موسيقى الشعر - دروس في علم العَروض

[unicorn]

المشاركة الأصلية كتبت بواسطة سمعجى

دكتورنا الحبيب محمود

قصيدة ابن الخضري ،، و بعضٌ من غرائب اللغة ،، أحتفظُ بها في ملفاتٍ لدَىّ


،، من باب ( غرائب الإبل ) كِدا

سيِّدنا , يا سيِّدنا
امانة عليك بعد ما تفيدنا فى سؤال التقاء الساكنين بتاع أستاذى الدَكتور محمود , لا تحبِّشلنا شرحك السكّر دة بشئ من غرائب اللغة و عجائبها ما دمت محتفظ بمجموعة منها ,
و ان شالله فى موضوع مستقل ,
خللينا نتعلم و خللى الناس تتفرج على اللغة كانت فيييييين و بقت فين ,
دى حالها بقى عدم دلوقت يا سيِّدنا , و أكم من أفندية متعلمين و متنورين و معاهم بدال الأسانس أسانسين ,
و عدم المؤاخذة برضه بلاليص فى العربى ,
و دة بسبب التآمر على التعليم فى بلدنا اللى جابه الأرض ,
ربنا يلطف بينا و يكفينا شر الحرامية ولاد الحرام

[سمعجى]

المشاركة الأصلية كتبت بواسطة محمود

أول كلامي سلام ..

مجرد سؤال بريء يا سيدنا .. من بين هذه الأشكال المختلفة من المقاطع الصوتية لا يوجد ما يسمح بالتقاء ساكنين .. يا ترى ما هو السبب في ذلك؟ وماذا يصنع الشاعر عندما يتحتم تتابع ساكنين في القصيدة؟ مثل .. مثلا يعني .. إيه - ليه ومثل أيضا .. طول عمري باخاف .. ومثل مين عذبك بتخلص مني أو ليه يا بنفسج .. أو شوف بقينا فين يا قلبي ... والأمثلة كثيرة.

عموما .. لو السؤال صعب فأنا ماليش دعوة ، الواد الفريكيكو هو اللي وَزِّني اسأل السؤال ده.

تحياتي

محمود

دكتورنا العزيز ،،


هناك ما يسمى بالزحافات و العلل ، و هي تغييرات تدخل على التفعيلات ،
و منها ما يسمى بعِلة :
التذييل ، و فيها تتحول التفعيلة من مستفعلن ، إلى مستفعلان
و التسبيغ ، و فيها تتحول فاعلاتن ، إلى فاعلاتان
و القصر : مفاعيلن ، مفاعيلْ
و الوقف : مفعولاتُ ، مفعولاتْ
و جميعها ، يلتقي فيها ساكنان ( في آخر التفعيلة )
و هي مرحلة لم نبلغها في الدرس ِ بعد



بالنسبة لأمثلتك ، و هي عاميـّة ،، فالوزن في العامية ،
يختلف التعامل معه عن الفصحى ، عندما نتعرض لحروف المَد ، ببساطة :

تقول : شوف بقينا فين يا قلبي ،،
و تنطق شـُف بَئِينا فِن يا ألبي = فاعلاتن فاعلاتن ( بحر الرَّمَل )

طيب إفرض نطقها ( شوووف خدتنا لفيييين يا ألبي ) ،،
هنا نعتبر التقاء الساكنين ، بمثابة ساكن واحد ، و في مَثـَلنا هذا أيضاً = فاعلاتن فاعلاتن ( بحر الرَّمَل )
بس إيه رأيَك في ( أَلبي ) ؟! يا ساكن جوة أَلبي


ستلاحظ أننا اعتبرنا أن الساكن الأول ، هو حرف المَدّ ، حسب قواعد النطق العَروضية ،،
و الذي كان لازماً الإشارة إليه باعتباره ( ساكن )

لكنه في واقع ( النطق ) ليس بساكن ،،
فمثلاً في ( محمود ) ، فإن حرف الميم الذي يسبق الواو الممدودة ، يُنطق في مسافتين زمنيتين ،،

