تحليلات سيادة الرئيس ـ أبو على

[صالح الحرباوي]

سلام و احترام،
.
أستاذي فخامة الرئيس
لا يسعني إلا أن أقف، لأحييك رافعا القبعة التي أتخيلها فوق رأسي....
يا أستاذي صلاح ...هذه الأنماط من (الهباب) كما تقولون في مصر المحروسة، انتشرت كالوباء (عافانا و عافاكم الله) في جميع أرجاء العالم العربي برمتّه.
و من البديهي و المؤكد أيضا، أنه إذا هبط مستوى الفن و الطرب في مصر... سقط وراءه الفن و الطرب في سائر الأقطار العربية و إذا ارتقى و لمع في مصر رفع معه سائر البلاد العربية...
فندعوا الله بأن يأتينا بالفرج و من مصر...
تحياتي
.

[هاله]

موضوع جيل يااستاذ صلاح
لكن حضرتك جيت على فنانى الساقيه بس
ما حضرتك لو تتبعت منظومه الفن عموما هتلاقى فيها كتير من الاسفاف والتهريج
لكن هتلاقى برضه موجود فن راقى متميز لكن للاسف مش عارف ياخد فرصته فى خضم هوجه الاسفاف والهبوط المسيطره على منظومه الفن عموما
يعنى لو اخدنا مثل المغنى الى ناقصه حته ده هتلاقى صوته كويس لكن ينقصه تكامل اضلاع الاغنيه من لحن وكلمات علشان تبقى اغنيه هادفه فعلا
موضوع متميز من حضرتك
لذا فتقبل تحياتى

[unicorn]

بالمناسبة
لسة كنت مع واحد صاحبى و بنتكلم على الزيادة 30 % فى الأجور و بعدها زيادة 50% فى سعر الوقود اللى حايخللى السلع كلها تولّع نار,
و تعبنا من الكلام و المناقشة فى الاسعار و حال الناس , وحبيت أطرّى الجو فحكيتله على موضوع أحط حته تقل حته دة ,
قاللى بس يبقى اللى عاملها بيرمى على الموضوع دة
و النبى هاتهالى أسمعها بدل ما ارمى نفسى فى المالح

[M O H A M E D]

السلام عليكم

أحب أنبه حضراتكم إن وجيه عزيز بالفعل له موضوع في منتدى سماعي

في قسم المبدعين

وجـــــــيــــه عــــــزيــــــــز

..

و انا متفق معاكم في آراءكم ..

لكن أحب اعرف اللي بيسمعوه بيحبوا فيه إيه ؟؟
_

مع تحياتي و احترامي للجميع و أذواقهم

[سيادة الرئيس]

شكرا لكل المداخلات من السيدات و السادة

عمي الأستاذ : صلاح بك

إن موضوعك واضح و صريح بكل عناصره

المصيبة الجديدة أن ما كنت أضع عليه أمل و هو الإتجاه الجادي في الكلمة و اللحن ها هو قد بدأ السوس ينخر فيه

و لا أجد له مسمى إلا

هبوط الفن الراقي

في النهاية لن يبقى لنا و لا لأولادنا شئ

و أنا قصدت أن يكون موضوعي التالي لهذا هو أغنية ( عم بطاطا )

تجد فيها كل المقومات

كلمة جيدة
لحن شجي و مُطرِب
أداء عالي متمكن

فليس من الحق المضمون أن يفرض علينا كلمة و لحن و أداء ليس فيهم أى ( صنعة ) فنية بحجة أنه يخاطب أبناء جيل ما
فليعلم أن هناك أجيال أخرى ما زالت على قيد الحياة

[بشير عياد]

كيف لم أرَ هذا إلا الآن ؟؟؟
هذا موضوع في الصميم
لابد أن يظلّ مفتوحًا وعلى قيد الحياة
كالمجزرة
نحن بحاجة إلى مثل هذه الكتابة وهذه الاختلافات
بشرط مراعاة أدب الحوار فقد رأيت اليوم بالمنتدى ما ساءني وجعلني أحزن بسبب التراشق بالألسنة
سلمت يداك أبا عليّ

[رائد عبد السلام]

طول عمرك رائع ياأبو علي

فعلاً قضية مهمة
بس المشكلة إن رواد الساقية
مش كلهم شباب صغيرين وسطحيين
ده للأسف فيهم ناس كبار

بس معظمهم جايين من الكومباوندات الجديدة
المتاخمة للقاهرة الحقيقية
أو جايين من بلاد الزيت أجازة
وعايزين يعملوا دماغ(سكافة)

يعني باختصار الساقية
بتبيع مُـنتج معين لناس مُعينين

أما الثقافة الحقيقية فكانت بتتقدم في
بيوت وقصور الثقافة
اللي عشش عليها البوم دلوقتي
وأصبحت مكان لذيذ للموظفات المترهلات
فرصة لتقشير الكوسة وتقطيف الملوخية
قبل الراجل ما يرجع م الشغل

هم اتنين مسحوا ذاكرة الأمة

واحد كان ماسك الإعلام وكان من الصفوة
ولكنه غير شريف بالمرة
والتاني خازوق ....ليس له علاقة بالحسن ولا بالثقافة

ولله الأمر من قبل ومن بعد

وخد دي بقي :
علشان مواضيعك الحلوة (طحن)

[د أنس البن]

سبحان الله
والله ما شفته الا دلوقتى
الواحد جرى له إيه !!!
لا حول ولا قوة إلا بالله
كلام فى صميم الصميم يا ابو على
وده تعليق مؤقت منى عا السريع لأنى مسافر دلوقتى لمقابلة أحد الأحباب

[محمد رمضان ماضي]

المشاركة الأصلية كتبت بواسطة بشير عياد

كيف لم أرَ هذا إلا الآن ؟؟؟
هذا موضوع في الصميم
لابد أن يظلّ مفتوحًا وعلى قيد الحياة
كالمجزرة
نحن بحاجة إلى مثل هذه الكتابة وهذه الاختلافات
بشرط مراعاة أدب الحوار فقد رأيت اليوم بالمنتدى ما ساءني وجعلني أحزن بسبب التراشق بالألسنة
سلمت يداك أبا عليّ

صـــــــــــــــــــــــــــــح
الكـــــــــــــــــــــلام

[رافت المصرى]

اخى العزيز
كلامك فى محله و هو طلقه او صرخه واقفه فى حناجر كل اصحاب الاصول فى زمن اصبح له توجهاته اللى مش عارفين قصدها او مين وراها الا انها اصبحت حاجه تغيظ
الفن اصح وراثه و
الاسفاف اصبح حدائه و الهبل اصبح تجديد
و المبدعين محدش بيسمع لهم فى زمن الشلليه و المنفعجيه
و لا حول و لا قوة الا بالله
ربنا يصلح الامور