إلى الشاعر العبقرى .... سعد الشرقاوى
وحشتنى ...... و ما غابلك حس يا أبو مدحت
ديارك فين؟
========
يا عم الكل فين دارك؟
و ليه تهجرنى
بعد ما كنت أنا جارك
باصون ودك
و حافظ كل مقدارك
و طيفك لم فارق عينى
و خد عقلى و راح زارك
و لا قاللى ديارك فين
و لا جابلى معاه سطرين
فى ورقة شايلة أخبارك
و زاد شوقى و سهد العين
و دمعى سال على الخدين
و خوفى تجف أنهارك
يا ساقى العطشانين تفانين
يا شرقاوى يا ملوّْ العين
ديارك فين؟
يا ريت ترجع لسُمَّارك
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
ديارك فين؟
العرض الشجري