قطرات من مداد قلم الشاعر السمعجي كمال عبد الرحمن

[منال]

إلى الأخ حسن كشك بمناسبة تعريب اسمه

عَـرَّبوك يا حسن
ضحكوا عليك بكلمتين و عَـرَّبوك
بُكرة تندم و تقول يا ريتني

عَـرَّبوه عَـرَّبوه
حاجة صفرا و شرَّبوه
فاضل ايه راح تعملوه
دا الجدع غلبان يا هووه

إسمه كان ..
( ماركة ) تتحدى الزمان
تعرفه كل الشعوب
روس و تـُرك و أمريكان

يا ضياع جوجل و ياهو
بعد إسمك .. ضاعوا تاهوا
زيّ عَيِّل تاه ..
ومش لاقيين أبوه
عَـرَّبوه .. عَـرَّبوه

يا سيناكي يا ملاكي
رحت فين
السما بقى لونها كاكي
ومصر لابسة توب حزين

بس تـَارَك
مش حاتنساه الشعوب
نور نهارك
يمحي أحزان الغروب

ناس تروح .. و تيجي ناس
كاس و يتبدِّل بكاس
و اللي باقي ..هُوَّا إسمك
كل حرف .. و للأبد
محفور في جسمك

يا سيناكي
يا ملاكي

[منال]

أغنية نوني وهي قطة أبنة الأخ حسن كشك

نوني


نوني حبيبتي
شـَئـِيـَّة شـَآوة
و اما تنـَونـَو
حلوة حلاوة
على قلبي
عُمرِك ما تهوني
نوني يا نوني
حبيبتي يا نوني




نوني قـُطة جميلة ذكية
بتحب اللِعب بحِنِيـَّة
و الخربوش
يفضل مَنئووش
على وش اللي يعاكس نوني


نوني يا نوني
حبيبتي يا نوني
شايلاكي أنا
جوة عيوني




نوني يا نوني
يا أجمل قطة
أول ما ارجع من مدرستي
أرمي الشنطة
و اجري عليكي و تجري عَلـَيَّا
و آخدِك بالأحضان يا عنيـَّة


دايما ً صورتِك
جوة عيوني
نوني يا نوني
حبيبتي يا نوني





نوني حبيبتي
ف حضني تنام
أحلم .. تشاركني الأحلام
أفرح ..تِفرح
أزعل .. تِزعل
و تنـَونـَوْ .. و لا أحلى كلام
هى حبيبتي وضى عيوني


نوني يا نوني
حبيبتي يا نوني






بابا يا بابا
حبيبي يا غالي
خد نوني معاك
فسحها لي
في العربية
وخدني معاها
و ماما كمان
إيَّاك تنساها
و اوعىَ تغني تقول
( ظلموني )



نوني يا نوني
حبيبتي يا نوني

**

[منال]

حديثه مع الشاعر سيد أبو زهدة

آه يا مغـرَّقـني ف خِيــــرَك
و لا قلبي يلوُف على غيرك
خـُدني نقطة ف كـاس فـَنـَّك
أو ريشة في جنــاح طِـيرَك

***

حديثه مع الأستاذ فؤاد عبد الحميد

تِسلـَم يا بو قلب حليب صابـِح
ياللي ف مَلـَكوت النور سابح
يا بو قلب مافيهشي بُقـَع سودا
خسرانة الناس و انتَ الرابح
**

[منال]

إلى الأخ م. إيهاب عامر

دايماً على بالي يا غالي
لمـَّا باشــوفـَك يحـلالـي
أسهر في سماعي ليالي
متونـِّس بيك يا إيهــاب

**

مع الأستاذ صلاح علام

يا بخت مِن كان ( سيادة الرئيس ) صاحــبُه
في الشِدة يـِلقاه سَنـَــد ،، في الفـَرح يفــرَح بُه
و اللي اصطفاه الرئيس ،، على دنيته راح بُه
يشوف جنـاين هَـــواه ،، و شجَرها يطرَح بُه
**

[منال]

أيضا مع سيادة الرئيس الأخ صلاح علام

ميـن اللي زيَّـك مِلامِــس
نجوم ظلامنا اللي دامِـس
شـُفـت بمِرايـِة عُـيـونـَـك
بان الفضا ،، بُعد خامِس

**
بين الملايكة و البَشر
مَلَكوت
صلاح فِـيه انحَشَــر

**

[منال]

