عمل جماعي .. من إنتاج سماعي

[unicorn]

المشاركة الأصلية كتبت بواسطة ghazyeldaba

السلام عليكم ورحمة الله وبركاته
مرة أخرى أُعيد إحياء هذا المشروع أحبائي الكرام
وأُذكركم ونفسي بتقوى الله أولا .. ثم بكلام محمد الزمنطر ده ..
نسيت يا غازي مشروع الصورة الغنائية
أعرف انه أصابك شيئ م الإحباط لما اشترط محمد الآلاتي استوديو ومطربين وما إلى ذلك
أنا اقول ان هذا المشروع قابل للإنجاز درجة درجة
الأستوديو والمطريبن سيكونا آخر المطاف
فالنبدأ بالكلمات
ثم اللحن
ثم التوزيع
ومن ذلك نفكر في استوديو ومطربين
لكن حتى نصل لهذه المرحلة يحلها ألف حلال
هاه .. يا جماعة ..
ياللا ..
دي هاتبقى خبطة العمر
ومشوار الألف ميل بيبدأ بخطوة
سمعونا صلاة النبي

عليه الصلاة و السلام
هو ده الكلام يا غازى
و خلينا نفكر كلنا فى الحاجات اللى ممكن تتعمل و لما نوصل لمشكلة ما جايز ربنا يحلها ان شاء الله ,
أول حاجة الكلام عايزين زجل ذو كلمات جذابة للأذن و مافيش مانع يكون بلغة شباب الروشنة على فرض أن السيناريو سيبدأ بهم و ينتهى بشباب سميعة ذوى اذان نظيفة, فياريت تكون كلمات طريفة و مبتكرة وغارقة فى العامية ,
و أظن فى سماعى من صناع الأزجال و الأشعار من لن تعجزهم مثل هذه الألفاظ و التركيبات الزجلية,
و نفتح الباب للأعضاء بكلمات ملهمة للشاعر يقدر يبنى بيها أزجاله زى هرتلة و طرطشة و طناش و انتكة و غيره,
من الاخر عايزين كلمات هاتفة لبداية العمل تصف واقع مستوى الكلمة فى الأغنية بشكل كوميدى.
تانى حاجة اللحن : الاستاذ أبو حسام أو استاذ أحمد الديب (حتى لو كان مسافر) لن يبخلوا علينا بوقتهم و لا بنتاج قريحتهم فى التلحين
و من السهل عليهم طبعا تعمد عمل اختلاف فى اللحن و الايقاع بين بداية العمل اللى بيمثل الموسيقى الان من مزيكا على الواحدة و المقسوم و الصقفة و بين مزيكا طربية شرقية أو كلاسيكية خالية من تقليد الغرب.
أما الالاتية و العازفين واذا كان الاستاذ الالاتى بيتكلم عن أطقم وتريات و خشبيات , فأكيد يعرف حد من الأعضاء العازفين اللى بيستفيدوا منه فى صفحات النوتة و التعلم الاكاديمى سواء هنا فى المنتدى أو فى الwebsite بتاعه و يقدروا يساعدونا فى النقطة دى و خصوصا ان نجاح العمل سيكون فاتحة خير ان شاء الله على مستوى الاحتراف لهم .
و بالنسبة للتسجيل و الاستوديو كان فى الاستاذ هشام نياز و هو موزع موسيقى محترف وعضو معانا فى المنتدى و يقدر يسهل لنا موضوع الاستوديو و البروفات و خلافه أنا هاحاول ابعت له دلوقتى و أنا متأكد انه هايرحب بالفكرة و هايساعدنا كتير.
وبالنسبة للمؤدين أرشح الفنان أحمد جمال كأول مرشح ثم يأتى غازى الضبع طبعا(اللى جايز يحترف الفن و يزوغ من مديره)
و اى حد يعرف حد أو شايف فى نفسه القدرة أن يتقدم و على فكرة مش لازم يكون صوته حلو أوى يعنى لأن العمل فيه مكان للأصوات النص نص
أخيرا اقترح طرح العمل للنقد الايجابى البناء اللى مايجيبش احباط و لكن دون مجاملة و أن يوزن فنيا جيدا على مستوى الكلمات و اللحن مننا جميعا أول بأول و أظن اننا نقدر نحكم عليه جيدا و نقدر نحدد مواطن ضعفه و قوته و لا يجب أن يكون النقد لمجرد النقد أو التشجيع لمجاملة أحد , أظن أن الموضوع لا يحتمل مناقشات و مجاملات غير مجدية لانه لن يعرض فى أعمال الاعضاء بل سيعمم خارج المنتدى و سيحمل اسمنا فيجب أن نكون على مستوى المسؤلية.
و رجاء عدم التكاسل يا جماعة و توكلوا على الله و لنبدأ بالكلمات أو بترشيح من يكتب الكلمات و لا نريدها أن تأتى على صورة تكليف لكتابة الكلمات لكى لا يشعر بأى ضغوط تؤثر على كتابته.