ذكرياتى يالولو
ان هذا الفنان الرائع - كنت فى فتره من حياتى فيا شبه كبير منه - كانت امى تقول لى ذلك ( رحمها الله ) ويمكن لو نظرتى الى صورتى وتخيلتى شعرى اسود - هتلاقى بقايا الشبه مازالت بعضها موجوده -كم عشقته هذا الرجل رحمه الله - ويمكن الفنان الوحيد اللى باحس انه واثق من نفسه ومتواضع ( عكس مايصورنه ) ومثقف جدا
لكن فى الاغنيه دى كوبليه بيوجعنى اوى
انا وانت فى الغرام ....ضيعنا عمرنا
وصبرنا كتير حرام ...نضيع صبرنا
كلام كبير اوى يالولو وفيه احساس رائع وخصوصا لما تسمعيه من ذلك الصوت الرخيم - يثير شجن عالى اوى - وحسى بكلمه حرام لما يقولها حبيب لحبيبه وخصوصا لما يكون كان بينهم قصه حب طويله ضاع فيها عمرهم وصبروا على كل بلاوى الدنيا عشان تستمر قصة حب عمرهم وحراااااااااااااام يضيع الحب وسنين الصبر والعمر بحاله
ورغم كل الالم اللى فى كلمات الاغنية الا ان عبد الغنى السيد لم ينسى اعتداده بنفسه وبثقه عاليه لاتتوفر الا بمن يعرف امكانيته التى حباه بها الله - فيبدء فى الدلع فى كلمه ياهوا ياهو - لاحظى ان صوته يشبه تماما اله الساكسفون وخصوصا فى ياهوا ياهوا- اى حنجره خلقها الله سبحانه تخرج ذلك الصوت الجميل الرائع - تصدقى انى كل ما افتكر ان الراجل ده مات باحزن عليه جدا
هناك اصوات كانت بيننا لم ولن يكون لها مثيل اطلاقا ولها نبرات غريبه رائعة - او لاتشبه اى اصوات بشريه على الاطلاق وتميزوا بتواضع شديد رغم امكانياتهم وكمثال
اسمهان وصوتها يشبه اله الكمان - نازك وقريبه الصوت من عبد الغنى السيد - قنديل الذى احترت فى صوته وطبقاته والحنان اللى فيه - طلب وصوته المتفجر الذى يشعرك بانه يحاول السيطره عليه وليس اطلاقه بل ترويضه كحصان برى - كارم محمود الذى جمع فى صوته بين الصوت الرجالى والحريمى وتشعرين كان صوته عباره عن قطعة كريستال تبرق تحت الاضواء - عمرك شفتى صوت بيلمع ويبرق
خلاص استريحتى
رد: انا وانت فى الهوى - عبدالغنى السيد
العرض الشجري