من غير ليه

**غازي الضبع** · #1 09/02/2009, 18h03

والله يا رايا .. ده أنا باشكرك على هذه الدعوة الجميلة
من غير ليه ؟
رائعة مرسي جميل عزيز
ورائعة الموسيقار الكبير الأستاذ عبد الوهاب
لها معي ذكريات جميلة
كل حرف فيها له ذكرى أجمل من الحرف الآخر ..
أربعة كوبليهات
أو أربعة مدارس
كل كوبليه حكاية منفصلة عن الأخرى ( في اللحن )
وكعادة الأستاذ عبد الوهاب
وهو رائد الأغنية الوصفية
لإنه يـُـفصل اللحن على الكلمة
جايين الدنيا ما نعرف ليــــــــه
ولا رايحين فين ولا عايزين ايــــه
تغنى باستفهام .. وكأن اللحن يعبر عن الحيرة
* مشاوير مشاويييير
انظروا اللحن هنا والذي يعبر عن طول المشاوير
مرسومه لخطاوينـــــــــا
نمشيها في غربة ليالينـــــــــــا
اللحن يعبر عن حسرة وألم

* يوم تفرحنا ( اللحن فيه فجأة وقصر وقت )
ويـــــــوم تجرحنــا ( فيه حسرة )
***
ياللي زماني رماني رماني في بحر عنيـك ونساني
وقالي : انسانـي
مزيج من الرومانسية والشجن
***
تهت وتاهت دنيتي منــي .. دنيتي مني
انظروا إلى اللحن التائه
بين افراحي .. وبين اشجانـي
وانظروا هنا الفرق بين كلمة أفراحي .. وكلمة أشجاني
كيف نطق أفراحي ، وكيف نطق أحزاني ..
إنه درس في التلحين
درس في كيفية ملائمة وتكييف وإلباس الكلمة باللحن .
***
الحقيقة الأغنية مليئة بالعديد والعديد من الجماليات سواء الكلماتية أو اللحنية ..
وأنا لا أريد أن أطيل عليكم ..
فإن تكلمت عن جمال وحلاوة جملة : حبيبي .. آه يا حبيبـي
كل مافيك يا حبيبي حبيـبي
فلن تكفيني هذه الصفحات ..
مرة ثانية وثالثة ومليون ..
ألف شكر لكي يا أخت رايا على هذه الدعوة الجميلة
لمطرب الملوك والأمراء الأستاذ محمد عبد الوهاب

**فؤاد** · #2 09/02/2009, 19h09

الرائعه
رايا
سمعت الأغنيه في سنه من السنوات الفائته
بصوت المطربه التونسيه أمينه فاخت
كدت أن أُجن
من حلاوة ورقة وعذوبه صوت المطربه أمينه فاخت
أختيار رائع
الأغنيه أهداها الموسيقار عبد الوهاب
الي المطرب هاني شاكر
الأربع وردات لكِ

**NAHID 76** · #3 09/02/2009, 20h00

بسم الله الرحمن الرحيم
اختى الغاليه رايا
اضم صوتى لصوتك فى حب هذه الرائعه كلمات وتلحين واداء وصوت بعد كل هذا العمر سعدت جدا بقراءه كلمات ألأغنيه وجعلتينى اسعد بها
اسعدك الله
تحياتى

**غواص النغم** · #4 09/02/2009, 20h11

من غير ليه
* جايين الدنيا ما نعرف ليـــــــــــــه
* ولا رايحين فين ولا عايزين ايــــه
تعرفوا
ان هذه الكلمات
اثارت ضجة؟

رغم ان هناك الكثير من غنّى الأغنية واعتبرها له!!
إلا انها بصوت عبدالوهاب
أجمل كثيرا ولم يتفوق احد بصوته الشاب عن صوت عبدالوهاب او لنقل دندنة عبدالوهاب
الوحيدة التي كان عبدالوهاب لا يفكر في غناء الحانه التي اعطاها لها
هي كروان الشرق فايزة احمد
وخاصة بعد ادائها لأغنيته هان الود
لنعد الي من غير ليه
اختيار موفق اخت رايا
وهذه الأغنية كنت صغيرا جدا لما سمعتها واعجبت بها
والجميع ليس لديه حديث وقتها الا اغنية عبدالوهاب
ذكريات جميلة
لكن ماهي ذكرياتك عن الأغنية؟ لماذا اخترتي هذه الاغنية للدعوة اليها؟

تحياتي

**رايا** · #5 09/02/2009, 20h53

اقتباس:

المشاركة الأصلية كتبت بواسطة غواص النغم

من غير ليه
* جايين الدنيا ما نعرف ليـــــــــــــه
* ولا رايحين فين ولا عايزين ايــــه
تعرفوا
ان هذه الكلمات
اثارت ضجة؟

