موسيقى الشعر - دروس في علم العَروض

**هاله** · #1 06/05/2008, 20h09

اقتباس:

زمان أيام ما كنا طلبة ، كانوا يأتوننا بمراقبين للإمتحانات من خارج المحافظة ، و المراقب الذي لا يتساهل في اللجنة ، ينتظره مجموعة من الطلبة خارج اللجنة ، و يوسعونه ضرباً

يادى الكسوف ياولاد استاذى كان بيضرب المراقبين اللى مش بيغششوه فكرتنى ايام امتحاناتى بتاع الثانويه العامه وانا كنت معاهده نفسى ماغشش ابدا مهما حصل وكان فيه امتحان كنت بكره مادته وكان على حظى جاى صعب جدا المهم بعد انتهاء تسليم الورق قعدت وكنت متضايقه جدا لانى كنت متاكده انى شايلاها شايلاها فلقيت المراقب جايلى وكان من البحيره وعرض عليا كل اوراق الاجابه بتاع زميلاتى اختار اللى تعجبنى وانقل منها فطبعا رفضت بشده وشكرته وهو اللى فضل يتحايل عليا علششان مسقطش فى المادى لكنى فضلت على اصرارى ورفضت وسبحان الله زميلاتى اللى غشوا اثناء الامتحان شالوها وانا وسبحان الله نجحت تخيل ؟
تقوم تيجى تقولى حضرتك ببساطه بتضربوا المراقبين اللى بيرفضوا يغششوكوا ليه كده يااستاذى

اقتباس:

بس بيني و بينِك ( بيكي ) هذه ليست صحيحة ،، لأننا ننطق الباء في الكلمة ( بـِكِ ) في مسافة زمنية واحدة ، بينما الكاف ( إذا اعتبرنا أنها في نهاية جُملة ) فنـُشبـِعُها نـُطقا ،

مثل ( لقد ازددنا شرفاً بكِ ) ، فيكون النطق العَروضي الصحيح للكلمة هو ( بـِكي )

اقولك على سر ماحدش يسمعه انا عارفه ان كتابه كلمه بك بالاسلوب اللى كتبت بيه كان غلط
بس هقولك حاجه اوى ماجيت اجاوب قلت انها هتبقى بيكى لكن مع شويه تفكير بسيط لقيتنى غلط طبعا لكنى حبيت انى اكتب اللى فكرت فيه علشان ماتفتكرش انى شفت الاجابات السابقه لاخوانى واخواتى
ثم تعالى هنا وقولى اشمعنى يعنى سى عصفور الى سامحله بالتدخين وعدم حل الواجب وقاعد تطبطب عليه كده هو مش تلميذ زينا ولا ايه ؟

**محمود** · #2 07/05/2008, 07h23

أول كلامي سلام ..

يا لولي العصفور أستاذ كبير لكن متتلمذ. يعني متواضع وقاعد وسط التلامذة. مشفتيش محاوراته ومناظراته الشعرية (من الشِعر وليست اللي بتتاكل) مع الخوجة بتاعنا في موضوع الرتوش الأخيرة. دا شاعر أراري.

أما بلغة الطلبة المشاغبين الوحشين المتسيسين فتقدري تعتبريه طابورخامس. بيكتب أسامي الطلبة اللي بيتكلموا في الحصة ويديها للأستاذ.

بالمناسبة بعد جلسة مفاوضات ومباحثات مطولة مساء أمس قررنا تغيير اللون المعتمد لكتابة النصوص نزولا على الرغبات السامية لأساتذتنا المهندس محمد علي والمايسترو محمد الآلاتي والمستجد غازي الضبع. لكن للأسف إيدي مش مطاوعاني على تغيير اللون الأخضر الأثير لديّ.

.. شفتوا الأثير لديَّ دي .. مش تقول لي متبرفن يا أستاذنا.. كان عيبها إيه يعني مُتـَكـَليـِن.

تحياتي

محمود

**عصفور طاير** · #3 07/05/2008, 13h22

اقتباس:

المشاركة الأصلية كتبت بواسطة محمود

أول كلامي سلام ..

يا لولي العصفور أستاذ كبير لكن متتلمذ. يعني متواضع وقاعد وسط التلامذة. مشفتيش محاوراته ومناظراته الشعرية (من الشِعر وليست اللي بتتاكل) مع الخوجة بتاعنا في موضوع الرتوش الأخيرة. دا شاعر أراري.