تهنئته إلى الأخ غازي الضبع بمناسبة قدوم
المولود الجديد


عِـز الدين





عِــز يا عِــز يا نونو مْنـَمْنـِــــم


إسم الله عليــك حِــلو مْسَمْسِــم





رُشـّوا الملح و رُشـُّوا السمسـم


في سْبُـوعُـه ، كلنا حاضــرين








عِز الدين إســـــــــم عَلى مُسَمّى


عاش مِن رَبَّى و عاش مِن سَمَّى





عُقبال ما نشـــوفـَك عَ ( الإِمـَّّّة )


بتعاكِس في بنـــــــــــات حلوين







عِــز الــدين مــولــود فنـــــان


أحلامُــه سَـبـــآك يا زمــــــان





مِـن يومُـــه واد جــنـتـلمــان


بُــكرة يا بُــكرة نـُـوره يبـــان







عِـز و فـارس ،، ربي الحارس


حايقـَفـِّلوا حضانات و مـدارس





و يـوَرَّطـــوا بابا ف مشــاكلهـم


دُول أشقيا و ما فيش في مثيلهُم







عِـز يـا عِـز يا أجمَـل نـونـو


عـرفـِت بابا و ماما عـيـونـو





لو فـَتـَّـحْهُـم ،، بيفـرَّحهُـــــم


ضِحكِتـُه شمس تدَفـِّي سنين







يـا مْفـَرَّحنـا يا عِــــــز الـدِّين


ماما تبوسو و بابا ياسيـــــن





و أخوه فارس واقف حارس


ربنا يحرُسهُم مِ العيـــــــــن






***





واااء وااء ،، صَاح الكتكـــوت


واااء وااء ،، نام يا صغـَنطوط





واااء وااء ،، عِــز مصَـحِّيني


واااء وااء ،، و مْطـَلـَّع عينـي





واااء وااء ،، مش عارف انام


واااء وااء ،، بكفاية حَــــــرام





واااء وااء ،، مـا تعَطلنيــــش


واااء وااء ،، إن شـالله تعـيش





واااء وااء ،، صَحَّانا مِ النـــــوم


واااء وااء ،، و اهُو ضاع اليوم






واااء وااء ،، ربِّـي يخَـــــللي


واااء وااء ،، عَ النبـي صَلـِّي





**

[صالح الحرباوي]

سلام و احترام

الأخت الفاضلة الأصيلة منال....
بنت أرض الحرمين الشريفين
الأديبة الملهمة المتألقة
صاحبة العبارات المحلقة في سماء الابداع
المفعمة بأريج العطور النادرة
و المكللة بأزهار البساتين الوارفة
إليك أسمى عبارات الشكر على هذه البادرة الجميلة
التي ستتجمع بفضلها إبداعات شاعرنا العظيم
الاديب والفيلسوف الكبير ... حبيب الكل
كمال عبد الرحمن
ربان القلم الذهبي
السابح في بحار الأدب و بحور الشعر
و محيط الفن و أنهار الود و المحبة و الاخوة

الشكر موصول للأخت الكريمة عيون المها
و لأخي العزيز أبو مندور

[غازي الضبع]

أختي الكريمة الفاضلة المتألقة دائماً
منـــــــال
تعرفي إني عامل عندي ملف على الوورد فيه كل كلمة كتبها الأستاذ كمال عبد الرحمن
إيماناً مني بنفس مبدئك
بأن مثل هذه الكلمات لابد وأن تسجل وأن تحفظ
ولكي هذه الكلمات التي كتبها شاعرنا الجميل للمهندس محمد علي



مُحَمَّــــــد عَلـي


(( قـنـاديـلُ الـرُّوح ))




نـَأَت صادِحَاتُ الجـِنانِ ، و غابت
أهـــازيـجُ شـَــــدو ٍ عن المُــثـمـَل ِ



و شـَحَّ الجَمَالُ ،، و ضــاقَ الفؤادُ
من الـواقِــع ِ المُبـْـتـَلـَى المُــبتـَلِـي



لقـد جَـــفَّ يُــنبـــوعُـنا فـغــــدونـا
عن الحِــسِّ و الصِّــدق في مَعـزل ِ



فـَـمَدَّ اليـَــديْن إلـينا ،، و لاحــــت
سحاباتـُهُ كالهَوَى المُقبـِـــــــــــــل ِ


