اعمال مروان شلبي

[مروان شلبي]

المشاركة الأصلية كتبت بواسطة عادل صموئيل

الأخ العزيز مروان شلبى
الله الله عليك المرة دى احلى شغل انا شخصيا سمعته منك واعتقد ان العمل اللى يعجبنى اوى اكيد عمل رائع
واختلاف رأيى عن رأى اى عضو آخر انى عملت مع عبد الوهاب والسنباطى وبليغ وكلهم 20 سنة شربت فيها فنهم وطريقة تفكيرهم وطريقة حتى اخراجهم للعمل يعنى انت بالنسبة اليك اهم شىء تلاحظه فى اعمالهم ان مفيش آلة مش فى مكانها يعنى عندنا فى الفرقة الماسية كان عندنا احسن عازفين فى الدنيا على الآلات الفردية يعنى القانون والناى والاكورديون والاورج والجيتار والامكانيات كلها متاحة انستعين بأى آلة زى الساكس او الابوا او حتى الهارب لو اراد الملحن لكن لو تلاحظ ان الملحن العملاق كانت الآلات دى موجودة معانا لكن مش بيستعملها كلها يعنى العملية تذوق مش استعمال الموجود وخلاص لذلك تلاحظ شىء خطير اى صولو ناى مثلا الجملة اتخلقت عشان تتعزف على الناى حتى صولو التشيللو تلاقى برضه الجملة مخلوقة شيللو وده يمثل نصف الإبداع الآلة المناسبة فى المكان المناسب بعدين فيه حاجة خطيرة جدا عبد الوهاب مثلا عارف مين الموزعين اللى كانوا متواجدين تحت امره 24 ساعة ؟ اندريا رايدرد وبعده عبد الحليم نويرة وعلى اسماعيل ( على سبيل الفرض كان فيه اكتر ) وتخيل عمالقة الموزعين دول راجع كل الحان عبد الوهاب تلاقى اولا 90% من الحانه مش موزعة وده لأن الجملة اصلا جميلة زى العسل والتوزيع ممكن يضرها وال 10 % الموزعة تلاحظ ان فى كل اللحن جملة واحدة فقط موزعة ولو تدقق فيها تلاقيها معمولة مخصوص عشان تتوزع يعنى بتكون جملة فيها نوت طويلة يبان فيها التوزيع لأنك لو وزعت على جملة سريعة او نوتهت قصيرة التوزيع حايبقى مش حلاوة ولكن خناقة يعنى تحصل تداخلات تضيع طعم ونكهة الجملة الأصلية واخطر شىء الجمهور العربى مش متعود على سماع التوزيع بعكس الجمهور الأوربى اللى بيسمع التوزيع من المهد وفاهم ايه اللى بيتحط على الجملة لأن من شروط ان الجمهور يتذوق التوزيع انه يكون مش مستمع عادى مش حايفهم حاجة ولكن المستمع الدارس او المتفهم حايفهم انتى عملت ايه يعنى الجملة ماشى معاها ايه ويقول ده موزع عبقرى , نيجى لأخطر واهم فى الموضوع اغانى زمان لازم تتقدم زى ماهى بالظبط انت عارف احنا كنا بنعمل على الاغانى الطويلة خمسين بروفة مش عشان نطلعها ولكن عشان يتم عليها آخر تعديل ممكن يعنى مش قابلة للتعديل اكتر من كده وإلا كنا عدلناها , يعنى لو عايز تعمل توزيع لازم يكون محدود جدا يعنى فى جملة واحدة بس مش كل اللحن لأنه مسموع بدون توزيع , انا بيعجبنى الاورج بتاعك السترينجز فيه حلو يعنى متجانس مع كمنجتك واهم شىء التجانس ده عشان لو الصوت مش متجانس تضيع نكهة الكمنجة الجميلة يعنى احب انك لما تعزف كمنجة ترد عليك سترينجز مش آلات غريبة والإياع عندك يجنن حلو جدا , ولو ندرس العمل اللى انت مقدمه هنا اى حد يقول انه رائع لأنك ماخرجتش عن جو محمد قنديل اللى له عشاق بيحبوه , الكلام اللى بقوله ده مهم جدا يعنى الأغانى القديمة دى تراث والتراس ده زى منطقة اثرية عندك مثلا مبنية بالحجر القديم والسائح بييجى من آخر الدنيا عشان يتفرج عبها وهو مذهول تخيل لو ييجى واحد يطورها ويغطى الحجر بالسيراميك الحديث ؟ طبعا هو كده طمس قيمة الأثر واضاع قيمته وماحدش من السواح حايفكر يزوره لأن سحره وروعته راحت , والتراث مش موسيقى وآثار فقط ولكن فى الأكل مثلا يعنى انا جيت سوريا كتير مع كل الفنانين الكبار , وبالذات آخر حفلة غناها عبد الحليم كانت فى مهرجان دمشق الدولى , عندكم اكلات سورية تراثية يعنى مثلا من 1000 سنة ودى الاجانب من ضمن رحلتهم انهم يتذوقوها عشان مفيش زيها فى العالم , وتفردها انها فى شكلها الأصلى تخيل لو ييجى واحد وعايز يطورها وحط عليها الحاجات الحديثة زى الكاتشب والمايونيز والهوت صوص ؟ اكيد تبقى كارثة لأنه هنا مسح القيمة الأصلية للأكلة وخلاها شىء اكيد ردىء ان لم يكن عادى مالوش تميز ,وكمان عجبنى الكورال الجميل يابختك بيهم , انا آسف للإطالة ولكن انتى عندك امكانيات حلوة انا شخصياص مش موجودة عندى يعنى انا بعزف اللحن كله بمفردى ولو تلاحظ ان شغفى بالذات الألحان الصعبة ماعرفش طريقتى تعجبك ولا لأ , اتمنى ان تستفيد من كلامى واشكرك على هذا العمل الرائع وانتظر جديدك وانا كخبير اسألك سؤال يهمك جدا فكر فيه : ياترى ايه الشىء اللى عجبنى المرة دى فى شغلك وخلانى اكتب لك كل الكلام الكتير ده ؟

