أمثال ضد أمثال

**سيادة الرئيس** · #1 01/03/2009, 19h44

طبعا يا إيهاب التضاد بيكون في الموقف بعدين بيجي المثل

يعني تقدر تقول التضاد في الموقف إللي إتقال فيه المثل

و خد ده

(( إللي ربى أخيّر من اللي إشترى ))

X

(( شراية العبد و لا تربيته ))

**unicorn** · #2 01/03/2009, 22h17

يخلق من ظهر العالِم فاسد
x
ابوك البصل و امك التوم , تجيب الريحة الحلوة منين يا ولد الشوم
***********
اضرب ابنك و احسن ادبه , ما يموت الا ان فرغ اجله
x
ان كبر ابنك خاويه

**عفاف سليمان** · #3 01/03/2009, 22h56

مساء الخير على الجميع
مساء الجمال استاذنا رائد
جميله الامثال ولونى معرفش كتير
لكن خد عندك
اكفى القدره على فمها
تطلع البنت لامها
.......
من شابه اباه فما ظلم
العرق يمد لسابع جد
دا اللى فاكراه دلوقتى
اسعد الله اوقاتكم
اختكم عفاف

**عفاف سليمان** · #4 01/03/2009, 23h02

تلك تك تك
افتحولى الامثال
قصدى الباب
كنت عندما اطلب من أمى نقود لكى اشترى شىء
خصوصا لو الصبح بدرى ....وانا غلسه بقه
افضل ازن عليها فكانت تقول
يا فتاح يا عليم يا رزاق يا كريم
اصتبحنا واصتبح الملك لله
.....
واكيد طبعا كان بيقولها فاتحى المحلات عند الافتتاح صباحا لمحلاتهم
وكانت جارتى تقول مثل عن والدتها
اكنس بيتك ورشه
ياعالم مين يخشه
تحياتى
عفاف

**رائد عبد السلام** · #5 02/03/2009, 12h33

اقتباس:

المشاركة الأصلية كتبت بواسطة عفاف سليمان

مساء الخير على الجميع

مساء الجمال استاذنا رائد
جميله الامثال ولونى معرفش كتير
لكن خد عندك
اكفى القدره على فمها
تطلع البنت لامها
.......
من شابه اباه فما ظلم
العرق يمد لسابع جد
دا اللى فاكراه دلوقتى
اسعد الله اوقاتكم

اختكم عفاف

اكفى القدره على فمها
تطلع البنت لامها
X
إحنا أختين ... ولينا بختين

الله ينور ياعفاف ياختي
قدامي بقي علي (حواديت بلدنا)
أحسن عم حسن كشك زمانه غيّر الكوالين
ورمي لنا العدة في الشارع
صدقيني يعملها ...أنا عارفه كويس

**صباح2015** · #6 01/03/2009, 22h58

السلام عليكم ورحمة الله وبركاته
أخى العزيز الأستاذ/ رائــــــد
هى كدة مواضيعك هايلة وجميلة
يسلم ايدك وعقلك
فيه أمثلة بتقول
- إن عشقت إعشق قمر وإن سرقت إسرق جمل
- الطمع يقل ماجمع
- حاسب قبل ما تناسب
- مراية الحب عامية
- خير تعمل شر تلقى
- أعمل خير وأرميه فى البحر
- الباب اللى يجى لك منه الريح سده وأستريح
- أكنس بيتك ورشه متعرفشى من ح يخوشه
والباقية تأتى
شكراً وتحياتى ،،،

**رائد عبد السلام** · #7 02/03/2009, 12h39

اقتباس:

المشاركة الأصلية كتبت بواسطة صباح2015

السلام عليكم ورحمة الله وبركاته

أخى العزيز الأستاذ/ رائــــــد
هى كدة مواضيعك هايلة وجميلة
يسلم ايدك وعقلك
فيه أمثلة بتقول:

- إن عشقت إعشق قمر وإن سرقت إسرق جمل
X
- الطمع يقل ماجمع
----------------------------

- حاسب قبل ما تناسب
X
- مراية الحب عامية
-----------------------------
خير تعمل شر تلقى
X
- أعمل خير وأرميه فى البحر
--------------------------------
- الباب اللى يجى لك منه الريح سده وأستريح
X
- أكنس بيتك ورشه متعرفشى من ح يخوشه
والبقية تأتى

شكراً وتحياتى ،،،

كلنا بقي في انتظار البقية دي يا أستاذة
صباح
والله ينور علي اللي فات

**abuzahda** · #8 02/03/2009, 15h48

يا غريب كُن أديب
x
البلد اللي ماحدش يعرفك فيها (قِل أدبَك) و امشي فيها

* * *
الجري نص الجدعنة
x
عيش راجل ساعة و ما تعيش (مُخنَّس) العمر كله

على جنب (برضو)

سبحان القابض الباسط

(ما اتحرمش من جمالك يا أستاذي)

**سيادة الرئيس** · #9 02/03/2009, 16h26

(( بختك يا ابو بخيت ))

X

(( إللي يزرع دره في الناروز يبقى قولَحَه من غير كوز ))

النيروز : موسم قبطي لا ينبت فيه ذره

**محب الاصيل** · #10 02/03/2009, 20h07

بسم الله الرحمن الرحيم
الموضوع المطروح على درحة عالية من الاهمية، وقد كنت قرأت فيما مضى كتابا او كتيباً صغيرا عن الامثال الشعبية في الميزان. ربما أشار الاستاذ الفاضل أبو زهده في احد ردوده الى ان التضاد ليس في الامثال فقط، بل ربما تجاوزه الى حدود التصادم مع نصوص الكتاب والسنة.
لكن في هناك امثال ظاهرها التضاد وحقيقتها التكامل.
مثلاً
اسعى ياعبدي وانا اسعى معك
لا يتصادم ـ والله اعلم ـ مع
اجري يا ابن آدم جري الوحوش.
فالاول يدعوا الى عدم التكاسل والتواكل، فيظن الانسان
انه ربما حصل رزقه بدون عمل لان الله تكفل له بذلك.
حتى اذا بدأ يسعى ويكسب ربما نسي انه ليس السعي هو الذي رزقه. كما قال قارورن: "انما أوتيته على علم" اي بشاطرتي وفكاكتي! بل الله هو الرزاق. وان السعي ليس الا اخذا بالاسباب.
فاذا تحول الانسان الى ماكينة لا تكف عن السعي، وتحويل حياته الى ورشة شغل 24 ساعة. قيل له
اسعى يا ابن آدام.
فهي ربما تعارضت، وربما تكاملت.
والله اعلم
وعذرا على الاطالة