المرحوم الناصر يغني لمحمد الصغير ...
لمتين نمغيب وانتاقي
لمتين نمغيب وانتاقـــــــــــــي *** وانتي طولتي في اتفاقــــــــــي
******************************
لمتين نتاقي و نمغيـــــــــــــب*** واش ايبشربي بالغايـــــــــــــب
في رحمة ربي نترقـــــــــــب***حتى ليجعل ربي نايـــــــــــــــب
نصبر ونتقي و نكــــــــــــذب*** سرك في جواجيا ذايــــــــــــب
والصبر مع الوحش يعـــــذب*** عاد الدمع العين سكايـــــــــــب
وضاقت من المشرق للمغرب*** عاد عقلي مجبود سباــــــــــيب
نتلاجا لا رفعني مضـــــــرب*** لا نفعني مشاكات حبايـــــــــب
من شورك تقطع المســــــرب*** لا مدي قداك ولا جايـــــــــــب
وما يشبع بالقوت ويشــــــرب***كان واحد ما شاف غرايــــــــب
وعمرا الحاوي لا يــــــــدرب*** لا يحل غلاقات زرايـــــــــــب
لا يقابل في الحرب ويغــــــب*** لا تشرق شمسا في ضبايـــــب
والي كيفي مناش يكبكــــــــب *** كيف يبدا في الدق ذبايــــــــب
يتكلم ساعا و يصـــــــــــــوب*** موتاني صغير ولا شايـــــــــب
وتباع الزينات معـــــــــــــذب *** واش يسمع من اللفض الخايب
واش يارا من حق مغـــــــرب*** واش يمشي في ضل سحايـــب
وانت يا روامق بومخلـــــــب *** يا قطاطي المحمودي الصايب
يا جبين القمرة الي تلـــــــهب*** يمنعها الصياد الهــــــــــــــارب
لمتين غزالك مـــــــــــــشرب*** شرادك ماهوشي غايــــــــــــب
الروح ترقا مني و تصـــــوب*** وانت مرتاحا وناي شــــــــاقي
******************************
لمتين نتاقي ونتلـــــــــــــــــف*** لمتين على عرضك خايـــــــف
وحالي دون الناس يسخـــــــف *** في مثيل المفطوم مرايـــــــف
في مثيل المخلول نوجـــــــــف *** من دون الصرعوفا تالــــــف
ناقلني حراق ينفنـــــــــــــــف*** فا اوسو والصيف الصايــــــف
وروحي عند النزع تلقــــــــف *** وانت قلبك لاهو رايـــــــــــف
لامتين عليا متجنـــــــــــــــــف *** لمتين حديثك متخالــــــــــــف
غلبتيني بغثيثك لغـــــــــــــذف *** قصة وروامق و سوالـــــــف
وليمن متلهوث عالاجنــــــــف *** وصفان اماليك تحايــــــــــــف
منقار وعرنين مسيـــــــــــــف *** وجنات و مضحك و شفايـــف
و منضومك عالصدر مرصف *** حصادا في القمح عرايـــــــف
جوفك عالافخاذ مسقـــــــــــف *** و حزامك مرخوف سفايــــف
ومركوبة تمنع و تــــــــــردف *** مختارا من خيل نحـــــــــايف
في زينك قداش نوصــــــــــف *** لا عندك في الجيل وصايـــف
لغمزني شفرك نتجفجـــــــــف *** يتخبل غزلي في لحايـــــــــف
ما فر العاشق ما يصــــــــرف *** لا يحكر حفضان حسايــــــف
لتحب خلاطي تـــــــــــتدردف *** يحرقها غرامي و طرايــــــف
نشهرها بإعلام يــــــــــرفرف *** نرميها بإذني و كلايـــــــــــف
نسبيها نخليها تلهــــــــــــــــف *** تتفكرني بخاطر هايــــــــــف
على جالك حنث من يحلـــــف *** نقطعها ساما على شايــــــــف
تبكي من وحشي تتيســـــــــف *** يوجعها بعدي و فراقـــــــــــي
******************************
لمتين تقاقي ونــــــــــــــــدرق *** حبك لا نفعني تدريــــــــــــــقا
سرك من جاشي لا يمـــــــرق *** لا هواني قلق التمريــــــــــــقا
سامورك في الجاش متــــــوق *** بين فترا في تتويـــــــــــــــــقا
تبعتك يا قد السنجـــــــــــــــق *** نلقاك على غير حقيــــــــــــقا
ونا نعاني في النفس الضيــــق *** وانت ما فرجنتي ضيـــــــــــقا
ونبكي بغرامك متحقــــــــــــق *** وانت في المجال وهيــــــــــقا
ولا دونك بوابة تغــــــــــــــلق *** لا عسة ونيران طليـــــــــــــقا
ولا زنقة في شارع ضيــــــق *** بلدية في احواش غليــــــــــــقا
ونعنا للميعاد بلغســـــــــــــــق *** و نعفس حرمك بسريـــــــــــقا
عربية نجعك مترشـــــــــــــق *** في الصحرا مشيد ترشيــــــــقا
في حمايد والغيم مــــــــــروق *** رامي على الرابع ترويــــــــقا
ومخلولك قاعد متقلـــــــــــــق *** عطشان الهوث في ريــــــــــقا
علزولك قلبي متمـــــــــــــزق *** وحشك لا نجمت انتيــــــــــــقا
واسمي عالاعراف معلــــــــق *** أديب الساحل وافريــــــــــــــقا
رد: فن الغنايا في أفراح الساحل التونسي
العرض الشجري