أمثال ضد أمثال

**رائد عبد السلام** · #1 02/03/2009, 12h39

اقتباس:

المشاركة الأصلية كتبت بواسطة صباح2015

السلام عليكم ورحمة الله وبركاته

أخى العزيز الأستاذ/ رائــــــد
هى كدة مواضيعك هايلة وجميلة
يسلم ايدك وعقلك
فيه أمثلة بتقول:

- إن عشقت إعشق قمر وإن سرقت إسرق جمل
X
- الطمع يقل ماجمع
----------------------------

- حاسب قبل ما تناسب
X
- مراية الحب عامية
-----------------------------
خير تعمل شر تلقى
X
- أعمل خير وأرميه فى البحر
--------------------------------
- الباب اللى يجى لك منه الريح سده وأستريح
X
- أكنس بيتك ورشه متعرفشى من ح يخوشه
والبقية تأتى

شكراً وتحياتى ،،،

كلنا بقي في انتظار البقية دي يا أستاذة
صباح
والله ينور علي اللي فات

**abuzahda** · #2 02/03/2009, 15h48

يا غريب كُن أديب
x
البلد اللي ماحدش يعرفك فيها (قِل أدبَك) و امشي فيها

* * *
الجري نص الجدعنة
x
عيش راجل ساعة و ما تعيش (مُخنَّس) العمر كله

على جنب (برضو)

سبحان القابض الباسط

(ما اتحرمش من جمالك يا أستاذي)

**سيادة الرئيس** · #3 02/03/2009, 16h26

(( بختك يا ابو بخيت ))

X

(( إللي يزرع دره في الناروز يبقى قولَحَه من غير كوز ))

النيروز : موسم قبطي لا ينبت فيه ذره

**محب الاصيل** · #4 02/03/2009, 20h07

بسم الله الرحمن الرحيم
الموضوع المطروح على درحة عالية من الاهمية، وقد كنت قرأت فيما مضى كتابا او كتيباً صغيرا عن الامثال الشعبية في الميزان. ربما أشار الاستاذ الفاضل أبو زهده في احد ردوده الى ان التضاد ليس في الامثال فقط، بل ربما تجاوزه الى حدود التصادم مع نصوص الكتاب والسنة.
لكن في هناك امثال ظاهرها التضاد وحقيقتها التكامل.
مثلاً
اسعى ياعبدي وانا اسعى معك
لا يتصادم ـ والله اعلم ـ مع
اجري يا ابن آدم جري الوحوش.
فالاول يدعوا الى عدم التكاسل والتواكل، فيظن الانسان
انه ربما حصل رزقه بدون عمل لان الله تكفل له بذلك.
حتى اذا بدأ يسعى ويكسب ربما نسي انه ليس السعي هو الذي رزقه. كما قال قارورن: "انما أوتيته على علم" اي بشاطرتي وفكاكتي! بل الله هو الرزاق. وان السعي ليس الا اخذا بالاسباب.
فاذا تحول الانسان الى ماكينة لا تكف عن السعي، وتحويل حياته الى ورشة شغل 24 ساعة. قيل له
اسعى يا ابن آدام.
فهي ربما تعارضت، وربما تكاملت.
والله اعلم
وعذرا على الاطالة

**د.حسن** · #5 02/03/2009, 22h25

اقتباس:

المشاركة الأصلية كتبت بواسطة محب الاصيل

اسعى ياعبدي وانا اسعى معك

الأخوة والأخوات
سمعت من الشيخ الشعراوى - رحمه الله - فى إحدى خواطره
أن هذه الجملة خاطئة ويجب ألا تقال
حيث تسبقها غالباً جملة "ربنا بيقول"
وهو مالم يرد فى القران الكريم أو فى الأحاديث القدسية
مثل هذه الجملة
اسعى ياعبدي وانا اسعى معك
فيجب ألا نرددها والله أعلم
مع تحياتى

**صباح2015** · #6 02/03/2009, 22h56

أخى الأستاذ / رائــــــد
شوف المثل دا
- أبعد حبة تزيد محبة
- اللى بعيد عن العين بعيد عن القلب
لحضرتك أجمل وأرق تحياتى ،،،

**محمد شاكر 1** · #7 02/03/2009, 23h29

انا اعرف شويه امثال
بس عمال دور فى مخى عن امثال
عكسهم مش لاقى
حتى ستى المرجع الرئيسى للامثال
توفيت
ومفيش حد بعدها بقى يقولى امثال

قلبل ا لبخت يعضه الكلب فى المولد

قليل البخت يلاقى العظم فى الكرشه

المنحوس منحوس ولو حطه على بابه فانوس

ياوخده القرد على ماله بكره ينتهى ماله ويفضل القرد على حاله

مكتوب على باب الحمام للايض يسود ولا الاسود يبيض

ياما جاب الغراب لمه

طلب الغنى شقفه كسر الفقير زيره جته حزن الفقير على قله تدبيره
ونبقى نكمل بعدين
وعلى فكره الست المصريه
لها طريقه للمثل
مصمصه البق زائد عوجه والمثل يطلع قىالصميم
مش اى حد بقى

**رائد عبد السلام** · #8 03/03/2009, 17h40

اقتباس:

المشاركة الأصلية كتبت بواسطة صباح2015

أخى الأستاذ / رائــــــد

شوف المثل ده:

- أبعد حبة تزيد محبة
X
- اللى بعيد عن العين بعيد عن القلب

لحضرتك أجمل وأرق تحياتى ،،،

تمام التمام ياست الكل
الأستاذة
صباح
وعندك برضه :
- اعمل الطيّب في أهله وف غير أهله
x
إن قابلك الاعمي ..كُــل عشاه
مش ح تيجي أرحم م اللي عماه !!
تخيّلي !!؟
يعني كان عنده حق الأستاذ
سيد أبو زهدة
لما كتب لنا عن رسالة الماجستير اللي بتقول إن الأمثال دي
كان الاستعمار بيساهم فيها وفي انتشار بعضها ..
نورتي يا استاذة
وفي انتظارك.....مرّات عديدة