أما بلغة الطلبة المشاغبين الوحشين المتسيسين فتقدري تعتبريه طابورخامس. بيكتب أسامي الطلبة اللي بيتكلموا في الحصة ويديها للأستاذ.

بالمناسبة بعد جلسة مفاوضات ومباحثات مطولة مساء أمس قررنا تغيير اللون المعتمد لكتابة النصوص نزولا على الرغبات السامية لأساتذتنا المهندس محمد علي والمايسترو محمد الآلاتي والمستجد غازي الضبع. لكن للأسف إيدي مش مطاوعاني على تغيير اللون الأخضر الأثير لديّ.

.. شفتوا الأثير لديَّ دي .. مش تقول لي متبرفن يا أستاذنا.. كان عيبها إيه يعني مُتـَكـَليـِن.

تحياتي

محمود

يا دكتور محمود حضرتك دايما رافع معنوياتي ومعنويات كل الناس اللي في المنتدى.. يا سيدي والله لا أستاذ ولا يحزنون.. دا أنا تلميذ بلية في آخر دكة والمسامير مهربدة المريلة كمان.. (إيه رأي حضرتك في موضوع دكة ومهربدة دي.. أظن دا يؤكد إني خريج مدارس حكومة من اللي كانت بتنقع في الشتا).

لكن لولي هي السبب لو الأستاذ طردنا من الحصة..
يا لولي الفتنة نائمة

**محمود** · #4 07/05/2008, 19h37

اقتباس:

المشاركة الأصلية كتبت بواسطة عصفور طاير

يا دكتور محمود حضرتك دايما رافع معنوياتي ومعنويات كل الناس اللي في المنتدى.. يا سيدي والله لا أستاذ ولا يحزنون.. دا أنا تلميذ بلية في آخر دكة والمسامير مهربدة المريلة كمان.. (إيه رأي حضرتك في موضوع دكة ومهربدة دي.. أظن دا يؤكد إني خريج مدارس حكومة من اللي كانت بتنقع في الشتا).

أول كلامي سلام ..

ماشي يا عم التلميذ البلية ابو مريلة مهربدة .. حنمشيها كدة قدام الناس.

إنما المشكلة حنقول لهم النثر اللي بيطير فوق السحاب في موجات التواصل الوجداني الرقراق مع سمعجي والشعر الراقي اللي بتكتبه ده والـــ ... لا مؤاخذة التنطيط والشقشقة بين البحور والقوافي دي جايبها منييييييييييين (شفت حرف المد؟)

يا ترى كام واحد من المثقفين اللي بجد اللي حاسين بالناس وبيعبروا عنهم كانوا خريجين المير دي ديو أو فيكتوريا كوليج ؟؟

يا عمنا الكتاتيب والمدارس اللي بتنقع هي اللي طلعت الطهطاوي وطه حسين والمازني والبارودي وحافظ وسمعجي وعصفور طاير!!

تحياتي

محمود

**صالح الحرباوي** · #5 07/05/2008, 20h00

سلام و احترام،
.
بروفسور سمعجي. لي سؤال...
عندما تحتوي الكلمة أو الإسم، على أكثر من حرف مدّ مثلا( لولي، ريما). كيف يجب النداء؟ لوووووولي أو ريمااااااااااا أو لولييييي و ريييييما ؟؟؟؟ أو لوووووليييييي و رييييمااااااا.
فانتظار الجواب، الكل سيذهب إلى الكانتييييين، يمكن الدكتور محمود يعزمنا على سااااااااندوييييييتشاااااات. يالّه تعالى يا أستاذ رائد و ما تخافش .... ده كله بيتاكل السندويتش و العلقة.
.
تحياتي
.

**رغـد اليمينى** · #6 08/05/2008, 03h13

صباح الورد الجورى أستاذنا الكبير

..::* سمعجى *::..

أستمتعتُ كثيراً بالدرس وما أيسرمن حروف المد

إستمر أستاذى ونحنُ معك لنرتشف من كأس إبداعكَ

فكن كما أنت ؛ خير من يمثل رأس الهرم ، لنسعد بتواجدنا تحت ظله .

وافرالتحيـــة .