ـ
ـ يلتقي ساكنان ( نطقاً و رسماً ) ، عندما يُسبق الحرف الصحيح ، بحرف لين ، مثل :
طيْرْ ،، سَيْر ،، غيْرْ ،، حَوْلْ ،، مَيْل ،، أيْكْ ،،
حَمْلْ ،، ثأرْ ،، بدْرْ دَرْبْ ،، هَجْرْ
( مع ملاحظة عدم جواز تسكين الحرف الأخير ، إلا في القافية )

ـ لا يوجد لفظ يبدأ بساكن ،،
بل لا يوجد أى شيء في الدنيا يبدأ بساكن ( شفت الحِكمة ! )

إوعىَ تقوللي ال ( Big bang )

[سمعجى]

المشاركة الأصلية كتبت بواسطة محمود

أول كلامي سلام ..

يا سلام يا سيدنا .. العالم دي كانت مثقفة جداً. لما ابن الخضري على ايامهم كان يعرف يكتب الكلام الـمـِسـَـتــِّـف ده !! أُمـَّـال ابن وكيل الوزارة كان بيكتب إيه ؟!!!!!!!

تحياتي

محمود

على رأيك ،،

إعتقادي أن ابن الخضري ( بحكم المهنة ) ، كان بَـيْتـُه لا يخلو من الكرفس و المقدونس و الفجل و الكرات و الجرجير ،،
فكان يأكل حزمة جرجير ( وِرْوِرْ ) على الريق ،،
و حضرتك عارف إن الجرجير بالذات ،

بينوَّر المخ

[سمعجى]

المشاركة الأصلية كتبت بواسطة unicorn

سيِّدنا , يا سيِّدنا

امانة عليك بعد ما تفيدنا فى سؤال التقاء الساكنين بتاع أستاذى الدَكتور محمود , لا تحبِّشلنا شرحك السكّر دة بشئ من غرائب اللغة و عجائبها ما دمت محتفظ بمجموعة منها ,
و ان شالله فى موضوع مستقل ,
خللينا نتعلم و خللى الناس تتفرج على اللغة كانت فيييييين و بقت فين ,
دى حالها بقى عدم دلوقت يا سيِّدنا , و أكم من أفندية متعلمين و متنورين و معاهم بدال الأسانس أسانسين ,
و عدم المؤاخذة برضه بلاليص فى العربى ,
و دة بسبب التآمر على التعليم فى بلدنا اللى جابه الأرض ,
ربنا يلطف بينا و يكفينا شر الحرامية ولاد الحرام

و غلاوتك يا بو مندور ،،

هناك عشرات الموضوعات ، جديرة بالتأمل و التمحيص
و التفحيص و التفعيص ،،
لكن أعمل إيه في حَيِّز الفراغ المحدود ل ( كوب ) الوقت ، الذي لن يمتليءَ بالبحر !
حلوة دي !

محسوبك ( مثلك ) مسروق في دنيا ( السَّبوبة و أكل العيش ) ،، نـُص يوم بحالـُه ضايع في العَمَل ،، و عليهم 6 ساعات نوم ، و ساعتين تلاتة في مطحنة البيت ( الأكل و الشرب و الأولاد و المذاكرة و السَىّ و البَىّ ( عارِف السَىّ و البَىّ )

دا غير التفاصيل الأخرى ، التي لا تخفى على ذي لـُبٍ مثلك ،،

لكن بإذن المَولى عَزّ و جَلّ ، سأتطرقُ إلى تلك الغرائب ،،

المشكلة ،
أن اليوم على كوكب الأرض 24 ساعة فقط لا غير ، بينما على كوكب عطارد ، يعادل 243 يوم من أيامنا ،،

يا ريتني طلعت ( عطاردي ) ،، مع إن الجو هناك حَرّ شوية

نهارنا نادي

[mohamed elakkad]

حضرات السيدات و الساده الكرام
واضح انى جئت متآخر بعد ان انتهى الدرس. هل هناك بقيه ام ان انها الاجازه السنويه؟
افيدونا افادكم الله
محمد العقاد - وافد جديد

[سمعجى]

المشاركة الأصلية كتبت بواسطة mohamed elakkad

حضرات السيدات و الساده الكرام
واضح انى جئت متآخر بعد ان انتهى الدرس. هل هناك بقيه ام ان انها الاجازه السنويه؟
افيدونا افادكم الله
محمد العقاد - وافد جديد

