ العاثر ان فيه كثير من الكلمات مكتوبة غلط وعلى رأي صدفة بنت بعضشي ( أنا محبش حد يعلمنــــى غلط ) وأنا عملت زي اخونا غازي وسألت يعني ايه بول رادا بول سنجام من فترة ولقيت رادا ده اسم البطل ويعني في اللغة الهندية جدة أو بلغة عماد حمدي نينا او بلغة الطيبين تيتا ياعم هو ده اسم حد يتسمى بيه قالي هو يعني تقدير واحترام ومكانة يعني مستخدم عادي والعبارة ان رادا لبول وبول لرادا ...... وعجبني الأاستاذ مختار حيدر لما قسم التون لأربعة وستين حتة نص ورب وثمن كأنه بيقسم رامات الكمبيوتر معلومة جديدة أما ناهي ناهي اللى في الأنية وسألوا عليها تعني لا لا عارف دلع البنات المرء ده يعني هي بتنفي كلامه بول رادا بول سانجام لأنها كانت بتحب البطل الأصلي للفيلم وده صديقه اللى دخل في الخط بالغلط وخلاه يغني الأغنية دي .
إضافة إن أغاني الفيلم ده حازت على الأغنية العالمية في هذا العام وباكتساح وبجدارة والأكثر من هذا أنها مازالت تطلب كثيرا على المواقع الأوربية...... استمتعت بصراحة بدعوتك الكريمة وده حيخليني أفكر جدياً في أغنية جميلة بحثت عنها من شهرين وجبتها بس المرة دي إيطالية وفازت بالأغنية العالمية على ما أظن 1973 أو1974...... ومن الأغاني اللى صرفت عليها فلوس بالعملة الصعبة عشان اسمعها في وقتها ..... يعني من ضمن اللغات اللى أعرفها الإيطالية استخداما فقط يعني اروح ايطاليا اعيش واكلم وامشي حالي ..... أه وعلى فكرة كان فيه كلمات ايطالي في وسط الجديث والمشاركات زي كومستاي بس اللغة الهندية فيها كثير من الكلمات الانجليزية التى نشأت عن الاحتلال الانجليزي بس ليهم نطق غريب فيه في بعض الاحرف ده غير انهم بيخطفوا الكلام لجوة زي الانجليزي الامريكاني تحس ان الواحد فيهم أخنف .
جمال الموضوع والدعوة الكريمة دي خففت من وطأة حرارة الجو مع اني لسة واصل من حرارة ورطوبة حاجة تغيظ وتخلي الواحد يقول يا مغيث تسلم على هذه الدعوة الجميلة والتي استمتعت بيها جداً جداً جداً

انتوا مخبيين الحاجات دي فين