ِ
بوَجــهٍ سَمُــوح ٍ و طِيــبِ مُحَيـَّـا
و عَذبِ حَــديثٍ ، و قلـب ٍ خـَلِـي



خجُــولاً ، بَتـُــولاً ، يَـــرِقُّ حياء ً
و يَـــرفـُلُ في سَمْتِــــهِ الأمــثـَــل ِ



فـدَام لنــا مَوئِــــــــلاً نـَصـطـفـِيهِ
و نســــعى إليــه بعِشــــق ٍ جَــلِي



و نحمـــلُ في عِيـــدِهِ اليــومَ ورداً
و نشـــــــــــــدو بكلِّ جميل ٍطـَلِي



***



يَحِنُّ لروحِ التراثِ ، و يحيـــــــــا
بعشـــــقِ القديـــــمِ ، و لا يأتــــلي



فلمَّـــــا استـَـتــَـبَّ له الفنُ طوعـــاً
أصابَ الغثـــــــاثة َ في مَقتـَـــــــل ِ



ليبنــي لنا قصــرَ شــدو ٍ مــنيــفٍ
يقــودُ الجميـلَ إلى الأجمَـــــــــــل ِ



و يَمحَــقُ بالعــــدل كلَّ قــبــيــح ٍ
كما يُصـــرَعُ الضَّــيمُ بالأعَـــزل ِ



***



لـهُ بالحِــجَى دِقـَّــة ُالصَّائـغِـــــينَ
كـَمَن ينسِجُ الحَــــــــرفَ بالمغزَل ِ



و في كـَـــرْمِهِ ، لا نـُرَدُّ خِمـــاصاً
و مِـن حُــلوِهِ طــابَ لـي مــأكلــي



فـَـذقْ عَسَـــــلَ اللحن ِ في وَصفِــهِ
خذ الأصلَ مِن صاحب المنحــــل ِ




***



قــنــادِيـلـُه ، تـَفـرِشُ الضَّــوءَ هَوناً
على المُنتدَى ، و المَــدَى الآفِــــــل ِ



يُـعـِـيــدُ البَــريــقَ لِـفـَـن الغِــــنـَــاءِ
و يجــــــلو الترابَ عن المُهمَـــــل ِ




و قِـــــــنديلُ معشــــوقـُه الأزَلِـــيَّ
يُـراوحُـــنــــا بالشـــــــذا المخمَلـِيِّ




كـأنَّ المُــــروجَ دَنَـت مُــــصغياتٍ
لــرَجْــع ِالعــنـــــــادِل ِو البُـــلبُــل ِ




فأنـَّى لنــا الـدَّربُ ، دونَ سمـــاعى
و حادي الأصيلِ ( مُحَمَّـدْ عَلي ) ؟!



***



تواضـُعُهُ ، للغــــرور ِ خصيم
و في الحَــــــقِّ ، كالأسَدِ الأبسَــــل ِ




و في وجهــٍهِ ، قِـــبــلة ٌللصَّـــــلاح ِ
و فـي كفـِّـــهِ الحَــــــقُّ لا ينــْـحَـــل ِ




تــــرَقرَقَ مثــــل النســــــــيم علينـا
و شـَيَّدَ قصـــــــــــراً ثـَرِىَّ الحُــلِــي




و أحيـــا الغِناءَ بـأرض ِسَمَـــــــاعي
و جَــمَّــل عَـيـنـيــهِ بالمـكحَــــــــــل ِ




فــكـم للأصـــــــالة من مُخلِصِـــــين
و صنـْوُ التـُـــــــراث ( مُحَمَّد عَلي )




***



أيا عابـِــرَ الــدََّرب ِ للمُـــــــــــرتقى
و فــي ليــلنــا حامِــلَ المشــــــــعَـل ِ




عَـطايـَاكَ تــــزهـو و تسـكنُ فيــنـــا
كمَــــــالا ً يـَـتـُــوقُ إلــى الأكـــمَــل ِ




مُـعَـلـَّـقـة فـي ضـمـيـر ِ الأحِــــــبَّـة ِ
يا حارسَ الكنــــز و المَعــــــــــــقل ِ



ِ
فـَقـَـطـِّـر نـَــــَداكَ علينـا ، و رَفرِفْ
مـلاكــــاً ،، يقـــــودُ إلــى المَنهـــــَل ِ





و كـن قـمــــــراً ساهِـراً فـي أمـاسي
سَمَــــــــاعي ،و غـَرِّد و لا تجْــــفل ِ






و شـَـقــشِــق شـُـمُـوسَـكَ أنىَّ ابتـُلِـينا
بــِغـَــث الغِــــــنا الآفِــــــل الموحـل ِ





