متمكن .... لا أحب الإستماع إليه

[جابر الحسيني]

حقيقي أنا فوجئت بالكلام اللي تقال على الست فتحية أحمد في إحدى المداخلات لأني من أشد المتحمسين لها من يوم ما سمعت و الله لا أستطيع صدك في برنامج لاجرانج حكواتي و مغنواتي، و لكن ما علقتش عليه احتراما لمبدأ تنوع و اختلاف الأذواق اللي تأسس عليه هذا الموضوع

لكن الظاهر إني المبدأ ده اتلغى أو بالتحديد ألغاه أحد أطراف النزاع و الهدنة خلصت و بدأنا في المناوشات و الكر و الفر و الهجوم بيستوجب رد عليه هجوم مضاد يعني

فجهزوا نفسكم لما هو آت ...

[samirazek]

ردى على حملة الجنازير والسـنج والبشـــل والمطاوى... من مجاذيب الست فتحيه احمد ...التى يدعونها بســـت الكل توحه..!!!! ...هى اغنيتها فى حفل تكريم ام كلثوم .... سـيدة الغناء العربى بلا منازع ...عند عودتها من العلاج بأمريكا : جيت ابيع الورد للجناينيه...... اى وبكامل الوضوح تعترف فيها انها جاءت تبيع الماء فى حارة السقايين...طبعا من ذوقها واخلاقها واعترافها بان الحق احق ان يحق ...لكنه ولحسن الحظ اعتراف مسجل بالصوت والفرقه والنوته ..
وبالمناسبه هذه هى اغنيتها الوحيدة التى اطيق سماعها للنهايه

مين بقى ياعمرو ...يابن الأكابروالباشاوات ...ست الكل؟؟؟؟؟؟!!!!!!
وافكرك ....ان باشوات زمان كمان كان لهم سقطانهم ...مش برضه احدهم وكان رئيس وزراء ...كان بيشرب الشمبانيا من جزمة الست منيرة؟ اكيد عشان ينسى صوتها.... معلش الظاهر ان لكل باشا هفوه.

يالله ................خليها تشـعلل


سمير عبد الرازق

[جرامافون]

مش برضه احدهم وكان رئيس وزراء ...كان بيشرب الشمبانيا من جزمة الست منيرة؟ اكيد عشان ينسى صوتها