اقتباس:
المشاركة الأصلية كتبت بواسطة محمود
أول كلامي سلام ..
يا عم حسن ، تريدني أن أصدق أن في العلبة فيلاً!! إرجع يا عمنا لمشاركتي ستجد اني أعرف هذا الكوبليه (الأول) الصعب في ما وراء الكوبليه الأول.
عموما إليك ما أعرفه من الأغنية وعليك تكملة الراغات لو أمكن:
ميِّل يا غزيِّل ** يا غزيِّل ميِّل
ميِّل لك ميولة ** قيِّل لك قيولة
نسقيك فنجان قهوة ** نعمل لك تبولة
آه منك يا غزيل
من زمان وزمان ** هالقمر ما بان
ميل تانشوفك ** و......
اشتقنا لسهراتك ** اشتقنا لحكياتك
ميل بحياتك ** ميل تا ....
... ما كنا صحاب ** من عز الأصحاب
قلبي القاسي ياللا ... في نار العذاب
اش بدك تهجرنا ** وما تعود تذكرنا
ميل خبرنا ** وما تعود تميل
.... اكتب عا باب ** يا رفيق الصبا
وبتمرق من تحت الشباك مافي مرحبا
ميل عالـفـَـيّة ** اشرب شربة مَية
ارتاحلك شوية ** ...........
آه يا غزيل
وهكذا يا أبا علي. وارد طبعا أن يكون بعض ما كتبته أنا من الكلمات خطأً .. فشمر عن ساعديك واقتحم حومة الوغى و fill in the spaces.
تحياتي
محمود
|
عمنا الكبير الدكتور محمود
سلامتك من الشحتفة يا غالى وما عاش اللى يطنشك ابداً ،،، واسمح لى أن اشارك معاك ( والمشاركة دى من واقع وجودى فى السكن هنا مع اتنين شباب من لبنان ) سمعت معاهم الأغنية واستفسرت عن كل كلمة فيها ،،، ويارب بعد مشاركتى دى تكون كل كلمات الأغنية مفهمومة لسعادتكم ولكل السادة السميعة
أولاً : المذهب بيقول :
ميل يا غزيل *** يا غزيل ميل
ميللك ميولة *** قيلك قيولة
نسقيك فنجان قهوة *** نعملك تبولة
آه منك يا غزيل
طبعا حضراتكم قلتم إن لحد كدة الكلام مفهوم ( بس فيه حاجة عايز أوقلها أنا : وهية إن كلمة : قيلك قيولة ملهاش أى صلة بالقيلولة بتاعتنا ،،، قيلك قيولة معناها احكيلك حكاية،،، وكلمة ميل معناها تعال او اتفضل عندنا ،،،،يعنى المعنى المقصود فى الغنوة " اتفضل يا جميل عندنا وخلينا نقعد مع بعض ونتكلم شوية ونسقيك قهوة أو نعملك تبولة ( والتبولة أكلة شبه السلطة بس بيكون عليها برغل )
الكوبليه الأول :
من زمان وزمان **** ها القمر ما بان
ميل تا نشوفك **** ومنو شو دقيقة زمان
اشتقنا لسهراتك **** اشتقنا لحكايتك
ميل بحياتك **** ميل تا نقيل
كلمة ( تا ) معناها ( علشان )
كلمة ( ومنو شو دقيقة زمان ) معناها ( ولو حتى لمدة دقيقة بس )
وقبل كدة قولت غن كلمة ( نقيل ) معناها ( نحكى أو نتكلم )
بيتهيألى كدة يبقى المعنى واضح ( يعنى من مدة طويلة القمرده مظهرشى " اللى هو الغزيل طبعا " وبتقوله تعال عشان نشوفك ولو حتى لمدة دقيقة من الزمن ،،، اشتقنا لسهراتك وحكايتك وبتحلفه وتقوله وحياتك تتفضل أو تيجى عشان نقعد نحكى ونتكلم مع بعض )
الكوبليه التانى:
فى علمى كنا صحاب **** من أعز الأصحاب
قلبى القاسى يللا يتخ **** من نار العذاب
بدك تهجرنا **** وما تعود تذكرنا
ميل خبرنا **** وما تعود تميل
كلمة ( يتخ ) معناها ( مبقاش ينفع خلاص )
يعنى المعنى ( اللى أعرفه إننا كنا أصحاب ،، ومن اعز الأصحاب كمان ،،، وقلبى خلاص من كتر العذاب وناره مبقاش ينفع " تعب يعنى " ،،، لو عايز نهجرنا وتنسانا ومتفكرش فينا تانى تعال قولنا كدة ومتبقاش تيجى تانى )
الكوبليه التالت والأخير
صرت أكتب ع باب **** يا رفيق الصبا
وبتمرق تحت الشباك **** ما فى مرحبا
ميل ع الفية **** اشرب شربة مية
ارتاحلك شوية **** حاجة بقى تخيل
آه يا غزيل
كلمة ( بتمرق ) معناها ( بتعدى أو بتفوت )
كلمة ( ما فى مرحبا ) يعنى ( حتى ما بترميش السلام )
كلمة ( الفى أو الفية ) معناها ( الظل = مكان ظليل ما فيهوش شمس )
كلمة ( حاجة بقى تخيل ) المقصود بها ( إنك مش محتاج تفضل رايح جاى كدة )
يبقى المعنى ( إنى دايما اقول إنك حبيبى ورفيق صباى ومع ذلك عمال تعدى من تحت شباكنا ولا بترمى السلام حتى ،،، وبتقوله تعال هنا فى الظل استريح واشرب مية وما تفضلشى رايح جاى كدة )
عمى محمود بيه ،،،
يارب أكون قدرت أشارك معاك بمشاركة فعالة ومفيدة
__________________
** هنا فى سماعى وجدت من أحب و ما أحب و ما سأحب **
((( ولكم منى كل الحب )))
*/*/* أحمـــد الشـــوبكـى */*/*
رد: رجَّع الشريط
العرض المتطور
