اقتباس:
المشاركة الأصلية كتبت بواسطة safinaise
شكرا على هده المجهودات الأكثر من رائعة . ومن فضلكم أريد كلمات أغنية نسايا للطفي بوشناق وألف ألف شكر مسبقا
|
نسّاية
كلمات: آدم فتحي ........ تلحين: حمادي بن عثمان
.
نسّاية ...(1)
نحبك وانتِ نسّاية
من وقت الصغرة والقراية (2)
-----
نحبك أنا ...
من وقت اللي سكنتو حذانا
وشفت على خدك رمّانة
كِ تحكي تخليني حكايه
وكنّا صغار نخاف م الغول و الطهّار(3)
ونحشم من خزرة الكبار(4)
ونصطاد النجمة بغنايا ...
-------
نحبك برشا ...(5)
مِ اللي تخيلتك في الممشى
قمرة حفيانة تتمشى
خزرت نثبت شفتك جايه
وكنت تراني تعمل عليا بالعاني (6)
قنديل باب منارة الثاني (7)
ماتضوي كان على اللي حذايا (8)
-----
كل عشيّه ...
كنت نحبك تفطن بيا (9)
نخرجلك لابس شاشيه (10)
وبدعيّه و جبّة قمرايه (11)
وبقلاماتي نعمل روحي بشناباتي (12)
ونسرقلك حُمّير أخواتي (13)
و نمثل عرس وغنايا
-----
أيامات ...
وأنا عايش كالبايات
ف مكتوبي خمسة بيسات (14)
و نحسب روحي ثروة معايا
رحلة غريبة وما بين ظحكة ودمعه سكيبة
ريت ف شعري أوّل شيبه
فطنت بصغري صار ورايا (15)
-----
وهاني اليوم ...
نشوفك في اليقظة وفي النوم
ونظفرلك ذكرى مشموم (16)
نهديه لبنتي بحذايا
وعقلي سارح سؤال قديم و جارح
آش عملنا باحلام البارح
وآش نعمل بالأحلامنا الجاية
-----
(1) نسّاية : تتعمد عدم تذكر الماضي
(2) يقصد زمن الصغر والذهاب للمدرسة
(3) الطهّار: الذي يقوم بختان الأطفال الصغار
(4) خزرة الكبار: عندما يوجه الكبار نظرة للأطفال فيحتشمون
(5) نحبك برشا: يعني كثير جدا
(6) تعمل عليا بالعاني: ما يقابل تعمل بالعند بالمصري و( Faire exprès )بالفرنسي
(7) احد أباوب مدينة توتس العتيقة
(8) هناك مثل تونسي يقول... ك قنديل باب المنارة يضوي كان ع اللي لبرّة يعني أن قديل باب منارة يضئ خارج على الذي يوجد خارج السور فقط
(9) كنت أودّ ان تتفطني إلي
(10) القبعة التقليدية التونسية
(11) لباس تقليدي تونسي ...... قمراية: نوع من أنواع القماش الراقي تصنه منه الجبّة
(12) أي رسم بأقلامه شبه الشارب كما يفعل الاطفال للتشبه بالرجال
(13) حمّير: يعني أقلام الزينة للشفاه عند النساء ( Rouge à lèvres) ويقول هنا انه سياتيها بأقلام أخواته للتزين مثل النساء الكبار
(14) ف مكتوبي : في جيبي --- بيسات : كرات صغيرة من الزجاج يلعب بها الأطفال مؤخوذة من الكلمة الفرنسية (billes)
(15) يفهم وقتها ان ايام الصغر ولت بلا رجعة
(16) المشموم: زهرة تُصنع يدويا من أزهار الياسمين والفلّ التي تُثبت على إبر الصنوبر
.
شكرا على المساعدة لعطية لزهر و safinaise
.
.
رد: لطفي بوشناق
العرض الشجري