الشاعر المهجور

[abuzahda]

المشاركة الأصلية كتبت بواسطة إســـلام

وعلى رأي المثل

كل شئ بالخناق إلا الشعر بالاتفاق
الشعر مش بالعافية ولا بالمحايلة ده احساس وموهبة
وسليقة يفطر عليها الشاعر من واهب النعم العلي القدير
وحضرتك بقى يا أستاذ سيد بعيدا عن كل ما سبق
الشاعر الموهوب المحبوب

يا مساء الإشراف على الغاليين الأشراف
تصدق يا إسلام ؟! (هتصدق إن شاء الله)
من ساعة "اختطافك" و انا فائِد الأمل في زياراتك بتاعة زماااااان
و لما كنت باشوفك عالسور ، كنت بقول لنفسي :
آهـ ، ما هو علشان "السور" منفعة عامة ، أهو بيعدّي يلهينا في الكتب و التصاوير ، و بالمرة "يتفقد" النظام و اتباع اللوايح .

* * * *
يا جدع ، و حياة "وجد" و "عهد" و "وعد" و "مصطفى اسماعيل" .... و ابو نسب - ياللا عشان تصدق بجد- فرحتني زيارتك
يا إســـلام

[يحيى زكي]

يا عم ، انا قرَّبت اغير



مِن صُحبِتَك (كِنج و أمير)



همَّ بسِربَك ، إنما ...



أنا فرخ طير ، حِلمُه الشعير

__________________-------------------------------------------------------------------------

لا تعليق علي العماليق


لكم حبي واعزازي

[abuzahda]

المشاركة الأصلية كتبت بواسطة يحيى زكي

يا عم ، انا قرَّبت اغير

مِن صُحبِتَك (كِنج و أمير)

همَّ بسِربَك ، إنما ...

أنا فرخ طير ، حِلمُه الشعير

__________________-------------------------------------------------------------------------

لا تعليق علي العماليق

لكم حبي واعزازي

عمي و عم عيالي
الغالي و عالي القدر
عمي يحيى زكي
***
و الله يا عمي لو تكرمت على حبيبك سيّد تداريه في خانة "الإستثناء من العملقة" بتاعة عمي كمال ، في أي ركن .
ما اخبيش عليك يا عمي يحيى ، أنا ساعات بحس ان انا ليّا قيمة (الحكاية دي بتحصلـّي و انا برد على كلامك)
بس ، كفاية كده أحسن أسوق فيها .....
* * *
إنت بتعمل إيه هنا يا عمي يحيى ؟
سايب السور لمين ؟
مش قلنا هيّ نص ساعة غدا ؟ ونرجع
و لا هنقضيها عالبتارين ؟ نرجع نلاقيه مليان "خلـّي حمادة يلعب" ؟

يا للا يا عمنا ، لا الدكتور أنس ياخد باله (مش كفاية - هو- واخد بالي انا؟)