هابيع صوتى

**سعدالشرقاوى** · #1 18/01/2011, 15h59

(هابيع صوتى)

يارب يعيدوا دايرتنا

وابيع صوتى تلات مرّات

وأفتح كـُشك ع الناصيه
واتاجر حبّه فى الأصوات
وابيع اسم اللى مات بجنيه
ماهم ماليـين لنا الكشوفات
وألحق م الفساد كومى
وأمسك عُمْلة الميّات
وايه فاضل مايتباعشى
وليه يعنى الضميربالذات
مانا بايع لهم بيتى
وساكن ترْبة الأموات
هابيع صوتى
,,,,,
هابيع وأقبض وأتريّش
وياكلوا بعض وانا مالى
لاشافنى شعب ولاشورى
ولا باين لهم حالى
لو اتوفـّر معايا جنيه
بتبقى الأم داعيالى
وماعرفش السياسه يابيه
بأقول والدنيا سمعالى
أنا همىّ أبات ليلة
معشىّ مراتى وعيالى
وابيع صوتى
,,,,,,
عشان خطرك هاجيب مرتى
تروح اللجنه وتعيّط
دى شاطره وعندها الخبره
و طول العمر بتصوّت
وحاتعلــّم على أهلك
فى وسط الورقه وتشوّط
ولو يفضل لكم فكــّه
تروح الفرز وتزغرط
ونتعايق ونتْـثقــّف
وساعة النشره هانزيّط
وأشوفك مرّه بتسقــّف
أروح من فرحتى معيّط
ابيع صوتى
,,,,,,
ولو تدفع فلوس أكتر
أنوب عنـّك فى أىّ يمين
ساعة قسَمْ الولاء أطلع
أقولها وكلهم سامعين
بأنى أرعى مصالحهم
واحافظ ع البلد والدين
وخاصّيه فى محمولك
تقول ان احنا مش فاضيين
ياخوفى دورتك تخلص
ولسّه ماجبتش الملايين
وأسعار البشر تغلا
نجيب الصوت ساعتها منين
وابيع صوتى
,,,,,,,
حافـُضّ السيره واستسلم
وأقطع حبل أفكارى
واقول لك كلمة م الآخر
انا بايع مانيش شارى
أشوفلى عضو متريّش
أساعده عشان يبـيع دارى
وايه يعنى اللىّ أنا شايفه
يطفىّ لوعتى ونارى
دا حتىّ النيل ماهش كافى
عشان يغسل فى يوم عارى
وافوّض للاله أمرى
يخلــّص للولاد تارى
وابيع صوتى
,,,,,,
تعالى وادفع القرشين
تعالى واشترى الأموات
أنا ومراتى والولدين
فى أسرتنا تلات أصوات
ولو صوت الراجل باتنين
نقولوا عاشت القرارات
ونتمنى انّ كلّ يومين
نلاقى جولة انتخابات
وابيع صوتى
,,,,,,,,

هابيع صوتى وانا راضى
وفايق يعنى مش مسطول
ومش طامع فى توظيفى
ولاعايز أكون مسئول
انا محتاج لقوت يومى
وابيعلك كلّ شئ على طول
ياريت الصوت يوكلنى
رغيف واحد وحبّة فول
وابيع صوتى

**د أنس البن** · #2 18/01/2011, 17h11

يسلم قلمك الصاحى المعبر بصدق عن واقع محزن
بالضبط هذا هو ما حدث
كل هذا وأكثر رأيته بعينى رأسى
وسمعت روايات يشيب من هولها الولدان ويهتز لها عرش الرحمن
لم يكفهم أن يكونوا فاسدين
بل صاروا مفسدين أعوانا بل خدما للشياطين
ألا لعنة الله على الظالمين
ربنا يورينا فيهم يوم
وأظنه بات قريبا

**abuzahda** · #3 18/01/2011, 18h07

اقتباس:

المشاركة الأصلية كتبت بواسطة سعدالشرقاوى

(هابيع صوتى)

