من غير ليه

[darshdaarsh]

والله أجمل حاجة في الموضوع ده أنه خلى الواحد يسمع و يستمتع مرة تانية بالأغنية العبقرية دي
ومع إحترامي لكل الأراء :
الراجل اللي أسمه عبد الوهاب ده لا جه ولا هيجي زيه تاني كملحن و كمطرب و كمجدد ومطور و أما الإدعاء بأن الأغنية دي أضعف أغنية لعبدالوهاب فأنا مش عارف أرد أقول إيه غير اللي قاله عمار الشريعي لما سألوه مرة إيه أحلى حاجة سمعتها في حياتك ؟ فرد و قال (كل ماقدمه الأستاذ عبد الوهاب )
وأظن إن رأي راجل بثقل عمار الشريعي لابد ان يؤخذ بالإعتبار .
وأظن برده أن هناك الكثير و الكثير من عبقريات الأستاذ عبد الوهاب في كتير من أعماله إحنا لم نكتشفه بعد لأن عندما تتناول تحليل موسيقى لعبد الوهاب فالمسألة بلا أدنى شك أخطر من تحليل المقامات وإنتقالاتها في الأغنية (أنا عازف هاوي للعود وكثيرا ما أتعرف على مقامات الأغاني و إنتقالاتها )
وأخيرا أريد شكر الأستاذ العظيم /عادل صموئيل على مشاركاته الرائعة وياريت لو يزيدنا من الحكايات عن الموسيقار الأول في العالم العربي الشرق الأستاذ عبد الوهاب