قطرات من مداد قلم الشاعر السمعجي كمال عبد الرحمن

[عصفور طاير]

[quote=abuzahda;291501]

المشاركة الأصلية كتبت بواسطة عصفور طاير

و أنت يا عمي جمال ، يا "جمال"

(( جادك الغيث إذا الغيث همى *** يازمان الوصل بـ "دمنهور" ))

وعشان زمان الوصل في دمنهور دي، وفي أجواء ذكرى ميلاد العم بيرم، خد دي يا عم سيد..
بس على قد ما قُسُم..
يعني أنا بس بالعب دور المستفز ليك ولكيمو عشان تجودا علينا بغيثكما الشعري..
خد يا سيدي :

الأوّلة آه.. والتانِية آه.. والتالِتة الله
**
الأوّلة كيمو، وقلنا الشعر له ناسه
والتانية سيد، بيفرز م الكلام ماسه
والتالتة إحنا، عرفنا الفن واحساسه
**
الأولة كيمو وقلنا الشعر له ناسه، ومقاماته
والتانية سيد، بيفرز م الكلام ماسه، ومعناته
والتالتة إحنا عرفنا الفن واحساسه، وشرباته
**
الأولة كيمو وقلنا الشعر له ناسه ومقاماته، وموهبته
والتانية سيد، بيفرز م الكلام ماسه ومعناته، بتجربته
والتالتة إحنا عرفنا الفن واحساسه وشرباته، ولعيبته
**

الأولة منتدانا بالمعنى يتزيّن.. وبالأعضاء
والتانية فن وأصالة وعلم مش هيّن.. غير الأخلاق
والتالتة غاوي السمَع عاشق وما يبيّن.. بين العشاق
**
الأولة شُعرا تُقال صيّاغ كلام
والتانية دول فنانين أصحاب مقام
والتالتة غذوا القلوب عشق وغرام
**
الأوّلة آه.. والتانِية آه.. والتالِتة الله