يا رب هوِّن

**ريما** · #1 03/09/2008, 22h46

اختيارك صائب يا غازى فعلا الاغنيه عمل عظيم

للفنان المخضرم الفنان الاستاذ محمد السلامونى

الصراحه انا دخلت احكى ذكرياتى مع العمل العظيم

الصراحه كان الفنان متردد يطرح الاغنيه فى المنتدى ولا لا

وكان متشكك من مدى صلاحيه صوته للغناء انتو عارفين باه

الفنانين الكبار دايما مترددين ومش مقتنعين بنفسهم ودايما بيطمحو للافضل

لحد ما اقتنع انه يطرحها وزى ما تيجى باه والصراحه من تقديرات اسكور

المشاهدات من راى انها كسرت الدنيا فى المنتدى وكانت حدث الساعه

واعتقد هتكون حدث سعات كتير

ربنا يوفقك يا فنان يا كبير ومستنين المزيد والمزيد يغمر المنتدى

استاذ سلامونى ممكن توقعلى على الاتوجراف من فضلك

ويحبذا لو مع التوقيع صوره لحضرتك

**unicorn** · #2 04/09/2008, 00h26

الله على جمال التحليل
و الله زاد الغنوة حلاوة
شرف كبير يا سلامون ان يتبنى المايسترو هذا العمل , بس و الله انت تستاهله
شفت العمل الصادق اللى طالع من القلب بيوصل للناس بسرعة ازاى و بيأثر فيهم
و سماعى الذواق بأعضاؤه قدر يستسيغ هذا الصدق و هذا الجمال
و يسعد بأنه من انتاج اعضاؤه
برافو يا مايسترو
برافو يا سلامون
برافو يا سماعى

**غواص النغم** · #3 04/09/2008, 00h42

شفت يا استاذ سلاموني
علشان تصدق بس

والله فكرة عبقرية يا غازي نشكرك عليها ولفته جميلة منك
والأجمل بقى هو تحليل الأغنية
بصراحة قرأت عن دراسة لأعمال محمد الموجي وانه ملحن بالفطرة وانه اختار مقامات صعبة ووو وكله بالفطرة
ولكن بعد هذا التحليل زدت اقتناعا بموهبة الإنسان الفطرية في إبداع وتلحين عمل متكامل وله خطة ولو مش مقصودة
شكرا يا ابو حسام
تحياتي

**هاله** · #4 04/09/2008, 00h55

الله
سلامونى فى الميزان
فكره حلوه بجد ياغازى
وخصوصا بقى ان سلامونى بيننا ومعانا حاليا
نلحق بقى نستمتع بكلام استاذنا الالاتى عنه وهو بيننا
قبل مايبقى الفنان الكبير العظيم محمد السلامونى وميدخلناش هنا تانى وعلشان نتكلم معاه يقولولنا بعد ثلات شهور وساعتها برضه يبقى مش فاضى
اختيار هايل ياغازى
ومش عارفين نقولك ايه يامايسترو بس دمت لنا "ذخرا "وخد بالك من ذخرا دى بحفظها من اول رمضان
ومنتظرين منك المزيد والمزيد من العمليات الانتحاريه ياسلامونى اقصد يعنى الاعمال الغنائيه على نفس المستوى الرفيع والجميل ده

**M O H A M E D** · #5 04/09/2008, 02h08

اقتباس:

المشاركة الأصلية كتبت بواسطة لولى76

الله
سلامونى فى الميزان
فكره حلوه بجد ياغازى
وخصوصا بقى ان سلامونى بيننا ومعانا حاليا
نلحق بقى نستمتع بكلام استاذنا الالاتى عنه وهو بيننا
قبل مايبقى الفنان الكبير العظيم محمد السلامونى وميدخلناش هنا تانى وعلشان نتكلم معاه يقولولنا بعد ثلات شهور وساعتها برضه يبقى مش فاضى
اختيار هايل ياغازى
ومش عارفين نقولك ايه يامايسترو بس دمت لنا "ذخرا "وخد بالك من ذخرا دى بحفظها من اول رمضان
ومنتظرين منك المزيد والمزيد من العمليات الانتحاريه ياسلامونى اقصد يعنى الاعمال الغنائيه على نفس المستوى الرفيع والجميل ده

شهرة إيه اللي تنسيني أصدقائي ؟؟
صحيح قولتي لي اسمك ايه ؟؟

لا بجد بشكرك جداً يا أختي لـولـي

على ذوقك و كلامك

و ربنا يكرم و نعمل عمل جديد يحوز على إعجابكم إن شاء الله
و السلام عليكم

**M O H A M E D** · #6 04/09/2008, 01h19

بسم الله الرحمن الرحيم

والله مش عارف اقول ايه
لفتة طيبة منك و مفاجأة جميلة يا أستاذ غازي
بس كان في أعمال أخرى تستحق التحليل أكتر من تجربتي المتواضعة

