اقتباس:
المشاركة الأصلية كتبت بواسطة جميل سلمان
السيدة بديعة، أشكرك على تجاوبك وحقيقة انني لم اكن اعرف شيء عن والدك رحمه الله. أما أغنية "خلى السلاح صاحى" فهي غير أغنية العندليب على ما أظن! ارجو التصحيح..
تحدثتي عن الوالد رحمه الله وانه كان يعمل في الألحان الوطنية وقلتي : "قص لى ابى هذه الحكايه اكثر من مره فحفظتها، كما ذكرت الفنانون يعملون بلا مقابل فى هذه الفتره خاصه من يعمل منهم فى الاغانى الوطنيه و قال لى ابى وقتها لم يكن لدينا مال حتى لشراء الحليب لك و انتى مازلت رضيعه و كنت فى حيره من امرى ماذا افعل؟ جلوسى فى المنزل بلا عمل لن يحل المشكله سانزل فى الشارع و امشى و خلاص ليس امامى شىء و لا بيدى شىء و لكن ربما لو نزلت من المنزل قد يفرجها الله من عنده.
متى كان هذا؟ والى ماذا تعود أسباب هذا الفقر ما دام الوالد كان موسيقيا شاملا وكان يعمل بفرقة السيدة أم كلثوم رحمها الله؟ حين اتعرف الى فنان احب ان اعرف اكثر عن حياته لكي افهم لحنه والبيئة لها تأثير كبير كما تعلمين! فأرجو ان لا تكون أسألتي محرجة! .. وشكرا.
|
اهلا يا اخى جميل و مرحبا بكل اسئلتك و انا تحت امرك دائما
نشيد "خلى السلام صاحى" من الحان الموسيقار الكبير كمان الطويل و غناء المجموعه و لم اسمعها بصوت العندليب دى من اغانى الثوره و فعلا كانو الفنانين لا يناقشون فى اجر الاغانى الدينيه و الوطنيه اللى بالذات فى اوقات قوميه عصيبه زى الثوره الكل كان ينزل من بيته بدون استدعاء و يتجمعو فى الاستوديو و فى ساعتها تطلع الالحان و الكلام و الاغانى كامله و تهدى للوطن "بلا مقابل" اجمل الاغانى و الالحان اللى كان الفنانين ملحن او مطرب او مؤلف "كل العاملين عليها" يهدوها للاذاعه و للوطن فى مناسبات وطنيه
و بما ان الفنان زى ما بيقولو "على باب الله" يعنى النهارده جاله لحن او جاله شغل او لا فمن البديهى اننهم ممكن يمروا بفترات الشغل مش ماشى فيها قوى "مين حضر حفلات أو يسمع أغانى عاطفيه فى فتره الثوره أو العدوان الثلاثى او فى تأميم قناه السويس؟"
الكلام ده لما كنت انا رضيعه فى 1956 و اوائل 57 يعنى فى العدوان الثلاثى على ما اعتقد و فى تأميم القناه دى سنه حاسمه جدا فى تاريخ مصر و عملو عليها فيلم ناصر 56
من هنا ممكن و ده اكيد اى فنان يمر بمرحله ما يكونش فى جيبه تعريفه حمرا بالاضافه الى ان مصاريفهم اكتر من الناس العاديه فى حفلات مثلا او اللبس و لو ان على الصعيد الشخصى كانت مصاريف امى و ابويا علينا اكتر حاجه كانو بيستخسروا فى نفسهم اى حاجه فى مقابل يجبولنا كل اللى نفسنا فيه
احب اضيف معلومه ان الفن زمان كان الفنانين يصرفوا عليه و لا يطمعو فى مردود مادى من وراءه لانه كان و يا رب اقدر اقول "وما زال" رساله بيوصلوا رساله حب للوطن، للارض، لله و لتوصيل مشاعر نبيله للناس بابا هو اللى علمنا ان الموسيقى علم كانو العرب بيعالجو بالموسيقى و كان زرياب فى حفلاته يعزف لحن يخلى الناس كلها ترقص عليه و بعدين يعزف لحن يخليهم كلهم ينامو و يسبهم نايمين و يمشى و اين سينا و الرازى كانوا بيعالجو بالموسيقى و من يومين سمعت فى الاخبار ان دكتور فى اوربا وصل لعلاج الناس فى المستشفى بالموسيقى؟! ماحنا اللى عملنا كنا راح فين العلم ده؟
دلوقت العلم ده فى ايد ناس مش امينه الموسيقى ممكن تشفى و ممكن تجرح زيها زى اى علم يستغل صح او يستغل غلط و العياذ بالله اللى بنسمع عنهم و اللى بيطقلوا على نفسهم "عبده الشيطان" وصل لهم العلم ده من اجدادنا و استغلوه فى انهم يخلو اللى يسمع الموسيقى ينتحر و الاكتئاب
و ده اللى نقلته لابنى لما اكتشف ان الموسيقى فى دمه وقع فى فخ الموسيقى حرام و الا حلال خرجته منه بالاحاديث و الاسانيد و كل حاجه و فى النهايه قلت له هو علم يا ابنى و اداه زى السكينه قطعت بيها الاكل يبقى حلال قتلت بيها يبقى حرام الفعل و النيه هى اللى تدخل فى دائره الحلال او الحرام لكن لا يمكن تدين علم معترف به على مستوى العالم و احنا اللى اسسناه و ابدعنا فيه
قصدى من الكلام ده الوالد ما كانش بيقبل شغل مغموس فى نيه غير سليمه او فيه خلاعه او غيره و برضه ده من اسباب حالات الفقر اللى احب اوضح انها كانت دايما يعشها فى رضا كامل و فى سعاده لانه اهون عنده من عمل شى لا يرضى عنه
ارجو انى اكون بالاجابه وضحت لك النقاط المذكوره و لو فى حاجه تاهت عنى ارجو تذكيرى
كل الحب و التقدير
اختك فى الله
بديعه أحمد على
رد: بديعه صادق
العرض الشجري