قطرات من مداد قلم الشاعر السمعجي كمال عبد الرحمن

**رائد عبد السلام** · #1 06/03/2009, 15h31

اقتباس:

المشاركة الأصلية كتبت بواسطة عيون المها

أيا حبيبتي التي تلاشت ،،

في شعاع ِ شمس ِ صَيفِ بحرِ الذاكرة

أيا حبيبتي التي تمر عند شرفتي ،،
طيفاً مُراوغاً ،، و نفـَحاتٍ آسرة

أيا ( أعز الناس ) عودي ،،

فقد تعِبتُ من حماقةِ المتاهة

مِـتُّ ،،

و تلك جثتي ،،
تمارسُ البلاهة

يعتبر الشاعر: كمال عبد الرحمن
من أهم ثلاثة شعراء
ظهروا في العقدين الأخيرين ......بلا مبالغة
أما الأول : سمعجي
والثاني : كمال عبد الرحمن
والثالث هو كاتب هذه السوناتا العذبة :
أعز الناس
تسلم يمينك ياسمعجي
--------------------------
أختي منال
كل يوم تنتجين لنا قرصاً جديداً
من شمع العسل
بارك الله فيك ....أيتها الملكة

**منال** · #2 06/03/2009, 15h56

اقتباس:

المشاركة الأصلية كتبت بواسطة رائد عبد السلام

أختي منال
كل يوم تنتجين لنا قرصاً جديداً
من شمع العسل
بارك الله فيك ....أيتها الملكة

أخي الكريم الشاعر الفوق بنفسجي

رائد عبد السلام

مساؤك معطر بعبق البنفسج

أزدان المتصفح ألقاً ، وتمايلت الكلمات طرباً ، بهذا الحضور البديع يا شاعرنا الكريم ،،

وما نحن ها هنا إلا تلاميذ ، نستمع وننصت إلى ومضات أشعاركم الراقية ،
والأنيقة الوهاجة ، وما أحوجنا في هذا الزمان لسماع
القصيد ونبض الشعر البديع الأنيق ،

دمتم لنا يا أقمار الملتقى

مع خالص التقدير

**منال** · #3 06/03/2009, 16h10

بمناسبة عيد ميلاد المنتدى الثاني

عود و ناى و كمان بيشكي

يروي .. يحكي للقانون

تضحك الدنيا و تبكي

للـوتر لـو كان حَـنون

و الفـنون عقل و جنون

و الطرب فــَرْح و شجون

و التراث على كل لون

نـوَّرت قـناديله تاني

تـنسج الأنوار معاني

عيد زمانك يا زماني

و لـبديع الشدو صُون

هِلـُّوا يا حبايـبنا هِلـُّوا

دا الطريق مفروش بـِفـُلـُّه

كلنا حواليه نقول له

يا هنانا بمنتدانا

نِجمتين ضَوْوُّا ف سمانا

زوِّدوا نورنا و بهانا

كل عام و انتَ بتحلىَ

بالأصالة الفن أحلىَ

(7)

سَمَّع الأجيال فنونك

إبدأ الأحلام بفِكرة

دي الشعوب من غير ماضيها

مش حاتقدر تِحيي بُكرة

و احنا حُراس التراث

و انتَ تاج على كل راس

يا سماعي يا حبيبنا

قلبنا مليان حماس

هِلـُّوا هِلـُّوا يا حبايب

أقطفوا العنب اللى طايب

و الحقوا م الحب نايب

و افرحوا و غنوا معانا

يا هنانا بمنتدانا

نِجمتين ضَووا ف سمانا

زوِّدوا نورنا و بهانا

(8)