الأستاذ محمد العقاد

مرحباً بك في سماعي أيها الوافد الجديد

الدروس لم تنتهي بعد ،،
كل الحكاية إن التلامذة مشغولين ، أو طفشانين ،،
و كذلك الأستاذ ،،
أو عم الشيخ سمعجي

و بمجرد إلتئام الشمل ،،
سيتم إكمال دروس موسيقى الشِعر ،،

و آدي درس " تصبيرة " ، حتى تفتح المدرسة أبوابها :

[سمعجى]

البحور و تفعيلاتها

أولاً : البحور البسيطة
" أىّ التي تتشابه تفعيلاتها " :

الكامل :
متفاعلن متفاعلن متفاعلن

الهزج :
مفاعيلن مفاعيلُ

الرَّجَز :
مُستفعلن مستفعلن مستفعلن

الرَّمَل :
فاعلاتن فاعلاتن فاعلاتن

الوافر :
مفاعَلتن مفاعَلتن فعولن

" يفترض حسب الدائرة العروضية أن تكون تلك التفعيلة ـ مفاعلتن ـ ، و لكنها عملياً تأتي ـ فعولن ـ ،، "

المتقارب :
فعولن فعولن فعولن فعولن

المتدارك :
فعلن فعلن فعلن فعلن


*******

ثانياً : البحور المُرَكّبة
" أىّ التي تختلفُ تفعيلاتها " :

الطويل :
فعولن مفاعيلن فعولن مفاعلن

المديد :
فاعِلاتن فاعلن فاعلاتن

البسيط :
مستفعلن فاعلن مستفعلن فعلن

السريع :
مستفعلن مستفعلن فاعلن

المنسرح :
مستفعلن مفعولاتُ مفتعلن

الخفيف :
فاعلاتن مستفعلن فاعلاتن

المضارع :
مفاعيلُ فاعلاتن

المقتضب :
فاعلاتُ مفتعلُ

المجتث :
مستفعلن فاعلاتن

******

و إلى شرحٍ مُفـَصَّلٍ ، و دروسٍ عمليّة ’
عند أولِ فرصةٍ سانحة بإذن الله

[صلاح السويفي]

أستاذ وحياة سيدنا النبي ..أستاذ ...

فتحت نفسي تاني لإعادة الكورس من الأول

ماهو لازم أكتب شعر..يعني لازم أكتب شعر..

وهارجع أشيل الشنطة على ظهري وأروح المدرسة

بعد الأجازة الإجبارية التي أُنعم عليّ بها..

تحياتي ياأحلى وأجمل وأروع من قال شعرا

لأ شعر إيه ...د الكلام منك أحلى من أي قصائد..

والله باتكلم جد ومن قلبي

[Tarek Elemary]

المشاركة الأصلية كتبت بواسطة سمعجى

البحور و تفعيلاتها

و إلى شرحٍ مُفـَصَّلٍ ، و دروسٍ عمليّة ’
عند أولِ فرصةٍ سانحة بإذن الله

السلام عليكم يا أستاذ
بابا بيسلم على حضرتك و بيستسمحك لو ممكن درس خصوصى و اللى انت عاوزه
و كمان بيستحلفك الولاد اللى فى آخر صف المشاغبين البرتيتة اللى ورا لو فيه أمثلة يعنى.

بيان على المعلم بالميرى

و يا ريت حضرتك تلغيلنا حاجة من المنهج و نركز فى المقرر و فى إنتظار الملزمة و شكرا

[mohamed elakkad]

يااستاذ ياعظيم
والله مافي احلي من درسك الا ذوقك وترحيبك
علي فكره انا قريت كل الدروس السابقه علشان احصل باقي التلامذه وجاهز للدروس الجديده.
ممكن اقعد ورا مع الاخوة المدخنين؟

وبرضه علشان تبقي عارف من الاول انا ناوى ادفع المصاريف بس في اول زيارة لمصر ان شاء الله علشان صعب قوى اني ابعت البيض و الفراخ بالبوسته اما المش فدة حكايه تانيه علشان الاقيه هنا.
سيدنا و استاذنا لك جزيل لشكر و العرفان

محمد العقاد