استاذي العزيز عادل .
اشكر جدا كلماتك اللطيفة ورأيك عندي له قيمة خاصة , خاصة انه صادر عن استاذ عجنته التجارب . وهذا العمل ان كان قد نفذ بشكل معقول فلأنني حاولت جاهدا ان تكون الموسيقى المصاحبة للصوت االجميل للأخ العزيز محمود قريبة من ادائه الرائع وأرجو ان اكون قد وفقت في هذا .
اشكرك ثانية لردك المسهب . وكلامك مهما طال جميل ومفيد , ويعيشنا في الزمن الذي كانت الموسيقى تشكل فيه ركنا اساسيا في حياة الانسان .

[مروان شلبي]

المشاركة الأصلية كتبت بواسطة ahmed noor

الله الله الله الله يا استاذ مروان على الابداع والجمال والشغل الكامل المتكامل

فعلا انت فنان عبقرى وصاحب موهبه رائعه وشغلك على مر الايام بيمتعنا ويسعدنا

وفى بقه ملااااااااااااااحظه صغننه كبييييييييره

ابداعك فى اللحن شئ واختيارك للعبقرى اللى ينفذ غنوة الاستاذ محمد قنديل شئ تانى

يعنى لو شفنه كلنا هل الغنوه ده تليق على العمده

هنقــــــــــــــــول ايوه تليق وتليق وتليق

لونك يا عمنا طبعا انت عارف انى بكلمك انت يا حبيب قلبى

ربنا يديك الصحه وتمتعنا

والنبى ما تزعل منى

اخي احمد نور
اشكرك جدا على شعورك الطيب
وأنا معك بأن الشطارة هي في اختيار هذا الصوت الرائع لاداء هذه الأغنية الجميلة
وشكرا لك ثانية .

[ابو عبدو سفور]

يياعيني عليك ياأستاذ مروان= الله يعطيك العافيه على هذا العمل الجميل والعزف المتقن الجميل- فعائلته أل الشلبي عريقه بالفن عندنا في مدينه حمص وعلى رأسهم الحج ممدوح الشلبي رحمه الله تعالى=وأتمنى لك التوفيق من كل قلبي وإلى المزيد إن شاء الله

[مروان شلبي]

المشاركة الأصلية كتبت بواسطة ابو عبدو سفور

يياعيني عليك ياأستاذ مروان= الله يعطيك العافيه على هذا العمل الجميل والعزف المتقن الجميل- فعائلته أل الشلبي عريقه بالفن عندنا في مدينه حمص وعلى رأسهم الحج ممدوح الشلبي رحمه الله تعالى=وأتمنى لك التوفيق من كل قلبي وإلى المزيد إن شاء الله

الأخ ابو عبده
اشكر لطفك وذوقك , ولي اصدقاء كثر من مدينة حمص مدينة الوليد وجميعهم مثلك مشهورين بالتهذيب ودماثة الاخلاق والذوق الرفيع .
شكرا لك ويشرفني ان اكون من اقرباء آل الشلبي في حمص .

[مروان شلبي]

قصيدة ياضنين الأمس

هذه القصيدة الرائعه التي شدى بها كل من الفنانين كارم محمود ثم عبد الحليم حافظ , وكان لها الأثر الكبير في حبي للموسيقى .

وقد أحببت أن أعيد الذكريات الجميلة التي عشتها والتي صاحبت ظهور هذه القصيدة عبر إخراجها من ذاكرتي لأضعها في هذا الملف عزفا وتسجيلا وهذه المرة غناء أيضا .

اهديها إلى جميع الزملاء الأعزاء في هذا المنتدى الأصيل .

وشكرا .

تم تعديل الملف ليكون بدرجة نقاوة أعلى ..
وهو موجود فى المشاركة الأخيرة فى نفس الصفحة .