يابني يا مسكين تعالى

عندنا أصل السلالـة

فـن أجدادك وابوك

شدو صافي .. حضنه دافي

سلطنة وسماع ملوك

و ف طريقه لابد تمشى

حتى لو فى السكة شوك

فن و بيحمل رسالة

مش عيال ع الفن عالة

مسخ زايف .. فن هايف

بالكليب بيخدعوك

عود لوعيك .. رُد روحك

و اوعى تانى يحنطروك

و النهاردة

نجمتين ضَووا ف سمانا

و ف هواهم داب هوانا

و بسماعي الدنيا تحلىَ

و ف سماعى الفن أحلىَ

**منال** · #4 06/03/2009, 16h16

إلى الأخ حسن كشك بمناسبة تعريب اسمه

عَـرَّبوك يا حسن
ضحكوا عليك بكلمتين و عَـرَّبوك
بُكرة تندم و تقول يا ريتني

عَـرَّبوه عَـرَّبوه
حاجة صفرا و شرَّبوه
فاضل ايه راح تعملوه
دا الجدع غلبان يا هووه

إسمه كان ..
( ماركة ) تتحدى الزمان
تعرفه كل الشعوب
روس و تـُرك و أمريكان

يا ضياع جوجل و ياهو
بعد إسمك .. ضاعوا تاهوا
زيّ عَيِّل تاه ..
ومش لاقيين أبوه
عَـرَّبوه .. عَـرَّبوه

يا سيناكي يا ملاكي
رحت فين
السما بقى لونها كاكي
ومصر لابسة توب حزين

بس تـَارَك
مش حاتنساه الشعوب
نور نهارك
يمحي أحزان الغروب

ناس تروح .. و تيجي ناس
كاس و يتبدِّل بكاس
و اللي باقي ..هُوَّا إسمك
كل حرف .. و للأبد
محفور في جسمك

يا سيناكي
يا ملاكي

**منال** · #5 06/03/2009, 16h22

أغنية نوني وهي قطة أبنة الأخ حسن كشك

نوني

نوني حبيبتي
شـَئـِيـَّة شـَآوة
و اما تنـَونـَو
حلوة حلاوة
على قلبي
عُمرِك ما تهوني
نوني يا نوني
حبيبتي يا نوني

نوني قـُطة جميلة ذكية
بتحب اللِعب بحِنِيـَّة
و الخربوش
يفضل مَنئووش
على وش اللي يعاكس نوني

نوني يا نوني
حبيبتي يا نوني
شايلاكي أنا
جوة عيوني

نوني يا نوني
يا أجمل قطة
أول ما ارجع من مدرستي
أرمي الشنطة
و اجري عليكي و تجري عَلـَيَّا
و آخدِك بالأحضان يا عنيـَّة

دايما ً صورتِك
جوة عيوني
نوني يا نوني
حبيبتي يا نوني

نوني حبيبتي
ف حضني تنام
أحلم .. تشاركني الأحلام
أفرح ..تِفرح
أزعل .. تِزعل
و تنـَونـَوْ .. و لا أحلى كلام
هى حبيبتي وضى عيوني

نوني يا نوني
حبيبتي يا نوني

بابا يا بابا
حبيبي يا غالي
خد نوني معاك
فسحها لي
في العربية
وخدني معاها
و ماما كمان
إيَّاك تنساها
و اوعىَ تغني تقول
( ظلموني )

نوني يا نوني
حبيبتي يا نوني

**

**منال** · #6 06/03/2009, 16h32

حديثه مع الشاعر سيد أبو زهدة

آه يا مغـرَّقـني ف خِيــــرَك
و لا قلبي يلوُف على غيرك
خـُدني نقطة ف كـاس فـَنـَّك
أو ريشة في جنــاح طِـيرَك

***

حديثه مع الأستاذ فؤاد عبد الحميد

تِسلـَم يا بو قلب حليب صابـِح
ياللي ف مَلـَكوت النور سابح
يا بو قلب مافيهشي بُقـَع سودا
خسرانة الناس و انتَ الرابح
**

**منال** · #7 06/03/2009, 16h42

إلى الأخ م. إيهاب عامر

دايماً على بالي يا غالي
لمـَّا باشــوفـَك يحـلالـي
أسهر في سماعي ليالي
متونـِّس بيك يا إيهــاب

