غلبت أصالح في روحي
أحمد رامي
رياض السنباطي
**********
غلبت أصالح في روحي
عشان ما ترضى عليك
من بعدي سهدي ونوحي
ولوعتي بين إيديك
**********
صعبان علي اللي قاسيته
في الحب من طول الهجران
ما اعرفش إيه اللي جنيته
من بعد ما ارضيت بالحرمان
فضلت أقول الزمان
غير على البعد حالك
ولا الرضى بالهوان
كتر عليا دلالك
**********
وانا اللي أخلصت في ودي
وفضلت طول العمر أمين
ياخد الزمان مني ويدي
وقلبك انت عليا ضنين
كنت اشتكي لك أيامي
أشكي لمن ظلمك فيا
وكان رضاك نور أحلامي
لما الزمان يقسى عليا
**********
صبحت أشكي منك لروحي
وفضلت أخبي عنك جروحي
وبعدت عنك
والفكر كان دايما وياك
والقلب منك
غضبان في دنيا الحب معاك
مجروح وضامم جناحه
على الجراح اللي فيه
الليل يردد نواحه
طول ما أليفه جافيه
لما الزمان اللي غدر به
بعدك وكنت نديم شكواه
رماك وجه السهم في قلبه
عطف عليك والوجد ضناه
**********
حتى الزمان اللي كان
عطفك يعيني عليه
خلاني أرضى الهوان
وأسلم الروح إليه
واسأل عنك
والقلب كان غضبان منك
واحمل همك
وانا اللي طول بعدي ما همك
وابات اصالح في روحي
عشان ما ترضى عليك
وانسى سهادي ونوحي
ولوعتي بين إيديك
**********
رد: كلمات الاغاني وشرح المعاني
العرض الشجري