و كـن فـي الــدُّجى للشـــريد منـــاراً
و كـن نجمـَــة الفـجــــر للمُختـَـــلِـي

[غازي الضبع]

في موضوع موسيقى القافلة
كانت هذه المشاركة من شاعرنا الكبير

بمناسبة ( السيات )
إهداء الى صديقي غازى
و متلحنة جاهزة على إيقاع ( العنب العنب العنب )

السيات السيات السيات

السيات

فراملها بتفـَوّت
السيات

حوادثها بتمَوِّت
السيات

لو ناوى تركبها
السيات

روح ودّع احبابك
السيات

و لو اتقفل بابها
السيات

حسرة على شبابك
السيات

السيات السيات السيات
السيات

يا محلا فـُسحتها
السيات

للآخرة سِكـّتها
السيات

خَرّت كمان زيتها
السيات

السيات السيات السيات
السيات

يا مجمّعة الأحباب
السيات

زقــّة ينوبكو ثواب
السيات

شـُكمانها كله هباب
السيات

آخرتها إيه يا عذاب
السيات

[غازي الضبع]

ثم تطور الأمر من السيات
إلى اللامبورجيني
وكانت هذه القصيدة الهادفة

يا سلام يا أستاذ حسن ..
ما تلاقيش إلا اللامبورجينى ؟!
دى عربية بتاعة الناس اللى بالى بالك ..
و الحديثة منها بتبدأ من مليون دولار و طالع
عموما انت تأمر .. خـُد عندك يا عم .....

لامبورجينى ......لامبورجينى
وحسن ناوى يطلع عينى
سبنى احلم بيها و لو مرة
و من الحلم اوعى تصحينى
لامبورجينى لامبورجينى




لامبورجينى .....و لامبورجينـَّا
نِنـَّا و نامي يا شعوب نِنـَّا
يركبها عصابة و شافطينـَّا
و اذا قلت لهم كـَيفَ و ماذا
يقولوا لك : أ ُصبر .. تتهنـّىَ
ما تبحلقشى و سيبك مِنـَّا
و كفاية عليك تدخل جنة
و تمزمز فى الحور العينى
لامبورجينى ..لامبورجينى



لامبورجينى ......لامبورجينى
قولها يا غلبان اوعى تخاف
ناس تتعشى سمك بربونى
و ناس تتصبر برغيف حاف
خبيت همى جوة عيونى
وحمارتى العارجة تغنينى
لامبورجينى ..لامبورجينى




لامبورجينى .......ولامبورجيينـَك
و على الأسعار .. الله يعينك
مستورة يا رب .. و شاكرينك
و اكتبهـا لى ..أحج لبيتك
من ميـِّة زمزم تروينى
لامبورجينى ..لامبورجينى





لامبورجينى عند صاحبنا
إللى بيتعشى كاميلووني
و يمزمز بكاسين مارتيني
و احنا آخرنا خيارة وجبنة
يا مثبت لى عقلي و ديني
لامبورجينى ..لامبورجينى




هو غداه الباربيكيووو
و احنا نغنـِّي نقول ( ظلمووو
هو يقول ميرسى مسيووو
و احنا البيئة نقول ( أيّووو )
و اذا قلنا مش لاقيين عيش
حايوصـِّينا ناكلوا جاتووو
لا مبور جينـُه
على لامبور أهل اللي جابووو
جايز تلعب يوم البـِلية
و يحن زمانى اللى ناسينى
لامبورجينى ..لامبورجينى



لامبورجينى .....و لامبورجينهم
اضحك يللا و سيبك منهم
حَكمونا بالرأس مالية ..
و احنا على اللامبور حاسدينهم
ربك يستر و يعَـدّلها
و يدوم الإنتاج الصينى
لامبورجينى ..لامبورجينى



( كـُمالة زى بتاعة الكشرى اللى عاوز يعزمنا عليه الأستاذ غازى ) :

نقلاً عنى شخصيا ً :

لامبورجينى .. طب وايه يعنى
مش شرط زمانى يدلعنى
و كفاية سماعى يمتعنى
بأغانى و فنون تروينى
لامبورجينى لامبورجينى



نقلا عن الآنسة المكافحة
زيزى طوب الأرض :

لامبورجينى ركبها لى
يا مسمسم يا حليوة يا غالى
و على الديسكو نروح طوَّالى
و حاشيلك فى رموشى وعينى
لامبورجينى لامبورجينى