**

مع الأستاذ صلاح علام

يا بخت مِن كان ( سيادة الرئيس ) صاحــبُه
في الشِدة يـِلقاه سَنـَــد ،، في الفـَرح يفــرَح بُه
و اللي اصطفاه الرئيس ،، على دنيته راح بُه
يشوف جنـاين هَـــواه ،، و شجَرها يطرَح بُه
**

**سمعجى** · #8 14/03/2009, 23h16

اقتباس:

المشاركة الأصلية كتبت بواسطة منال

أغنية نوني وهي قطة أبنة الأخ حسن كشك

نوني

نوني حبيبتي
شـَئـِيـَّة شـَآوة
و اما تنـَونـَو
حلوة حلاوة
على قلبي
عُمرِك ما تهوني
نوني يا نوني
حبيبتي يا نوني

نوني قـُطة جميلة ذكية
بتحب اللِعب بحِنِيـَّة
و الخربوش
يفضل مَنئووش
على وش اللي يعاكس نوني

أشكرك يا منال على ( نوني ) ،،

كان يوماً رائعاً ، حين التقينا في بيت الدكتور أنس العامر ،،
للقاء ضيف مصر و أخينا الحبيب محمد الزمنطر ، و الأستاذ كمال عزمي القادم من ألمانيا ،،

و تلقيتُ مكالمة أختي الصغيرة إبنة الأستاذ حسن كشك ، عبرَ موبايل والدها ، ، و التي أخبرني أخي حسن أنها زبونة دائمة لما أكتب عَبر المنتدى ،

و قد طلبت مِني على استحياء ، أن اكتب أغنية لقطتها التي تعشقها ( نوني ) ،،
و وعدتها بأن أكتب ل ( نوني ) ،، و قد كان

و فوجئت بقيام عمي الآلاتي بتلحين كلمات نوني ، في لحن ٍ رشيق ٍ و مَرح و طفولي للغاية
ثم فوجئت بأخي سامي دربز ، بقيامه هو الآخر بتلحين نفس الكلمات ،، و أرسل لي
اللحن و هو يغنيه مع الكورال ،،

و كانت ( نوني ) فاتحة تعاون بيننا ، و طلب مِني سامي أغنياتٍ للأطفال ، تكفي لعمل ألبوم ( و هو ألبومه القادم بمشيئة الله ) ،
فكتبت له ( العصفور ،، لولو ،، شباكي العالي ،، و أظن : تيجوا نحلم )

و أتمنى أن أجدَ فراغاً من الوقت ، لأتمَ مجموعة أخرى ( إصحى من النوم يا بابا ،،
قيام .. جلوس ،، حصة رسم ،، الحاسة السادسة ،، عاملين إضراب ...)

يا ترى انتي فين دلوقت يا نوني ؟!

**عصفور طاير** · #9 14/03/2009, 23h22

اقتباس:

المشاركة الأصلية كتبت بواسطة سمعجى

فكتبت له ( العصفور ،، لولو ،، شباكي العالي ،، و أظن : تيجوا نحلم )

و أتمنى أن أجدَ فراغاً من الوقت ، لأتمَ مجموعة أخرى

بص يا كيمو.. مادمت كتبت عن العصفور.. يبقى ليا نسبة. وأنا مش حاتنازل عن قيراط أرض ونص جاموسة

**Sami Dorbez** · #10 16/03/2009, 01h02

اقتباس:

المشاركة الأصلية كتبت بواسطة سمعجى

و كانت ( نوني ) فاتحة تعاون بيننا ، و طلب مِني سامي أغنياتٍ للأطفال ، تكفي لعمل ألبوم ( و هو ألبومه القادم بمشيئة الله ) ،
فكتبت له ( العصفور ،، لولو ،، شباكي العالي ،، و أظن : تيجوا نحلم )

اقفش!!!

تيجوا نحلم ???

هي فين دي??
طيب انا حسامحك المرة دي
وهتبعثهالي ومعاها غرامة بعنوان

إصحى من النوم يا بابا
وعاملين اضراب