لقاء خاص مع الفنانة المطربة بديعة صادق

**ريما** · #1 02/04/2009, 05h52

رجعتلكو تانى واعذرونى على التاخير وبردو استحملو رغى انهارده

عزيزتى مدام بديعه احمد على : احنا اللى بنشكر حضرتك على حسن

استضافتك لينا وترحيبك الحميمى ولو تسمحى اخد الاذن من حضرتك

اقول ذكريات هذا اليوم ورجاء توصيل سلامى ومحبتى لماما بديعة صادق

المشرف الهمام اسلام باشا ميرسى لرايك ومجملاتك دا من زوقك بس انا فعلا

دورى المرادى كان محدود كنت مستمعه زيكو الا من بعد تعليقات بسيطه

فى الخباثه كدا غير مسموعه وصاحبه اكبر دور الصراحة كانت

المذيعة الواعدة الصاعدة بسرعه الصاروخ مدام بديعه احمد على

دكتور انس وصلنى شعور حضرتك واحساسك الرقيق وربنا يعزك دا حضرتك

اللى على راسنا كلنا

زميل البدايات ومؤسسى البرنامج الحج ينكورن حاسه بفرحتك لنجاح البرنامج

واللى كان بيميلى الاسئله كانت مدام بديعه

عاشق عبد الوهاب غازى ربنا يخليك وميرسى لمجاملتا الجميلة ربنا يديم المعروف

ويدى كل واحد على قد نيته ويجعل اليابسه خضراء على ايدك قول ان شاء الله

استاذ عادل ميرسى لدخولك ومجاملتك وميرسى بردو على نقل الموضوع للاذعيات

عزيزى مختار لا تتخيل فرحتى بدخولك وبرقة كلامك بجد كلامك وسام لكل فريق البرنامج

وليا بالاخص ربنا يا رب يديك على قد حب الناس كلها ليك ويباركلك فى صحتك امين 00

استاذ عادل ميرسى لدخولك وميرسى لزوقك ومجملاتك وميرسى تانى لدخولك وردك

حبيبتى مدام هامو اقول لحضرتك على سر بحس وانا بقرا اى كلمة لحضرتك بالذات

فى ضيف اون لاين بسعادة كبيرة جدا وبحس ان راسى تلامس عنان السماء طبعا من الغرور

ان مدام هامو بنفسها عجبها البرنامج مدام هامو بجد بجد وحياة ممتى بموت فى حضرتك

بالنسبة باه للاذاعه المصريه والبرنامج العام على حسب علمى انهم حاولوا يسجلوا مع الفنانه العظيمة

ماما بديعة لكنها رفضت اكتر من مرة وطبعا حصولنا على الموافقه للمقابله كان بمثابة مفاجاءة