[محمودسعد]

بشرفني ان اكون الاول في زيارتي لموضوعك القيم
الفنان فنان
وانت فنان بكل ماتحويه الكلمه من معني
وصوتك غناها حلو
بس عاوز اسألك لو تسمحلي
هو فيه حاجه لو حد من الزملاء في سماعي يغني الاغنيه
اهو ذياده الخير خيرين
جازاك الله كل خير
وانا مش بقصد اني انا اللي اغنيها ؟ لان فيه من هم احسن مني عشر مرات في سماعي
وارجو ان تتفضل برفع موسيقي الاغنيه
خلي الناس تغني علي حسك
يامروان ياراجل يافنان ياكريم

[ahmed noor]

جميل يا استاذ مروان وواضح ان حضرتك دايما جاهز

لكن المشكله هى جودة الساوند

يبدو ان ضغط مساحة الغنوه فوق العاده

ولكن هذا لا يقلل من قيمة العمل

تمنياتى لك بالمزيد والتوفيق

[محمودسعد]

[

لكن المشكله هى جودة الساوند

يبدو ان ضغط مساحة الغنوه فوق العاده

ولكن هذا لا يقلل من قيمة العمل

تمنياتى لك بالمزيد والتوفيق[/QUOTE]

ممكن تكون المشكله عندك انت ؟؟

[الألآتى]

جميلة ياأستاذ مروان .. وأجمل مافيها .. هذا التنفيذ الراقى .. والكورال العائلى البديع ..

نعم .. إن هذا التنفيذ البسيط .. دون زحام أو مصاحبات كثيرة .. هو مايميز أعمالك ..

وهذه بالتأكيد ميزة وليس عيباً إطلاقاً .. فنحن نفتقد لهذا التخت ( قانون , عود , كمان , رق ) ..

وخاصة لكون بعض هذه الألات حقيقية .. وهذه ميزة أخرى ..

نأتى الأن لصوتك .. لقد إستمعت لصوت مطرب .. يعرف كيف يؤدى ..

من الممكن أن تهتم أكثر بهذ الصوت وتصقله .. وسنحصل نحن على مطرب جميل .

[مروان شلبي]

المشاركة الأصلية كتبت بواسطة محمودسعد

بشرفني ان اكون الاول في زيارتي لموضوعك القيم

الفنان فنان
وانت فنان بكل ماتحويه الكلمه من معني
وصوتك غناها حلو
بس عاوز اسألك لو تسمحلي
هو فيه حاجه لو حد من الزملاء في سماعي يغني الاغنيه
اهو ذياده الخير خيرين
جازاك الله كل خير
وانا مش بقصد اني انا اللي اغنيها ؟ لان فيه من هم احسن مني عشر مرات في سماعي
وارجو ان تتفضل برفع موسيقي الاغنيه
خلي الناس تغني علي حسك

يامروان ياراجل يافنان ياكريم

اخي العزيز محمود .

كعادتك السباق في كل شيء . ويشرفني انك أول من علق على هذا العمل , فرأيك له وقع خاص في نفسي .

آخي كنت أتمنى بأن نفصل قليلا بالعمل , فهناك الموسيقى ثم التسجيل ثم الغناء .

وأنا أحب أن أتحدث قليلا عن الغناء , وهو العنصر الطارئ على هذا العمل . وسوف اشرح بعض العناصر الغير جديده عليكم فانتم اساتذه وذلك كي اصل الى نقطة معينة .

فالغناء هو عزف على الحنجرة وله ثلاث عناصر ,

الأول هو خامة الصوت هذا مقابل صوت الآلة مثل الكمان او الناي او العود الى ماهنالك من آلات

الثاني : هو نظافة العزف على أوتار الحنجرة هل تخرج الأصوات سليمة وكذلك المقامات أم أن هناك نشازا .

الثالث : هو التعبير , هل استطاع المطرب أو العازف على أوتار الحنجرة أن يقرب معنى اللحن بإحساسه مما يقصد الملحن !

أخي من دراسة هذه العناصر نستطيع إن نحكم على المؤدي . واهم العناصر هي الثاني والثالث . لأنه تجد الكثير من الآلات الموسيقية والحناجر الجميلة جدا ولكن لا تجد من يعزف عليها . والتكامل وهو نادر الحدوث وذلك باجتماع العناصر الثلاث وعندها يخلق المطرب .

أخي أسف لأني تفلسفت قليلا وأنا اعلم بأنك أنت وغالبية الزملاء أعضاء هذا المنتدى لديهم هذه المعلومات ولكن أقولها للتذكير فقط .

والآن اطلب منك كمطرب اعتز برأيه ان

تستمع إلى الغناء في هذه القصيدة وتخبرني إن كان هنالك بعض العلامات لصالحي في العنصرين الثاني والثالث وشكرا .

أما عن رفع الملف بدون غناء ليستفيد منه بقية الأخوة فتكرم عينك وسيتم ذلك إنشاء الله قريبا ,

وأنت تعلم تماما أن تنفيذ هذه الأعمال بشخص واحد ( عدا عن ابنتي) في الكورال( وابني عزف صولو الكمان ).عمل متعب جدا , وأنا أريد أن أأخذ أجرتي بأن أبقى محتلا تراك الغناء بشكل منفرد لمدة أسبوع قبل الرحيل وترك المجال للزملاء الأحباء .

لك حبي وتقديري