رغم ان هناك الكثير من غنّى الأغنية واعتبرها له!!
إلا انها بصوت عبدالوهاب
أجمل كثيرا ولم يتفوق احد بصوته الشاب عن صوت عبدالوهاب او لنقل دندنة عبدالوهاب
الوحيدة التي كان عبدالوهاب لا يفكر في غناء الحانه التي اعطاها لها
هي كروان الشرق فايزة احمد
وخاصة بعد ادائها لأغنيته هان الود
لنعد الي من غير ليه
اختيار موفق اخت رايا
وهذه الأغنية كنت صغيرا جدا لما سمعتها واعجبت بها
والجميع ليس لديه حديث وقتها الا اغنية عبدالوهاب
ذكريات جميلة
لكن ماهي ذكرياتك عن الأغنية؟ لماذا اخترتي هذه الاغنية للدعوة اليها؟

تحياتي

اولا
يا استاذ منعم
انا عايزة اشكرك على صورة شادية
المنورة فى توقيعك
وكل سنة وهى طيبة

وعندك حق الاغنية اتهجمت
من علماء الدين علشان اول سطر فيها
والنظرة الفلسفية اللى فيه.وسبق وتهاجم قبل كده
فى اغنية لست ادرى
(جئت لااعلم من اين ولكنى اتيت)

اما ذكرياتى عن الاغنية فهى نفس ذكرياتك لانى كنت
انا كمان صغيرة جدا فتحفظت
(على طريقة التعليم فى الصغركالنقش فى الحجر)

**عادل صموئيل** · #6 10/02/2009, 00h32

الأخت العزيزة رايا
اشكرك على هذا الموضوع الجميل
وأغنية من غير ليه تثير عندى ذكريات وشجون وتاريخ
اولا لأننا مع عبد الحليم كنا قبل حفلة شم النسيم بأكث من خمس شهور بنتكلم عن الأغنية الجديدة وكانت من غير ليه ورحل عبد الحليم قبل أن يغنيها فالأغنية اتركنت شوية وبعد فترة قرر عبد الوهاب ان ينزلها بصوته ودعانى لكى ادونها له نوتة موسيقية وطبعا كنت انا كنت من أوائل من سمعوا هذا اللحن الجميل اصلاً وعملنا عليه بروفات الفرقة الماسية
وتم تسجيل اللحن وبعد فترة دعانى هانى شاكر وعزفته معاه وانا اشكرك جدا للموضوع اللى قدمتيه ده وعايز اقدم لك هدية انتظرى منى اعزف لحن من غير ليه واهديه لكى فى اقرب فرصة مع خالص تحياتى

**غازي الضبع** · #7 10/02/2009, 06h26

الأستاذ عادل صموئيل ..
ممكن حضرتك تتكرم علينا وتحكي لنا أكتر عن طقوس هذه الأغنية ..
والله أنا نفسي من زمان أجري حوار مع حضرتك حول علاقتك بالأستاذ عبد الوهاب
وإن شاء الله قريباً لازم أتشرف بلقاء حضرتك.

***

ونحن في انتظار عم محمد الآلاتي لتحليل هذه الأغنية الرائعة .

**حسن الحسن** · #8 21/02/2009, 09h15

بسم الله الرحمن الرحيم

هذه الاغنيه من اروع ماقدم الفنان الراحل محمد عبدالوهاب
استخدم فيها اكثر من مقام بتداخل متقن
بس احب اضيف انه عبدالوهاب كان بيلحن الاغنيه للفنان عبدالحليم حافظ
وعندي تسجيل بروفه بصوتيهما
سوف انزلها على الموقع قريبا ان شاءالله
وبعد وفاة العندليب قرر عبدالوهاب يغنيها بصوته
ولكم تحياتي

**عادل فؤاد رفاعى** · #9 01/08/2009, 23h38

طبعا انا مش هنسى اغنية من غير ليه لانها اول اغنية عرفتنى بعبد الوهاب وكان عندى 8 سنين لما سمعتها لاول مرة ومن يومها ادمنت عبد الوهاب لغاية دلوقتى

**darshdaarsh** · #10 02/08/2009, 21h36

اقتباس:

المشاركة الأصلية كتبت بواسطة حبيب عبد الوهاب

طبعا انا مش هنسى اغنية من غير ليه لانها اول اغنية عرفتنى بعبد الوهاب وكان عندى 8 سنين لما سمعتها لاول مرة ومن يومها ادمنت عبد الوهاب لغاية دلوقتى

الظاهر أن الأغنية دي لها مفعول السحر وأنا برده الأغنية دي مع أغنية هان الود وكل ده كان ليه خلوني أدمن عبد الوهاب وأدور على باقي أغانيه و أعماله الرائعة