منوعات اسكندرانية

**hesham eid** · #1 12/03/2010, 20h21

تحيه خاصه للدكتور حسن أطال الله فى عمره ذكرنا بما انسته لنا الأيام ولى طلب كانت أذاعه الأسكندريه قديما تذيع مسلسل يوم الجمعه فى السهره وكانت لهذه المسلسلات مقدملت غنائيه رائعه فياريت يادكتور لو نجد لدى سياتكم شئ من هذه التحف فلتتفضل برفعها لنا ولسياتدتكم جزيل الشكر

هشام عيد

**د.حسن** · #2 12/03/2010, 23h48

اقتباس:

المشاركة الأصلية كتبت بواسطة hesham eid

تحيه خاصه للدكتور حسن أطال الله فى عمره ذكرنا بما انسته لنا الأيام ولى طلب كانت أذاعه الأسكندريه قديما تذيع مسلسل يوم الجمعه فى السهره وكانت لهذه المسلسلات مقدمات غنائيه رائعه فياريت يادكتور لو نجد لدى سياتكم شئ من هذه التحف فلتتفضل برفعها لنا ولسيادتكم جزيل الشكر

هشام عيد

أخى الغالى أ. هشام عيد
أهديكم هذه المقدمة لمسلسل
حكاية هريدى مع همام
غناء حفنى أحمد حسن
مع تحياتى

**oldisgold** · #3 03/06/2010, 21h25

أغنية "يا زايد فى الحلاوة" هى أغنية سكندرية من تلحين وغناء الفنان السكندرى "عزت عوض الله" وهو فنان قبطى صاحب صوت رخيم يُعد من المظاليم الذين أخلصوا فى كل شيء بما فى ذلك الفن ولكن لم يلق الشهرة التى تناسبه ولكنه ترك لنا العديد من الأغنيات الجميلة التى لم ولن ينساها كل من يسمعها.

#4 07/12/2010, 20h19

الاستاذ/جابر المراغى والله عاوز احييك واتمنى فعلا انى اتواصل معاك لانك بجد صاحب ذوق عالى فعلا وحقيقى شريط حسان شرارة ده تحفه رائعه ياريت تحاول تنزله لانى بجد بعشق حسان واحب اقولك نبذه بسيطه عنه هو من مواليد قريه تلا محافظه المنوفيه اشتغل بالزراعه فى طفولته وكان يغنى مع الصبيه اغانى الفلاحين اثناء العمل فى الغيط ثم ذهب الى طنطا وهو شاب ليعمل مع الفرق المتجوله مثل فرقه ابراهيم على حسن والريس ابودراع والشيخ سيد الطنطاوى وغيرهم صال وجال فى الموالد وافراح الارياف ثم انتقل للقاهرة عمل بها وقتا قصيرا ثم عاد لبلدته تلا منوفيه ليتزوج احدى قريباته وينجب منها ابنائه حسنى واحمد ومحمد وتوفى محمد فى سن الصبا ثم جاء حسان الى الاسكندريه فى بدايه الستينيات وعمل بالافراح مع وكلاء الفنانين الموجودين فى ذاك الوقت منهم خليل الفكهانى وباتعه السلامونى وسعيد الحضراوى وسنيه محمد ونور الرملى عياد الرشيدى وحمامه العطار وحسونه ومحمود عاشور وغيرهم ذاع صيته واصبح اساسيا فى الافراح مثل بدارة واولاد شمس وعزت عوض الله وابراهيم عبد الشفيع وتميز حسان بالموال حيث انه كان يجيد الارتجال وتاليف المواويل على المسرح وكان له اغانى تحمل الطابع الفكاهى زى
1_احنا اللى طلعنا الجمر الروسى مخى فلاحى مش مخ جاموسى
2_اتارينى بجول النور ده منين وانتم هنا نورتو الجاعده على الصفين يادى الهنا
الليله دى زارنا النبى لما انتو جيتونا ياللى احنا بنحبكم وانتم تحبونا
ياتولتميت كبشه سلامات يا ميت سبت فل عليكم
التشت انا حاملاه شربات اشرب ولو فاض ازجيكم
دى ليلتنا جميله بالصلاة ع الزين
اتارينى بجول النور ده منين وانتم هنا نورتو الجاعده على الصفين يادى الهنا
3_على ضى نور الجمر شفت الجميل فى الغيط
4_طول عمرك اصيل وشارينا من اصلك مفيش اتنين
5_السلام الوطنى لحسان شرارة
جار الشادوف اللى فى داير الناحيه شفت الحليوة ابوجلابيه لمونى
شغلنى نظرة من عيونه الساحرة روحت دارنا اجول لهم هنونى
جار الشادوف
الى جانب مواويله اللى لايمكن حد يعرف يقولها تانى ومنها
1_ياصاحبى بعتنى بالدين وهونت عليك
2_كان ليا صاحب
3_يا ابو البنات البكارة عجل وشوف لك سوق
ثم توقف عن اداء هذا الموال وقام بتعديله واصبح
يا ابو البنات البكارة ربنا يكرمك وتسترهم
5_انا عايزاتوب ياعين لكن النفس وزانى
اصل النجار الحر يفرق مابين خشب الصنت والزانى
وفرق شتان بين المستقيم والزانى
وغيرها وغيرها من الروائع وفى بدايه السبعينيات تزوج مرة اخرى من الفنانه سهام درويش بنت عم مصطفى درويش الموسيقى المعروف الله يرحمه وانجب منها جلال وكريم وظل يواصل عطائه الفنى وكانت اخر اغنياته
فلاح انا من كام سنه فى اسكندريه وعشقت ناس يا ناس ذوقهم اثر عليا
ثم اعتزل الفن فى عام 1990 واصبح مؤذن فى مسجد سيدى جابر بجوار مسكنه وكان صوته فى الاذان اجمل واروع من صوته الذى عشقناه وظل يرتاد المساجد ويؤذن بها الى ان لبى نداء ربه فى عام 1992 رحم الله هذا الرجل كان بحق متميز جدا نسال الله له الرحمه والمغفرة
والسلام عليكم ورحمه الله وبركاته