بكدا خلصت ردود واسمحولى باه احكى ذكريات اليوم فى رد تانى

**ريما** · #2 02/04/2009, 06h32

ذكرياتى ليوم تسجيل حلقة الفنانه الجميلة ماما بديعة صادق

فى الاول كان صعب اننا ناخد معاد وفضل محمد افندى السلامونى وانا

فى اتصالات مع مدام بديعة محمد على .على تحديد معاد واتفقت مع السلامونى

اننا هنتقابل ونروح نسجل سواء وبالفعل اتقابلنا ورحنا وكانت لسة الفنانه العظيمة

صاحية من النوم وبتفطر طبعا اول ما دخلنا استقبلتنا مدام بديعة استقبال رائع

وحميمى اكننا نعرف بعض من سنين وكذلك ماما بديعه برقتها وجمالها

وانتظرنا لما الفنانه الجميلة خلصت فطار وابتدنا نتكلم عن المنتدى

وعن حب اعضاء المنتدى للفنان 00اه صحيح نسيت اقولكم اننا

كنا رايحين ومجهزين الاسئله على اننا هنعمل اللقاء مع مدام بديعة

لرفض الفنانه ماما بديعه للتسجيل معانا او مع غيرنا وكانت بالفعل

الاسئله مجهزه لمدام بديعة المهم قام محمد افندى السلامونى داخل حجرة الكمبيوتر

لتظبيط الام بى فور مع مدام بديعة وانتظرت انا مع ماما بديعة نتكلم وندردش

ونتفرج على التليفزيون ومتتخيلوش قد ايه كنت مبسوطه ومنبهره بالكلام معاها

واكننا نعرف بعض من سنين وبتعليقاتها الساخره والظريفه على كل اغنية او فنان

المهم اندمجنا جدا مع بعض وفعلا كان نفسى اسجل هذه الدردشة لجمالها

المهم فى ذلك الوقت وفقت الفنانة الجميلة على التسجيل معانا وخرج محمد افندى ومدام بديعة

بعد تجهيز الام بى فور وجلسوا خلاص استعداد للتسجيل وابدات مدام بديعة تسال ممتها

وانا والسلامونى التزمنا الصمت نهائى الا من بعض تعليقات فى الوسط

اقولكم على حاجه سر انا شخصيا كنت ملتزمه الصمت لسببين اول سبب مزبهلة ومبهور

بكلام ماما بديعة وتلقائيتها وبساتطها فى الكلام وخفة دمها تانى سبب كنت مشدوده جدا

بطريقة مدام بديعة وكنت بقول لنفسى كدا انا انسحب فى صمت واخلى مدام بديعة

المذيعه بعد كدا بدالى بجد طريقة القاها للسؤال ونطقه ومحاورتها للممتها بهرتنى

حسيت انى بطيخ فى كل الحلقات اللى عملتها

اقولكم على حاجه تانى عجبتنى اوى غير حميميه اليوم العلاقه الجميلة اللى

بتجمع مدام بديعة بممتها وكلام ماما بديعة على ابنتها مدام بديعة وارتبطهم ببعض

حاجه اعتقد معظم البيوت فقدتها اليومين دول

المهم فضلنا نسجل حوالى ساعتين بكل استمتاع واعتقد لولا انى كنت مستعجله

لاننا كنا دخلنا على بالليل كنا كملنا كمان حوالى خمس ساعات بدون ملل ولا تعب

من الاخر يا جماعه انا لحد دلوقتى مش مصدقه روعة اليوم ولا جماله ولا مصدقه اننا اصلا

سجلناه بجد يا ريتكو كنتو معانا

فى الاخر تسمحولى اوجهه شكرى ومحبتى لماما بديعة على حسن ضيفتنا ولقائها الممتع الراقى جدا

وشكرى ومحبتى لمدام بديعة الابنة على ضيفتها ورقتها واتاحتها الفرصه لينا للتسجيل

وبتمنى ان الوقت يسمح لينا بمقابله تانية حتى من غير تسجيل لكن ممكن علشان اخد كورس

تقديم ومحاوره من مدام بديعة

فى الاخر يا جماعه بجد بحبكو كلكم كلكم وبتمنى نكون بنقدم حاجه جديده ومميزه وراقيه

ونكون خفاف على قلبكو كلكم

اعذرونى انى رغيت كتير لكن الصراحة دا كان اختصار اليوم كمان مش التفاصيل

وانتظرونا فى الجزء التانى قريبا

**عادل صموئيل** · #3 04/04/2009, 02h49

اقتباس:

المشاركة الأصلية كتبت بواسطة ريما

ذكرياتى ليوم تسجيل حلقة الفنانه الجميلة ماما بديعة صادق

فى الاول كان صعب اننا ناخد معاد وفضل محمد افندى السلامونى وانا

فى اتصالات مع مدام بديعة محمد على .على تحديد معاد واتفقت مع السلامونى

اننا هنتقابل ونروح نسجل سواء وبالفعل اتقابلنا ورحنا وكانت لسة الفنانه العظيمة

صاحية من النوم وبتفطر طبعا اول ما دخلنا استقبلتنا مدام بديعة استقبال رائع

وحميمى اكننا نعرف بعض من سنين وكذلك ماما بديعه برقتها وجمالها

وانتظرنا لما الفنانه الجميلة خلصت فطار وابتدنا نتكلم عن المنتدى

وعن حب اعضاء المنتدى للفنان 00اه صحيح نسيت اقولكم اننا

كنا رايحين ومجهزين الاسئله على اننا هنعمل اللقاء مع مدام بديعة

لرفض الفنانه ماما بديعه للتسجيل معانا او مع غيرنا وكانت بالفعل

الاسئله مجهزه لمدام بديعة المهم قام محمد افندى السلامونى داخل حجرة الكمبيوتر

لتظبيط الام بى فور مع مدام بديعة وانتظرت انا مع ماما بديعة نتكلم وندردش

ونتفرج على التليفزيون ومتتخيلوش قد ايه كنت مبسوطه ومنبهره بالكلام معاها

واكننا نعرف بعض من سنين وبتعليقاتها الساخره والظريفه على كل اغنية او فنان

المهم اندمجنا جدا مع بعض وفعلا كان نفسى اسجل هذه الدردشة لجمالها

المهم فى ذلك الوقت وفقت الفنانة الجميلة على التسجيل معانا وخرج محمد افندى ومدام بديعة

بعد تجهيز الام بى فور وجلسوا خلاص استعداد للتسجيل وابدات مدام بديعة تسال ممتها

وانا والسلامونى التزمنا الصمت نهائى الا من بعض تعليقات فى الوسط

اقولكم على حاجه سر انا شخصيا كنت ملتزمه الصمت لسببين اول سبب مزبهلة ومبهور

بكلام ماما بديعة وتلقائيتها وبساتطها فى الكلام وخفة دمها تانى سبب كنت مشدوده جدا

بطريقة مدام بديعة وكنت بقول لنفسى كدا انا انسحب فى صمت واخلى مدام بديعة

المذيعه بعد كدا بدالى بجد طريقة القاها للسؤال ونطقه ومحاورتها للممتها بهرتنى

حسيت انى بطيخ فى كل الحلقات اللى عملتها

اقولكم على حاجه تانى عجبتنى اوى غير حميميه اليوم العلاقه الجميلة اللى

بتجمع مدام بديعة بممتها وكلام ماما بديعة على ابنتها مدام بديعة وارتبطهم ببعض

حاجه اعتقد معظم البيوت فقدتها اليومين دول

المهم فضلنا نسجل حوالى ساعتين بكل استمتاع واعتقد لولا انى كنت مستعجله

لاننا كنا دخلنا على بالليل كنا كملنا كمان حوالى خمس ساعات بدون ملل ولا تعب

من الاخر يا جماعه انا لحد دلوقتى مش مصدقه روعة اليوم ولا جماله ولا مصدقه اننا اصلا

سجلناه بجد يا ريتكو كنتو معانا

فى الاخر تسمحولى اوجهه شكرى ومحبتى لماما بديعة على حسن ضيفتنا ولقائها الممتع الراقى جدا

