الحقيقه مش عارف أبدأ منين واللا أقول إيه!!
من زمان وأنا نفسى أسمع أغانى بلدى أسكندريه .. الأغانى الجميله اللى مكتوبه بأحاسيس القلب..
وبيرددها مش مطرب ولامطربه.. لأ.ز دى اللى بيرددها قلب كل من بينطق بحرف واحد منها..
أغانى اللى يسمعها يشعر معاها وجواها الصدق والأصاله المصريه الحقيقيه.. صدق المشاعر والأحاسيس..
أغانى كل حرف فيها بيحمل معاه الحان يطرب لها الوجدان وتميل معاها الأبدان..
كل فنان له لون وله مذهب ... ولكنك لما تسمع أى واحد تعرف إنك فى إسكندريه..
والله والله والله كل الأغانى والألحان بتشع معها ريحة إسكندريه وناسها الطيبين الحلوين.
انا نسيت نفسى واللا إيه ؟؟؟!!!
انا عايز فى الأصل أشكر الموقه والقائمين عليه بدون ذكر أسماء علشان خايف أنسى حد لأنى راجل عجوز ويمكن الزهايمر يعمل معايا دور نداله!!! يبقى مش حاذكر أسماء.. حاقول الدكاتره والمهندسين والفلاحين والعمال وكل واحد اسهم فى إحياء تراثنا السكندرى له منى كل الحب والتقدير..
وبالمناسبه انا عايز من فضلكم اللى عنده أغنية بلدى يابلدى ياسكنريه ..فيكى المحاسن والفن غيه,..يتكرم مشكورا بإرسالها لى على بريدى الإلكترونى الآتى:
[][/EMAIL]
أو :
كتابة الاميل ممنوعه فى المشاركات
وله منى عظيم الشكر.
رد: منوعات اسكندرانية
العرض الشجري