يارب يعيدوا دايرتنا

وابيع صوتى تلات مرّات

وأفتح كـُشك ع الناصيه

واتاجر حبّه فى الأصوات
وابيع اسم اللى مات بجنيه
ماهم ماليـين لنا الكشوفات
وألحق م الفساد كومى
وأمسك عُمْلة الميّات
وايه فاضل مايتباعشى
وليه يعنى الضميربالذات
مانا بايع لهم بيتى
وساكن ترْبة الأموات
هابيع صوتى
,,,,,
هابيع وأقبض وأتريّش
وياكلوا بعض وانا مالى
لاشافنى شعب ولاشورى
ولا باين لهم حالى
لو اتوفـّر معايا جنيه
بتبقى الأم داعيالى
وماعرفش السياسه يابيه
بأقول والدنيا سمعالى
أنا همىّ أبات ليلة
معشىّ مراتى وعيالى
وابيع صوتى
,,,,,,
عشان خاطرك هاجيب مرتى
تروح اللجنه وتعيّط
دى شاطره وعندها الخبره
و طول العمر بتصوّت
وحاتعلــّم على أهلك
فى وسط الورقه وتشوّط
ولو يفضل لكم فكــّه
تروح الفرز وتزغرط
ونتعايق ونتْـثقــّف
وساعة النشره هانزيّط
وأشوفك مرّه بتسقــّف
أروح من فرحتى معيّط
ابيع صوتى
,,,,,,
ولو تدفع فلوس أكتر
أنوب عنـّك فى أىّ يمين
ساعة قسَمْ الولاء أطلع
أقولها وكلهم سامعين
بأنى أرعى مصالحهم
واحافظ ع البلد والدين
وخاصّيه فى محمولك
تقول ان احنا مش فاضيين
ياخوفى دورتك تخلص
ولسّه ماجبتش الملايين
وأسعار البشر تغلا
نجيب الصوت ساعتها منين
وابيع صوتى
,,,,,,,
حافـُضّ السيره واستسلم
وأقطع حبل أفكارى
واقول لك كلمة م الآخر
انا بايع مانيش شارى
أشوفلى عضو متريّش
أساعده عشان يبـيع دارى
وايه يعنى اللىّ أنا شايفه
يطفىّ لوعتى ونارى
دا حتىّ النيل ماهش كافى
عشان يغسل فى يوم عارى
وافوّض للاله أمرى
يخلــّص للولاد تارى
وابيع صوتى
,,,,,,
تعالى وادفع القرشين
تعالى واشترى الأموات
أنا ومراتى والولدين
فى أسرتنا تلات أصوات
ولو صوت الراجل باتنين
نقولوا عاشت القرارات
ونتمنى انّ كلّ يومين
نلاقى جولة انتخابات
وابيع صوتى
,,,,,,,,

هابيع صوتى وانا راضى
وفايق يعنى مش مسطول
ومش طامع فى توظيفى
ولاعايز أكون مسئول
انا محتاج لقوت يومى
وابيعلك كلّ شئ على طول
ياريت الصوت يوكلنى
رغيف واحد وحبّة فول
وابيع صوتى

بالذمّة يا خلق يا ناس يا هووووو

ده صوت يتباع و لو بكنوز الدنيا ؟

،

يا عم سعد .....
ياللي التوتة حداك خضرة في الاربع فصول ....

أبوس دماغك اللي "صوّتت" دي زجلة

**عفاف سليمان** · #4 19/01/2011, 23h39

عم سعد الشرقاوى
عمدة كفر التوته
هتبيع صوتك
وهبيع صوتى
علشان تكفى
قوتك وقوتى
ورغيف عيش
وشوية فول
وتانى يوم
ندور على صوت جديد
نبيع له تانى من جديد
علشان لقمه وشوية فول

يسلم مخك يا عم سعد يا اصيل
يا عمده كفر الشراقوه
وابن بلدى مصر الاصيل
دمت دائما بخير وصحه وسعاده
ويخلى لك احلى توته
واحلى عيله جميله تتلم
تحت شجرة التوته
وغاليتى الست ام مدحت
تجمع لك الاحبه واحلى صحبه
وتحكى غناوى وحكاوى
تحت التوته
ارق تحياتى
اختك عفاف

**Hisham Khala** · #5 20/01/2011, 19h13

الاصوات الحلوة اتنبحت و الأصوات الرديئة اتباعت
بس بكام و مين اللي اشتري؟ دا الشاري بايع قبل ما يشتري
دا عصر ما يعلم بيه إلا ربنا سبحانه و تعالي.
أحسنت يا عمنا الشرقاوي الأصيل.

