موسيقى الشعر - دروس في علم العَروض

**غازي الضبع** · #1 15/05/2008, 06h41

اقتباس:

المشاركة الأصلية كتبت بواسطة unicorn

لا مؤاخذة يا غازىيا خويا
احنا قولنا بعد ما خدنا المسامحة من المدرسة
نقعد مع مولانا الشيخ كمال
أهو نسمع لنا كلمتين من بتوع العروض
انت على العموم عرفت السكة ,
بس خد بالك مولانا له طلبات و احتمال كمان قارئة المج تكون لها طلبات للأسياد ( يجعل كلامنا خفيف عليهم)
انت حاول تخش على سيدنا بحاجة كدة من طلبات الأسياد : زر ورد أحمر مزنهر , حمامة بيضة مشأشأة , بخور و حنة جاوى , و ريالين فضة

و بنا يجعلهم بالرضا و السماح

خلاص ..
هاتنزل المرة دي
انما اعمل حسابك المرة الجاية
لا ممكن تنزل أبدا

***
أوكيه يا بو مندور
أنا كده فهمت المصاريف عبارة عن إيه ؟
واديني جبت معايا فرختين بدارا عذارى

عشان مولانا الشيخ كمال يقبلني معاه في الفصل ..
ويجعله عامر

**سمعجى** · #2 16/05/2008, 20h49

اقتباس:

المشاركة الأصلية كتبت بواسطة غازي الضبع

خلاص ..
هاتنزل المرة دي
انما اعمل حسابك المرة الجاية
لا ممكن تنزل أبدا
***
أوكيه يا بو مندور
أنا كده فهمت المصاريف عبارة عن إيه ؟
واديني جبت معايا فرختين بدارا عذارى

عشان مولانا الشيخ كمال يقبلني معاه في الفصل ..
ويجعله عامر

إنت متأكد إنهم بدارة يا غازي ؟! ،، وريني كدا ،،
دا فيهم واحدة عِتقِيّة ،، و عليها بيضة
( أحمد مظهر في الأيدي الناعمة )

ألا قوللي يا أخ غازي ،، أنا معَدّي دِكي النهار قـُدَّام داركـُم ( دار الضبعاوية ) ،
لقيت لا مؤاخذة زينة و بلالين و طراطير و ( بَسطة ) ،، هو انتوا عندكم حَدّ هايتجوز ،، و لا يكونشي حَد راجع من الحِج متأخر حبتين ؟!
و لاَّ يكونشي فارس إبنك عيد ميلاده اليومين دول ؟!

عموماً ما تنساش عمك الشيخ في حتتين بَسطة و ( ازازة أزّوزة )