**محمود** · #7 08/05/2008, 11h54

اقتباس:

المشاركة الأصلية كتبت بواسطة صاروخ23

مين قال اللي في تونس ما بناكولش الحمام؟ إنت بس إعزمنا واحنا بإذن الله مش ح نخيّبك ولا نحرجك...ح تشوف منّا كل خير في أكل الحمام...لووووووووووووووووول

ميسالش ما هو يا أستاذ كي نعزم روحي مع الدّكتور صالح؟

أول كلامي سلام ..

يا أستاذنا دي مصر كلها تنور بوجودك ووجود الباشمهندس صالح. تبقى الأرانب هي اللي مبتاكلوهاش. الحقيقة مش فاكر. فيه حاجة احنا بناكلها في مصر وانتم بتعتبروها شيء فظيع .. أظن الأرانب

تحياتي

محمود

**صلاح السويفي** · #8 08/05/2008, 11h58

اقتباس:

المشاركة الأصلية كتبت بواسطة محمود

أول كلامي سلام ..

يا أستاذنا دي مصر كلها تنور بوجودك ووجود الباشمهندس صالح. تبقى الأرانب هي اللي مبتاكلوهاش. الحقيقة مش فاكر. فيه حاجة احنا بناكلها في مصر وانتم بتعتبروها شيء فظيع .. أظن الأرانب

تحياتي

محمود

الفســـيخ

الفسيخ يادكتــــور محمود

**صاروخ23** · #9 08/05/2008, 13h30

اقتباس:

المشاركة الأصلية كتبت بواسطة محمود

أول كلامي سلام ..

يا أستاذنا دي مصر كلها تنور بوجودك ووجود الباشمهندس صالح. تبقى الأرانب هي اللي مبتاكلوهاش. الحقيقة مش فاكر. فيه حاجة احنا بناكلها في مصر وانتم بتعتبروها شيء فظيع .. أظن الأرانب

تحياتي

محمود

السّلام عليكم ورحمة الله وبركاته

ياأخي العزيز، أكرمك الله وزادك من خيره وفيض رزقه، فإن دلّ هذا فإنّما يدلّ على نبل أخلاقك وجودك، فهذا ليس بغريب على أهل مصر فهم من الذين يؤثرون على أنفسهم ولو بهم خصاصة. بارك الله فيك وفي شعب مصر.

أما عن الأكلة، فإنّه لم يتسنّى لي بعد زيارة المحروسة، وكل طعام أهل العرب وأهل الكتاب حلّ لي ما عدا ما حرمه علينا ربّ العزّة.

فجزاك الله كل خير وأسقاك وأطعمك من جنان فردوسه.

مع تحيّاتي

**صالح الحرباوي** · #10 08/05/2008, 12h38

اقتباس:

المشاركة الأصلية كتبت بواسطة محمود

أول كلامي سلام ..

الحمد للااااااااه .. نفدنا منها المرادي. أخونا صالح كان عاوز يدبسني.

إنما لو بجد يا عم صالح .. انت تجيب العائلة وتنورونا في مصر. صدقني مش حتندم. بالنسبة للأكل .. أنا عاشق للحمام المحشي. وإن شاء الله أدعوك على وجبة حمام محترمة .. أظن أنكم لا تأكلون الحمام في تونس؟؟

لكن صدقني سيعجبك كثيرا.

تحياتي

محمود

سلام و احترام،

حمام محشي...يا سلام....... لا لا ... هذه المرّة سأبدأ التحضير الجدي لزيارة مصر المحروسة، إن شاء الله....

و الحمام المشوي طبق محبوب في الجنوب الغربي لتونس ( مناطق توزر و قبلي)..... أما الأرانب فهي تحضر بطرق متعددة و تأكل في نواحي عديدة من تونس ..

أمّا في المطبخ الفرنسي فالحمام يعتبر طبقا فاخر جدا و منذ زمن لويس الرابع عشر و يتفنن في إحضاره حسب وصفات معقدة كبار الشيفات الفرنسيين.

و الذي سأسعد به اكثر يا عزيزي الدكتور محمود، فهو الكرم المصري و شرف التعرف على الأصدقاء الأعزاء في سماعي في أرض الكنانة و على ضفاف النيل الجميل..
.
(أبجد هوّز....ما تنسوش أن مدرسنا هو الأستاذ كمال و ليس الأستاذ حمام)

أجمل التحية...