ألف ألف شكر

و ربنا يبارك فيك
و ان شاء الله أظل عند حسن ظنكم
و انا فعلاً كنت عايز اعرف انا استخدمت مقامات إيه و ازاي طلع مني اللحن ده ؟

و في أسئلة بتشغل بالي دايماً
هل العِبرة باستخدام أكثر من مقام و التنويع فيها
و باستعراض الملحن قدرته على المزج بينها .. و الا بالجملة اللحنية المُعبـِّرة ؟
و لو أغنية على مقام واحد و فيها جمل مختلفة هل ده يقلل من قيمتها الفنية ؟؟

**M O H A M E D** · #7 04/09/2008, 01h36

كل ده تحليل يا مايسترو ؟

ألف مليار شكراً

و انا فعلاً و لا اعرف النهاوند و لا الغماز و أي شئ عن المقامات ..
و الا إيه حساس المقام ده كمان ؟

بس بجد انا عملتها بإحساسي و بدون خطة
و الأغنية دي كنت كاتبها من سنتين .. كانت خاطرة طويلة
لما قريتها شدني مقطع " يا رب هوِّن .. يا رب سلم ،، عالم بحالي أنا بتألم "
و اخترت مقاطع تانية و لحنتها و كنت بدندن الاغنية مع نفسي
لكن مع الوقت اكتشفت ان فيها أجزاء مش حاببها ، و ما عدتش بحب أغنيها
فاخترت أجمل كوبليه و حاولت أعمل كوبليه آخر على وزنه
و خاصةً ان الجملة اللي حضرتك اشرت لها " لا تسيبني اتوه و لا تسيبني اضيع " كانت عجباني جداً
و فعلاً كتبت كوبليه على نفس الوزن لكن بصراحة ما حسيتش بيه و لا حسيته لايق على اللحن
و لقيت ان المسألة هيبقى فيها صنعة
و لذلك اكتفيت بكوبليه واحد .. و هو اللي سجلته و رفعته للمنتدى ..
و هي دي حكاية الأغنية .

يعني مش كفاية دوشتكوا بصوتي لأ كمان داخل أرغي

**M O H A M E D** · #8 04/09/2008, 02h02

اقتباس:

المشاركة الأصلية كتبت بواسطة غواص النغم

شفت يا استاذ سلاموني
علشان تصدق بس

والله فكرة عبقرية يا غازي نشكرك عليها ولفته جميلة منك
والأجمل بقى هو تحليل الأغنية
بصراحة قرأت عن دراسة لأعمال محمد الموجي وانه ملحن بالفطرة وانه اختار مقامات صعبة ووو وكله بالفطرة
ولكن بعد هذا التحليل زدت اقتناعا بموهبة الإنسان الفطرية في إبداع وتلحين عمل متكامل وله خطة ولو مش مقصودة
شكرا يا ابو حسام
تحياتي

صاحب أغلى مغارة موسيقية الغواص عبد المنعم

والله هو محمد الوجي اللي خطر في بالي

أحضان الحبايب لحليم
اسأل روحك لام كلثوم
الصبر راس مالي لقنديل
فنجان شاي بصوته

ازاي كل الأعمال العظيمة دي طلعت منه دون دراسة للموسيقى ؟

**M O H A M E D** · #9 04/09/2008, 01h48

اقتباس:

المشاركة الأصلية كتبت بواسطة ريما

اختيارك صائب يا غازى فعلا الاغنيه عمل عظيم

للفنان المخضرم الفنان الاستاذ محمد السلامونى

الصراحه انا دخلت احكى ذكرياتى مع العمل العظيم

الصراحه كان الفنان متردد يطرح الاغنيه فى المنتدى ولا لا

وكان متشكك من مدى صلاحيه صوته للغناء انتو عارفين باه

الفنانين الكبار دايما مترددين ومش مقتنعين بنفسهم ودايما بيطمحو للافضل

لحد ما اقتنع انه يطرحها وزى ما تيجى باه والصراحه من تقديرات اسكور

المشاهدات من راى انها كسرت الدنيا فى المنتدى وكانت حدث الساعه

واعتقد هتكون حدث سعات كتير

ربنا يوفقك يا فنان يا كبير ومستنين المزيد والمزيد يغمر المنتدى

استاذ سلامونى ممكن توقعلى على الاتوجراف من فضلك

ويحبذا لو مع التوقيع صوره لحضرتك

التوقيع ؟
حاضر ، اتفضلي
العزيزة ريما ..
مع خالص تحياتي و أرق أمنياتي .. ♫ محمد السلاموني

**M O H A M E D** · #10 04/09/2008, 01h54

صديقي العزيز محمد أبو مندور

شاكر لمرورك و كلامك الجميل .. و ثناءك على العمل
و بشكر المنتدى اللي أتاح لي الفرصة بالتعرف على أجمل سمِّيعة و أجدع أصدقاء
و الحمد لله