متمكن .... لا أحب الإستماع إليه

[سيادة الرئيس]

صوت لو مر على جهاز كشف الطرب لأعطاه أعلى معدلاته

لكن سبحان الله ..... لا أحب الإستماع إليه

لأن صوته يسبب لي ( إزعاج طربي )

هل عندك الشجاعة للإفصاح بإسمه أو أسمائهم

و لا تنسى ( متمكن )

و أبدأ بنفسي و أرجو ألا أكون الأول و الأخير

صباح فخري
فريد الأطرش
أصاله
محمد ثروت
هاني شاكر
محمد حمام
أحمد سامي
ماجدة الرومي
بليغ حمدي ( مغنيا )
لطفى بو شناق ( عندما يغني بغير لهجته )
و ديع الصافي
أحمد إبراهيم
عبد اللطيف التلباني

[unicorn]

على نفس هذه القاعدة و بنفس الشروط:
أم كلثوم
نجاة
وردة
عبد اللطيف التلبانى
هانى شاكر
جورج وسوف ( لما كبر)
الشيخ زكريا احمد (مطربا)
محمد العزبى
اى مطرب فى تسجيل سئ

[Islam Eidrisha]

سيادة الرئيس
تحياتي العميقة لهذه الشجاعة النادرة وهذا الموضوع المتميز
ولكن كل هذا الكم من المطربين دفعة واحدة
أنا عندي ثلاثة بس
بس لما بسمعهم بيحصل لي تلبك في وداني وقد يصل للمعدة
ورجاء عدم الاستغراب
الأول عبد الحليم حافظ
الثاني فايزة أحمد
الثالث نجاة
مع الاعتذار لأخي وحبيبي فؤاد عبد الحميد حبيب فايزة

[صالح الحرباوي]

سلام و احترام،
من القديم صعب القول أنني لا أحب الإستماع لمطرب ...
لكن أكيد أنه هناك أعمال معينة لا أحبها لأغلب المطربين ...
و مع ذلك فأصوات قوية مثل نور الهدى و محرم فؤاد لا تطربني ....
أما في الجديد فهناك الكثير جدا و أبرزهم،

لطييييييييييييييييييييييييفة
كاااااااااااااااااااااااظم الساهر
علي الحجار
محمد منير

و عدد لا يحصى و لا يعدّ

[جابر الحسيني]

عندنا في المغرب هو ما فيش غيره عبد الهادي بلخياط مع احترامي لأعماله و لجمهوره إنما لما بسمعو بيتهيأ لي كإنه بيتخانق و بيزعأ على طول زي ما قال السنباطي على وردة.

بالنسبة لرواد المغنى و الطرب : منيرة المهدية، عملت عدة محاولات لكن لسة ما دخلتشي دماغي أجد صعوبة في تذوقها.

[mokhtar haider]

قلما تعلقت بصوت محمد رشدي

و ماهر العطار .... لم أجد فيه ما اشتهر به
بليغ حمدي الملحن في معظم أغانيه في الستينات و السبعينات

أغنية ساعة ما باشوفك جنبي لعبد الوهاب... ما له غنى الحتة ذي... مش من مستواه أبدا

ثم امسكوا أعصابكم.... أنا سامع الصراخات من هنا و من ذي الوقتي...
يا خبر أبيض....
تعالوا شوفوا الفضيحة اللي بيقولها مختار حيدر...

بعص حفلات أم كلثوم أبرزت أن لقب ست الكل مبالغ فيه.... و عندما راحت تتدخل في التلحين.... رمت القصبجي في الظلام.... و رفضت تتعامل سنوات عدة مع عبد الوهاب..... و أخذت مجانا أغاني زكريا أحمد.... و أرغمت السنباطي للتكرار نفسه بوضوح

[هاله]

موضوع حضرتك متميز جدا ا/ صلاح
واحب اقول رايى فى موضوع حضرتك بس من غير زعيق ودوشه
مش بحب اسمع عبدالوهاب رغم حرفيته وشبه الاجماع عليه
وخصوووووووصا ساعه مايغنى بصوته الاغانى اللى بيلحنها لمطربين غيره
يااااااه بجد بتضايق وبترفز لو سمعته وخصوصا لاتكذبى وحاجات تانيه لمطربين اخرين

[د أنس البن]

أنغام
أصاله
غاده رجب
ورده
فريد الأطرش
ماهر العطار
عبد اللطيف التلبانى
أحمد السنباطى
محمد منير
(دول اللى فاكرهم حتى الآن)

[صوت الموسيقى]

ام كلثوم- نجاة - عبد الحليم-عبد المطلب

من الجديد: اليسا - محمد ثروت- محمد الحلو

لسه عندى كتير لو افتكرت حد منهم هرجع تانى

[جرامافون]

أستاذي العزيز عمرو بك

طيب أنا من امبارح مستنيك عشان أعرف هتفاجئنا بإيه

تقوم تكسفني كده وماتقولش

طيب لو خايف بجد على قميصك قوللي على الخاص

وسرك في بير مسعود .. مش هقول لحد

أخي العزيز الفاضل والنشيط ا.اسلام
بصراحة ما لا يعجني في اي مطرب متمكن
هوه المغالاة التي يحدثها محبيه حوله لدرجة

ممكن تكرهك فيه بدون ذنب للمطرب المسكين

ومطربين زمان احب اغانيهم وليس شخصياتهم
ما عدا محمد عبد الوهاب الذي احبه لشخصه
وده ميمنعش ان له بعض الاغاني اللي المفروض
تترمي من الشباك .. لانه مستحيل طبعا يقعد
نصف قرن يعطي عسلا مصفي بلا أخطاء لكنه
في مجمله شخصية متفردة تستحق الدراسة علي
المستوي الشخصي بجانب الموسيقي
واي مطرب تحبه او تكره
فيعود الفضل الاول والاخير
لثلاثة
محمد عثمان - سيد درويش - عبد الوهاب
لانهم همه اللي صاغوا وبلوروا وعرفونا
ببساطة بالظبط يعني ايه اغنية
واضحك كثيرا عندما اسمع صديقا لي يقول
انا بحب عبد الوهاب ومبحبش سيد درويش
او بحب زكريا ومبحبش عبد الوهاب
باعتبرها نوع من الكوميديا
واخيرا وبصراحة
كل المطربين لهم اغاني معينة
رائعة وليس كل اعمالهم طبعا
واخيرا
يبقي مطربا متمكنا شامخا متفردا مغردا مدندنا ومن كتر حبي فيه
مش طايق احبه وهو النابغه صاحب معلقة
(أنا بكره اسرائيل)
ومؤلفها طبعا أمير شعراء

مدرسة التوكتوك

(عاجبك كده .. اهو القميص اتقطع )