وشكرى ومحبتى لمدام بديعة الابنة على ضيفتها ورقتها واتاحتها الفرصه لينا للتسجيل

وبتمنى ان الوقت يسمح لينا بمقابله تانية حتى من غير تسجيل لكن ممكن علشان اخد كورس

تقديم ومحاوره من مدام بديعة

فى الاخر يا جماعه بجد بحبكو كلكم كلكم وبتمنى نكون بنقدم حاجه جديده ومميزه وراقيه

ونكون خفاف على قلبكو كلكم

اعذرونى انى رغيت كتير لكن الصراحة دا كان اختصار اليوم كمان مش التفاصيل

وانتظرونا فى الجزء التانى قريبا

الأخت العزيزة ريما
اولا مش ممكن تقدرى مدى سعادتى وانا اقرا كلماتك الجميلة دى واللى لا تقل حلاوة عن الحلقة نفسها لانك اكيد بتحسى شعور الأخوة الأعضاء فى منتدى سماعى من ناحية سيرة الفنانين الكبار اللى سمعوهم وبيحبوهم , وكله كوم لما تتكلمى عند حد يكون لسه عايش وربنا يطول فى عمرع , وده شعور جميل وخرافى بيخلى القارىء يحس ان الفن الجميل لسه موجود , وبالعكس لما قلتى ف آخر كلمتك انك رغيتى كتير بالعكس وانا بقرا كلامك ( واكيد ده شعور الكل ) اتمنيت تتكلمى لحد بكرا لأن اللى بتحكيه لايقل روعة عن روعة الحلقة نفسها لأن الجمهور بتاعنا كلة حب الست بديعة وحب كلامها الجميل ونفسه يسمع عنها تفاصيل اكتر يعنى كانوا يتمنوا حتى تقوليلهم كانت بتفطر ايه والتعليقات اللى انتى اتكلمتى علليها لما كانت بتتفرج على التليفزيون الكل وانا منهم اكيد كان نفسهم يسمعوا قالت إيه وبالذات على بعض العاهات اللى بيبتليها بينا التليفزيون لما تشوفها واحدة فنانة شافت خير الزمن الجميل كله ونفسى اتكلم على اسلوبك كمذيعة وانا انسان معروف ان فيه حاجات مش ممكن اجامل فيها الفن والطبيخ , ايه الفرق بينك وبين اى مذيعة فى الراديو ؟ ان اسلوبها فى التقديم واحد يعنى مهما كانت حلاوة حلقتها بتبقى من حلاوة الضيف نفسه يعنى حتى لو كانت مذيعة ماحصلتش لكن الطريقة اللى بتقدم بيها واحدة لأنها بتقدم حلقة كل اسبوع يعنى بعد 70 حلقة بتبقى حاجة روتينية اما انتى بجد فيكى ميزة ان كل مرة بسمعك بستايل مختلف يعنى لو فى حلقة اتكلمتى كتير دمك الخفيف بيخلى للحلقة طعم ولو فى حلقة اتكلمتى قليل المستمع بيوحشه صوتك بأختصار انتى وجودك بأى درجة بيدى شىء محبب فى الحلقة يعنى مثلاً كان زمان فيه مذيع فى التليفزيون كانت الحلقة نص ساعة كان بيستضيف ضيف المفروض انه حاجة كبيرة كانت الحلقة 30 دقيقية كان اخونا المذيع ده بيتكلم 92 دقيقة يعنى يسأل السؤال ويقعد يتكلم عشر دقائق وسألت نفسى كذا مرة طيب هو جايب الضيف ليه ماكان يتكلم لوحده وخلاص , يعنى انا اولا كمستمع وثانيا كضيف فى البرنامج عمرى ما سمعتك بتقولى سؤال مش جذاب جدا اولاً للضيف يعنى بيطلع كل الكلام الحلو من جواه وثانياً للمستمع انه بيعمل عنده تشوق لمعرفة المزيد عن الضيف , يعنى مرة مذيعة زمان من ييجى 40 سنة فى التليفزيون استضافت شخصية غريبة جدا هى عشماوى الأصلى اللى بيشنق الناس , ده كان شخصية تاريخية يعنى لو انا المذيع ازاى استغل الشخصية الغريبة دى كان مثلا اسأله مين اشهر المجرمين اللى شنقتهم او اعتى المجرمين المشاهير واللى كانوا بيبثوا الرعب فى الناس بين ايديك كان بيحس بإيه تخيلى انها طول الحلقة نص ساعة بتدور حول سؤال واحد انت بتقبض كام فى الشهر ؟ والراجل كان صول غلبان يعنى ايامها كان بيقبض مثلا 12 جنيه بالكتير ومكسوف يقول وكل ما يهرب من السؤال ترجع تسأله تانى طيب انا مالى بيقبض كام ؟ , المهم احنا طبعاً مشتاقين لحلقة الست بديعة القادمة ولأسلوب التقديم الحلو اللى كل حلقة بيقى مختلف ومتميز وللعلم احلى شىء فى المذيع التلقائية
مع اطيب تحياتى وانتهز الفرصة واقدم كل الشكر للأحباء اللى جابوا سيرتى المتواضعة فى ردودهم على حلقة الست بديعة واختص بالشكر الأخت العزيزة مدام هامو