**ليلى ابو مدين** · #6 20/01/2011, 20h06

الله عليك ياعم سعد يا شرقاوي يا أصيل
ياعمدتنا يسلم صوتك
ده صوت لا يُباع ولو بكنوز الدنيا
لكنك بصوتك وإحساسك الجميل عبرت عن وجيعة أخرى
من أوجاعنا في هذا الوطن اللي أغلى من أرواحنا
واللي نفديه بحياتنا مصر الحبيبة
ولكن من يسمع ومن يرى
خلاص وعلى رأي أخي الدكتور هشام الأصوات الحلوة
إتنبحت ولم يبقى الا الأصوات الرديئة الفاسدة
سلمت لنا وسلم صوتك وسلمت يدك التي خطت لنا
كلمات رائعة لعلها تصحي النائم والغافل
واللي بيبيع الغالي بأبخس الأثمان
خالص تحياتي
ليلى ابو مدين

**سعدالشرقاوى** · #7 23/02/2011, 23h21

اقتباس:

المشاركة الأصلية كتبت بواسطة د أنس البن

يسلم قلمك الصاحى المعبر بصدق عن واقع محزن

بالضبط هذا هو ما حدث
كل هذا وأكثر رأيته بعينى رأسى
وسمعت روايات يشيب من هولها الولدان ويهتز لها عرش الرحمن
لم يكفهم أن يكونوا فاسدين
بل صاروا مفسدين أعوانا بل خدما للشياطين
ألا لعنة الله على الظالمين
ربنا يورينا فيهم يوم
وأظنه بات قريبا

استاذى الدكتور/انس البن
نحمد الله ونامل ان تكون آخر الاحزان
وتشهد مصرنا عهدا من الحرية
والديمقراطية
وحكمة الله آيه ولكل ظالم نهاية
لكم التحية

**سعدالشرقاوى** · #8 23/02/2011, 23h27

اقتباس:

المشاركة الأصلية كتبت بواسطة abuzahda

بالذمّة يا خلق يا ناس يا هووووو

ده صوت يتباع و لو بكنوز الدنيا ؟

،

يا عم سعد .....
ياللي التوتة حداك خضرة في الاربع فصول ....

أبوس دماغك اللي "صوّتت" دي زجلة[/CENTER]

باع اللى باع يا ابا وجد
واشترينا بلدنا الحلوة اللى رجعت بعد غياب
مروركم يسعد قلبى
والطمأنينه على احوالكم هى غايتى
لكم منى كل تقدير

**سعدالشرقاوى** · #9 23/02/2011, 23h32

اقتباس:

المشاركة الأصلية كتبت بواسطة عفاف سليمان

عم سعد الشرقاوى

عمدة كفر التوته
هتبيع صوتك
وهبيع صوتى
علشان تكفى
قوتك وقوتى
ورغيف عيش
وشوية فول
وتانى يوم
ندور على صوت جديد
نبيع له تانى من جديد
علشان لقمه وشوية فول

يسلم مخك يا عم سعد يا اصيل
يا عمده كفر الشراقوه
وابن بلدى مصر الاصيل
دمت دائما بخير وصحه وسعاده
ويخلى لك احلى توته
واحلى عيله جميله تتلم
تحت شجرة التوته
وغاليتى الست ام مدحت
تجمع لك الاحبه واحلى صحبه
وتحكى غناوى وحكاوى
تحت التوته
ارق تحياتى

اختك عفاف

كفايه عذاب هانغيّر القول
كفايه عذاب ونفرح على طول
كفايه عذاب ونغيّر الفول
ياست عفاف
تحياتى لقلمكم الرائع
لكم جزيل الشكر
ومبروك الحرية

**سعدالشرقاوى** · #10 23/02/2011, 23h35

اقتباس:

المشاركة الأصلية كتبت بواسطة Hisham Khala

الاصوات الحلوة اتنبحت و الأصوات الرديئة اتباعت
بس بكام و مين اللي اشتري؟ دا الشاري بايع قبل ما يشتري
دا عصر ما يعلم بيه إلا ربنا سبحانه و تعالي.
أحسنت يا عمنا الشرقاوي الأصيل.

الجميل هو تواجدكم
حبيب قلبى
دكتور هشام
لك تحية وتقدير