جوز المرتين

المشاركة الأصلية كتبت بواسطة عفاف سليمان

انا جيت اهدى النفوس

بس مش زى اختى الغاليه
ليلى
عايزه اى مساعده
شومه.. حله.. سكينه ..مخده
اختك رايا
قصدى عفاف
مستعده لتوصيل الطلبات
الى المنازل
سكاكين موجود
اكياس بلاستك تلاقى
والكميه متوفره للجميع
ههههههههههههههههه
لا طبعا انا بهزر
بس كلامكم عجبـــنى
وشوقكم للصلح غلبنى
ومن فرحتى بيـــكم
قلت يانا يا غلبى
الخناق اخره عذاب
لكن الصلح حلو
للاحبـــــــــــاب
ومتوصلش للمحاكمــه
ولا محاميه ولا مناكفـه
الطيب احسن للكل يا زينه
تتهنوا مع بعض الليلــه
وتعيدوا ايام جميلــــه
كانت فى الفرح متهنيــه
ليه المحكمه وليه الاذيـه
العشره متهونش ابدا
يا وليـــــــــــه
دانتى ست الكل ومتربيه
والاصيله مهما يحصل لها
ع العشره راضيه ومرضيه
خلونا ننسى الخناق
وتعالوا نعمل اتفاق
تتصالحوا ويبقى فيه رواق
والاولاد يباتوا فى حضنكم
وان كان ع العزومه
اجيب لكم
احلى اكلات وحلويات
واجيب كمان لكم شربات
وكأنكم لسه داخلين
الليله ومتجوزين
وانسوا ايام الاسيه
وافرحى يادى البنيه
زوجك غالى وانتى
غاليه عليه
وعيشوا عيشه مرضيه
والعيال هيبقوا ميه ميه
لما يلاقوا الفرح على
دارهم معشش
والحمام بيرفرف بجنحاته
والعصافير بتغرد
على باباكم
يبقى ايه ناقص تانى
قدامكم
واجيب لكم
فايزه احمد تغنى لكم
بيت العز يا بيتنا
على باباك جنينتنا
وادى عادت فرتنا
والصلح نور حياتنا
وبيتنا
ارق تحياتى لكم جميعا

اختكم عفاف

يا سلام يا ست عفاف عايزة مصالحة وانت فرحانة وعاجبك كلامها وملوناه بالأحمر .... ده بدل ما تديها كلمتين ... أنا ساكت لحد الآن ومش عايز أكلم .... والحمد لله كل شئ واضح من كلامها .... أنا ما جبتش حاجة من عندي ....

وللحديث بقية ....
نشوف الست دية ....
القوية والمفترية ....
وعاملة فيها مسكينة ومستحية .....
وعايزة تطبطب على قفاية .....
بكل حب وحنية....
وتجيب كمان محامية....
وتسبق وتعملي قضية....
بالذمة دي ست دية.....
والا دي اخت ريا......
ما عندها ضمير ولا نية....
عايزة تضحي بيا.....
وتشمت فيـــة....
أصل النكد عندها غية.....
بس وغلاوة عنية...
حسيبها كدة شوية....
تتمنى كلمة هنية....
وتيجي تبوس ايدية....
واعيش مع حرمتي التانية...
واشوف لي أيام هنية....
وانسى دى الولية....
اللى شبه عسكري الدورية...
والا الشاويش عطية...
بس هو كمان أحلى منها شوية...